Ŝikokuo
| Ŝikokuo | ||
|---|---|---|
 Ŝikokuo en Japanio | ||
| insulo • insulo en Japanio | ||
| Akvejo | Pacifika oceano | |
| Geografia situo | 33° 45′ N, 133° 30′ O (mapo)33.75133.5Koordinatoj: 33° 45′ N, 133° 30′ O (mapo) | |
| ||
|
| ||
| Areo | 18 300,63 km² | |
| Loĝantaro | 4 000 000 219 loĝ./km² | |
 La Ŝikoku-pilgrimado | ||
Ŝikokuo (japane 四国 [ŝikoku], «kvar provincoj») estas la malplej granda kaj loĝata el la kvar ĉefaj insuloj de Japanio. Administre ĝi konsistigas (kune kun insuletoj) la regionon Ŝikoku kaj konsistas el la kvar gubernioj: Ehime, Kagaŭa, Koĉi kaj Tokuŝima.
La insulo grandas ĉirkaŭ 18.000 km² kaj havas 4,5 milionojn da loĝantoj; ĝia plej alta monto, Iŝizuĉi, altas 1982 metrojn. Ŝikoku situas sude de la ĉefinsulo Honŝuo kaj de 1988 estas ligita al ĝi per ponto Seto-Grandponto, al kiu aldoniĝis intertempe du pliaj pontoj: Ekspresvojo de Kobe-Aŭaĝi-Naruto kaj Ekspresvojo de Niŝiseto.
Apud Takamacu, ĉefurbo de la gubernio Kagaŭa, troviĝas unu el la plej belaj parkoj de Japanio: Ritsurin-parko. La gubernio mem estas konata pro ĝiaj bongustaj Udon-nudeloj: la pasto estas blanka, pli dika ol kutima pasto kaj kvadratforma anstataŭ ronda.
Tokuŝima, ĉefurbo de la samnoma gubernio Tokuŝima, estas tra la tuta Japanio konata pro la danco Aŭa-odori, kiu okazas ĉiujare dum la festo Bon. Alia urbo estas Higashikagawa.
Biogeografie Ŝikokuo troviĝas en la orientazia ekoprovinco de la Palearktiso laŭ la tipologio de la Monda Natur-Fonduso (WWF).
