Zembla Berria
| Zembla Berria | |
|---|---|
 | |
| Datu orokorrak | |
| Garaiera | 1.547 m |
| Mota | uharte multzoa |
| Azalera | 35.000 mi² |
| Geografia | |
 | |
| Koordenatuak | 73°57′09″N 56°20′55″E / 73.9525°N 56.34861°E |
| UTC ordua | UTC+04:00 |
| Estatu burujabe |  Errusia |
| Errusiako oblastak |  Arkhangelsk oblasta |
| Ur-gorputza | Ozeano Artikoa |
Zembla Berria[1][2] (errusieraz: Новая Земля, translit.: Nóvaia Zemliá, euskaraz: «Lur Berria») Ozeano Artikoan dauden bi uhartek (Ipar uhartea eta Hego uhartea) osaturiko errusiar uhartedia da. 90.650 km²-ko azalera du.
Geografia
[aldatu | aldatu iturburu kodea]Uhartediak Europako iparraldeko muga Ozeano Artikoan osatzen du. Era berean, Barentseko itsasoaren ekialdeko muga eta Karako itsasoaren mendebaldekoa da.
Uhartediak bi uharte nagusi (Ipar uhartea eta Hego uhartea) eta zenbait uharte txiki ditu; guztira, 90.650 km² zabal eta 900 km luze da. Haren iparraldeko muturra Zirkulu Polar Artikotik 470 kilometrora dago.
- Ipar uhartea (errusieraz: Oстров Сeверный) 73º eta 77º ipar latitudeen artean dago. 48.904 km² izanda, Europako laugarren uharterik handiena da. Iparraldeko muturrean, 1.590 m altuera du. Glaziarrez beterik dago.
- Hego uhartea (errusieraz: Oстров Южный) 71º eta 73º ipar latitudeen artean dago. 33.275 km² izanda, Europako seigarren uharterik handiena da eta 1.342 m-ko altuera du. Ipar uhartean ez bezala, glaziarrak altueran baino ez daude eta beste guztia tundra da.
Uhartedia menditsua da oso, izan ere, Uralen jarraipena da.
Historia
[aldatu | aldatu iturburu kodea]Errusiarrek Zembla Berria XI. mendetik ezagutzen dute, Novgorodeko merkatariek bisitatu zutelako. Hala ere, europarrek ez zuten XVI. mende arte uhartedia esploratu: 1553an Hugh Willoughbyk bisitatu zuen eta 1594tik 1597ra bitartean, Willem Barentsek esploratu zuen.
Gerra Hotzaren aldian, SESBak bere bonba atomikoak probatzeko erabili zuen Zembla Berria.
Demografia
[aldatu | aldatu iturburu kodea]2002ko erroldaren arabera, uhartediak 2.716 biztanle zituen, haietatik 2.622 Belushya Guba hiriburuan. Jatorrizko biztanleak 150 inguru dira, bi herenak nenetsak.
Ikus gainera
[aldatu | aldatu iturburu kodea]Erreferentziak
[aldatu | aldatu iturburu kodea]- ↑ 159. araua. Errusieratik transkribatuz gero: Novaia Zemlia Euskaltzaindia (Noiz kontsultatua: 2010-10-6).
- ↑ Euskaltzaindia. 70. araua: Mundu zabaleko uharte nagusiak. .
Kanpo estekak
[aldatu | aldatu iturburu kodea]
Datuak: Q80413
Multimedia: Novaya Zemlya / Q80413