Brasil

Avissu Esti endilgui ebi sel revissau por un corretol.

Repúbrica Federativa del Brasil

(En detalli) (En detalli)
Lengua oficial	Portugués1
Capital	Brasilia
Presienti el goviernu	Luiz Inacio Lula da Silva
Cumprimentu  - Total  - % augua	Posición 5ª 8.514.877 km² 0,65
Puebración  - Total (2014)  - Densidá	Puestu 5º 204 450 649 24 ab/km²
Monea	Rial (R$)
Zona orária  UTC-5 a -2
Inu	Inu Nacional del Brasil
Domeñu Internet	.br
Código telefónico	+55
Biembru de: ONU, OEA, CSN, CPLP, Mercosur

Fortaleza

La Repúbrica Federativa del Brasil es el país mas grandi i mas puebrau d'América del Sul. Los sus arrayus son al norti con Venezuela, Guyana, Surinam i cona Guayana Francesa; tien costas al nordesti, esti i sulesti nel Alánticu. Al sul hazi arrayu con Uruguai; al suloesti con Argentina i Paraguai; al oesti con Bolívia i Perú i al noroesti con Colómbia. Los únicus paisis del sucontinenti sudamericanu conos que no linda son Chili i Equadol. Amás del territóriu continental, Brasil tamien tien angunas islinas e islotis nel Alánticu, veloquilos: Penedos de São Pedro e São Paulo, Fernando de Noroña i la Isla de Trindade i Martín Vaz. Ai tamien una balburda d'islinas i coralis llamá Atol das Rocas.

Estória

Hue hallau pol un naviganti portugués llamau Pedro Álvares Cabral, esperriandu el su territóriu colonial de Portugal pol Tratau de Tordesillas, en estrúciu d'España. Nel sigru XIX (1822) s'endependizó. La su estória está prena d'intis de pas i tamien de runchas, tantu entelnas cumu estelnas.

Geografia

Alcontramus nel su enteriol una gran parti de la serva amazónica i el cursu el riu mas caudalosu el mundu, el Amazonas. La capital es Brasilia, assitiá nel puntu mas central del país.

Brasil tien 36 ciais con mas de 500.000 abitantis i 30 regionis metropolitanas, 20 las cualas tienin mas de 1.000.000 d'abitantis. Las ciais mas puebrás son São Paulo, Rio de Janeiro, Salvador, Brasilia, Fortaleza, Belo Horizonte i Curitiba.

La su geografia es variá, con paisajis árius, montañosus, de praníci tropical, sutropical, con climi variandu entri secu (nordesti) i lluviosu (tropical ecuatorial), i el friascu nel sul.

Cultura

Brasil es el únicu pais d'América que tien cumu luenga oficial el portugués.

El su puebru es el risurtau la mestura deferentis etnias i culturas, con enfruéncias tantu de los ameríndius, moraoris originalis del continenti, cumu de los uropeus envasoris i imigrantis, i colnos africanus que huerun traius cumu escravus. Amás destus tamien tinin que vel los puebrus asiáticus, peru menus emportantis.

• Uropeus 55,6%
• Mestizus 35,1%
• Negrus 7,3%
• Asiáticus 2,0%

Economia

La economia de Brasil es mu divelsificá: agricurtura, endústria minera, endústria testil, endústria automobilística, endústria petruquímica i e trashormación, endústria elétrica i, ogañu tamien, el turismu i el mercau de servícius.

Atijus

• En Commons ai conteníu multimedia sobre Brasil.