Slash

Slash
	; (2022)
Nome orixinal	(en) Saul Hudson
Biografía
Nacemento	23 de xullo de 1965 (59 anos); Hampstead, Reino Unido
Outros nomes	Slash
Residencia	Encino
Grupo étnico	Afroamericano, Afro-britânicos (pt) , British Jews (en) e African-American Jews (en)
Educación	High School de Beverly Hills (pt) ; Fairfax High School (en)
Actividade
Lugar de traballo	Os Ánxeles
Ocupación	guitarrista, produtor musical
Período de actividade	1981 -
Membro de	Guns N' Roses ; Slash featuring Myles Kennedy and The Conspirators (pt) ; Hollywood Rose (pt) ; Slash's Blues Ball (pt) ; Slash's Snakepit (pt) ; Velvet Revolver
Xénero artístico	Hard rock, heavy metal tradicional (pt) , Blues rock e Glam metal
Influencias	Elliot Easton (pt)
Instrumento	Guitarra
Selo discográfico	Eagle Rock Entertainment (pt) ; Roadrunner Records ; RCA Records ; Geffen Records ; EMI
Familia
Cónxuxe	Perla Ferrar (2001–2018), divorcio
Fillos	London Hudson
Pais	Anthony Hudson e Ola Hudson
Parentes	Lucy-Bleu Knight, fillastra
Premios
	estrela no Paseo da Fama de Hollywood ;
Descrito pola fonte	Obálky knih,
Sitio web	slashonline.com

Saul Hudson, coñecido como Slash, nado o 23 de xullo de 1965 en Londres, (Inglaterra), foi un dos guitarristas máis importantes das décadas dos 80 e 90, destacando sobre todo a súa achega musical na banda rockeira Guns N' Roses ata mediados dos 90, cando debido a diferenzas co líder, Axl Rose, decidiu marchar da banda, da que estivo ausente por case vinte anos, volvendo retomar a actividade xunto co cantante no ano 2016.

Durante a súa etapa fóra da lendaria banda, o guitarrista fundou o grupo Velvet Revolver, xunto cos seus compañeiros de Guns N' Roses, Duff McKagan e Matt Sorum, o guitarrista Dave Kushner (exmembro de Suicidal Tendencies e Infectious Grooves) e o cantante Scott Weiland, coñecido polo seu labor dentro da formación Stone Temple Pilots. Xuntos sacarían dous discos e contemplarían un éxito notable entre crítica e público, rematando o seu traballo conxunto no ano 2008, pouco despois de despedir a Weiland, acusado dun comportamento errático.

Co cambio de década, Slash decidiu usar o seu nome artístico como bandeira para a súa carreira, xa en solitario, e lanzou un disco novo disco homnónimo con colaboracións diversas e eclécticas, con nomes como Fergie, Ozzy Osbourne, Myles Kennedy, Chris Cornell, Izzy Stradlin, Duff McKagan, Steven Adler, Andrew Stockdale, Dave Grohl, Kid Rock, M. Shadows, Iggy Pop, Alice Cooper ou Lemmy Kilmister.

Considerado unha lenda do instrumento de seis cordas, Slash logrou acadar unha fama mundial con dous piares como base: o seu recoñecible aspecto e as súas altas capacidades como guitarrista eléctrico.^[1] O seu sombreiro de copa, na cima dunha rizada e densa melena negra, é unha icona máis que recoñecible dentro da escena rock internacional.

Doutra banda, entra na historia da música contemporánea como un dos últimos mitos da guitarra, que viviría un paulatino abandono nas décadas seguintes como instrumento principal, dando paso a outras tendencias. Así, os seus solos son unha mostra perfecta da explosión do Hard rock a principios dos noventa, de longas pasaxes instrumentais e cun son saturado pero claro.

Traxectoria

Tamén formou parte do grupo Slash's Snakepit, co que gravou dous discos, e do grupo de versións de blues Slash's Blues Ball. Actualmente milita na banda de Hard rock "Velvet Revolver" xunto cos seus compañeiros de Guns N' Roses: Duff McKagan e Matt Sorum, e o guitarrista Dave Kushner (exmembro de Suicidal Tendencies e Infectious Grooves).

Slash é coñecido pola súa longa e desordenada cabeleira, o seu chapeu de copa, a súa Gibson Les Paul, o seu amor polo Jack Daniels, o seu piercing nasal de aro e polo cigarro na súa boca.

Discografía

Guns N' Roses

Título	Data de lanzamento	Compañía
Live ?!@ Like a Suicide*	1986	UZI Suicide
Appetite for Destruction	1987	Geffen
EP (Live from the Jungle)	1987	Geffen
G N' R Lies	1988	Geffen
Use Your Illusion I	1991	Geffen
Use Your Illusion II	1991	Geffen
The Spaghetti Incident?	1993	Geffen
Live Era: '87-'93	1999	Geffen
Greatest Hits	2004	Geffen

Slash's Snakepit

Título	Data de lanzamento	Compañía
It's Five O'Clock Somewhere	1995	Geffen
Ain't Life Grand	2000	Koch Records

Velvet Revolver

Título	Data de lanzamento	Compañía
Contraband	2004	RCA Records
Libertad	2007	RCA Records

Notas

↑ "The 10 Greatest Electric-Guitar Players of All Time". Time. Consultado o 2021-02-17.

Véxase tamén

Outros artigos

Ligazóns externas

Official Slash Site. Páxina web oficial de Slash (en inglés).
Velvet Revolver. Páxina web oficial del grupo (en inglés).
Fan Site Oficial de Slash (en inglés)

[1] "The 10 Greatest Electric-Guitar Players of All Time". Time. Consultado o 2021-02-17.

[1]