Peacag
| Peacag | ||||||||||||||||
|---|---|---|---|---|---|---|---|---|---|---|---|---|---|---|---|---|
 Çheu s'yrdjey
 Çheu s'inshley
| ||||||||||||||||
| Rang oaylleeagh | ||||||||||||||||
| ||||||||||||||||
| Ennym daa-ennymagh | ||||||||||||||||
| Inachis io (Linnaeus, 1758) | ||||||||||||||||
| Co-cheayllee | ||||||||||||||||
|
Nymphalis io |
She foillycan 'sy chynney Nymphalidae ee peacag (Inachis io). T'ee ry-akin 'syn Oarpey as er feie yn Aishey hempreilagh dys yn Çhapaan. She oltey ynrican y ghenus Inachis t'ayn.
Jalloo-oaylleeaght
[reagh | edit source]Ta lheead skianyn wheesh as 55mm eck. Ta ny skianyn ruy, as ta cowrey sooilley[noa] (eyespot) doo, buigh as gorrym er baare dagh skian. Ta oirr ghone-ghlass myrgeayrt ny skianyn as ta'n corp hene dhone. Ta çheu s'inshley ny skianyn follit liorish daaghyn dhoneagh dorraghey.
Bea
[reagh | edit source]Ta'n pheacag ry-akin ayns magheyrn, lheeanteeyn as keylljyn, chammah's gareyderyn, as dys ardjid wheesh as 2500m. Ta ny fyrrynee thallooinagh, as t'ad reih thalloo ta kianglt rish ynnydyn brey ooh.[1][2] T'ad ceau yn geurey roish my t'ad brey oohyn leah 'syn arrey, wheesh as 400 ec yn un cheayrt.[3] Ta ny h-oohyn glass olive, as rimmeigagh. T'ad goll er brey er çheu s'inshley duillagyn undaagee as lus y ghargid.[4]. Ta'n phraddag doo soilsheanagh; er dagh meer, ta spuitt vaney as shey straihyn dy yialgyn wheddyragh. T'ad gaase wheesh as 42mm er lhiurid, as gee undaagagh (Urtica dioica), lus y ghargid (Humulus lupulus) as undaagagh rangagh (Urtica urens).[3] Ta'n chryslid lheeah, glass ny dhone.[4]
Ta peacagyn aasit gee naghtyr veih ymmodee blaaghyn, goaill stiagh lus y toar villish, shellagh, lus ny minnag, lus villish, jeshal as shamrag. T'ad gee soo biljyn as mess loau myrgeddin.
Bun-ocklaght
[reagh | edit source]Ta'n emmyn Ladjynagh rere Io, ny ben ayns far-skeealaght ny Greag.
-
Oohyn -
Praddag -
Gee undaagee -
Cryslid
Imraaghyn
[reagh | edit source]- ↑ "Territorial Behaviour of the Nymphalid Butterflies, Aglais urticae (L.) and Inachis io (L.)" (1972). Journal of Animal Ecology 41 (2).
- ↑ Price, Peter W. (1997). Insect ecology, 3oo (Baarle), John Wiley, 874. ISBN 9780471161844. Feddynit er 2010-11-11.
- ↑ a b Eeles, Peter. Peacock - Inachis io (Baarle). UK Butterflies. Feddynit er 2010-11-11.
- ↑ a b Stokoe, W.J. (1966). The Observers Book of Butterflies, lhieggan caslyssagh, The Observer's Books (Baarle), London: Frederick Warne & Co., 103–104.
Kianglaghyn çheumooie
[reagh | edit source]
- Caslyssyn photosynth jeh peacag
- Inachis io, caslyssyn er Arkive