Porto
| ||
| Wopon | ||
|---|---|---|
| ||
| Zakładne daty | ||
| stat |  Portugalska
| |
| distrikt | Porto | |
| přestrjeń | 41,29 km² | |
| wobydlerstwo | 237.591 (2011) | |
| hustosć zasydlenja | 5.754,2 wob./km² | |
| póstowe čisło | 4049-001 | |
| webstrona | cm-porto.pt | |
Porto je wulkoměsto na sewjeru Portugalskeje. Druhe najwjetše město kraja po stolicy Lisabon leži při rěce Douro blisko wuliwa do Atlantiskeho oceana. Metropolowy rum ma něhdźe 1,8 milionow wobydlerjow. Porto je stare wikowanske město a jedne z najstaršich na Iberiskej połkupje.
Grjekojo załožichu tu w starowěku přistaw Kalos („rjany [přistaw]“), kotryž Romjenjo potom přemjenowachu do Portus Cale (samsny woznam). W lěće 540 přetwarichu Zapadni Gotojo Porto k twjerdźizny a biskopskemu sydłu. Wot 716 do 868 a znowa mjez 997 a 1050 knježachu tu muslimscy Maurojo. W lěće 1096 dósta křižer Hendrich z Burgundskeje hrabinstwo Portocale za wićestwo. Z hrabinstwa wuwiwaše so kralestwo Portugalska, kotrež bu po měsće pomjenowane.
Dźensa je Porto z tekstilnej, metalowej a chemiskej industriju, wolijowej rafineriju, zamórskim přistawom Leixões a mjezynarodnym lětanišćom hospodarske a wikowanske srjedźišćo Portugalskeje kaž tež – jako sydło uniwersity, wuměłstwoweje akademije, muzejow a dźiwadłow – wuznamne kulturne město. W lěće 2001 bě hromadźe z nižozemskim Rotterdamom kulturna stolica Europy. Historiski centrum słuša wot 1996 k swětowemu herbstwu UNESCO.
Žórła
[wobdźěłać | žórłowy tekst wobdźěłać]
Wotkaz
[wobdźěłać | žórłowy tekst wobdźěłać]
Commons: Porto – Zběrka wobrazow, widejow a awdiodatajowKulturne město Europy: 1985: Athen | 1986: Florenc | 1987: Amsterdam | 1988: Zapadny Berlin | 1989: Paris | 1990: Glasgow | 1991: Dublin | 1992: Madrid | 1993: Antwerpen | 1994: Lisabon | 1995: Luxemburg | 1996: Kopenhagen | 1997: Sołun | 1998: Stockholm
Kulturna stolica Europy: 1999: Weimar | 2000: Avignon, Bergen, Bologna, Brüssel, Helsinki, Krakow, Praha, Reykjavík, Santiago de Compostela | 2001: Porto, Rotterdam | 2002: Brügge, Salamanca | 2003: Graz | 2004: Genua, Lille | 2005: Cork | 2006: Patras | 2007: Sibiu, Luxemburg hromadźe z wulkoregionu | 2008: Liverpool, Stavanger | 2009: Linz, Vilnius | 2010: Istanbul, Pécs, Essen hromadźe z Poruhrskej | 2011: Tallinn, Turku | 2012: Guimarães, Maribor | 2013: Košice, Marseille | 2014: Riga, Umeå | 2015: Mons, Pilzeń | 2016: Wrócław, Donostia-San Sebastián | 2017: Aarhus, Pafos | 2018: Leeuwarden, Valletta | 2019: Matera, Plowdiw | 2020: Galway, Rijeka | 2021: Timișoara, Eleusis, Novi Sad | 2022: Kaunas, Esch an der Alzette | 2023: Veszprém | 2024: Tartu, Bad Ischl, Bodø | 2025: Kamjenica