B

B
Abesedário a Latin

Ti B ket ti maika-2 a letra, kasta met umuna a konsonante, iti alpabeto a Romano.

Pakasaritaan

Egipsio Per	Penisio bēt	Lumaud a Griego beta	Etrusko B	Latin B

Nagparang ti Romano a ⟨B⟩ manipud iti Griego a letra a ⟨Β⟩ babaen dagiti bersionna nga Etrusko ken Eubeo. Ti letra a Griego ket maysa a panang-adaptar ti Penisio a letra a bēt ⟨𐤁⟩. Ti heroglipiko nga Ehipsio para iti konsonante a /b/ ket larawan ti maysa a saka ⟨ ⟩, ngem ti bēt ("balay" iti Penisio) ket maysa a nabaliwan a porma ti maysa a glipo a Proto-Sinaitiko ⟨ ⟩ a naadaptar manipud iti naidumduma a heroglipiko a Per ⟨ ⟩, a kaipapananna ti "balay". Ti letra a Hebreo a bet (ב) ket maysa a naidumduma a panagrang-ay ti letra a Penisio.

Idi panawen ti Bisantino, ti panangibalikas ti Griego a letra a ⟨Β⟩ ket /v/, isu a ammo dayta iti Moderno a Griego kas víta (naisurat pay laeng βήτα). Mangirepresentar ti letra a Siriliko a ve ⟨В⟩ iti isu met laeng a timek, isu a kasapulan a porma a be ⟨Б⟩ tapno mangirepresentar iti /b/, para iti sasao nga Eslabiko. (Agkurkurang ti Moderno a Griego pay laeng iti maysa a letra para iti voiced bilabial plosive, ken mangitransliterar dagiti kasta a uni manipud iti dadduma a pagsasao babaen ti digrafo / grupo a konsonantiko a ⟨μπ⟩, mp.)

Idi damo naisurat ti Daan nga Ingles kadagiti runas, a ti katupag a letra ket beorc ⟨ᛒ⟩, a kaipapananna "birch" (Betula spp.). Agingga ti beorc iti di kumurang a maika-2 a siglo a Lakay a Futhark, a maipagarup a nagtaud manipud kadagiti ⟨ 𐌁 ⟩ ti alpabeto a Daan nga Italiko, a direkto wenno babaen ti Latin a ⟨⟩.

In-inut a nagbalin, iti ⟨⟩ ti sinuratan a Insular, ti unsial a ⟨⟩ ken kagudua ti unsial a ⟨⟩, a nangidatag dagiti Gregoriano ken mision a Hiberno-Eskoses. Nasukatan dagiti alpabeto a Latin ti Daan nga Ingles dagiti immun-una a runas, a naan-anay a naparitan idi panawen ni Ari Canute idi rugrugi ti maika-11 a siglo. Nangpalatak ti Panangsakup dagiti Norman iti porma a minuskula a karolinhio (kagudua ti unsial), a kalpasanna a in-inut iti letra ⟨ ⟩. Idi agarup 1300, ad-adda a nagbalin a napateg dagiti porma dagiti letra, kayat na a sawen, dagiti dakkel ken bassit a letra, ket naaddaanda da iti nagduduma a kaipapanan. Kalpasan ti panagimbento ti pagimprentaan idi maika-15 a siglo, ti Nasantuan nga Imperio a Romano (Alemania) ken Eskandinabia ket nagtultuloy nga agusar kadagiti porma ti sinuratan a gotiko (nangruna ti Fraktur), idinto ta idi agangay, inampon ti Inglatera ti humanista ken antiqua, a naparang-ay iti Renasimiento idiay Italia manipud iti kombinasion dagiti inskripsion a Romano ken dagiti teksto a Karolinhio. Nagparang dagiti agdama a kursibo a porma ti B idi maika-17 a siglo.