Sveriges socialdemokratiska arbetareparti
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De Socialdemokraterna (aafgekórt S; Limbörgs: de Sociaaldemocrate) is 'n Zweedse centrumlinkse politische partie. Officieel hètj de partie Sveriges socialdemokratiska arbetareparti (aafgekórt SAP; Limbörgs: Sociaaldemocratische Arbeiderspartie van Zwede), meh deze naam en dees aafkórting waeren uters zelje gebroek. Ane verkezinge nump de partie deil es Arbetarepartiet-Socialdemokraterna. Es partiesymboeal höbbe de sociaaldemocrate de roeaj roeas, nao 'n idee van Fredrik Ström.
Eine van de bekinste SAP-leje oeats is Olof Palme, veurmalig premier van Zwede en vermoord in 1986.
De Socialdemokraterna woorten opgerich in 1889 en daomit is 't de aadste partie van Zwede. De partie haet róndje hóngerddoezjend leje.
Tösje 1940 en 1998 kreeg de partie ederskieër tösse de 40 rn 50% vanne stumme bieje verkezinge. Det maak de partie toet ein vanne succesvólste oppe werreld. De kezers kómmen oet brei laoge vanne samelaeving. E groeat deil van 't kezerskorps besteitj oet febrikswirkers. In 't gebied rónjelóm Stockholm steitj de partie traditioneel neet erg sterk. Inne verkezinge van 2006 haoldje de partie dao slechs 23% vanne stumme. 't Rizzeltaot euver gans Zwede van 2006, 35%, is 't lieëgste det de partie oeatj haet gehaoldj saere inveuring van 't algemein stumrech. Veural de stumme van gepensjeneerdje en arbeiders liek de partie verlaore te höbbe t'n opzichte vanne veurige stumbösgank.
D'n allewiele premier van Zjwaeje, Magdalena Andersson, is e lid van de Sociaaldemocrate.
Dit artikel is e sjtumpke. De kans Wikipedia helpe door 't aan te völle