Delfin
| Articul por Ladin Val Badia | 
|
Le delfin (dal grech δελφίς) é n mamifer che alda pro i eucarioc tl ordin di Cetaceae y tla familia di Delphinidae (delfins di ozeans) y di Platanistoidea (delfins di rüs). Al é gnü descurí ca. 40 sortes desvalies de delfins partides sö te 17 jëni che á dimenjiuns danter 1,2 m y 9,5 m y apësa danter 40 kg y 6 tonelades. La maiú pert dles sortes apësa danter 50 kg y 100 kg.
Ti raiuns dl Mer Mediteran gnôl araté bele dai tëmps antics incá che i delfins ess na inteligënza cotan maiú respet ai atri mamifers y pësc. I delfins á n sistem de comunicaziun bindebó compliché, tres chël che ai fej ince ultrasonns. Tla mitologia classica é le delfin simbol dl’ega y colié ala divinité de Netun y de Venus.