Lompat ke isi

Lumba-lumba

Wikipedia Minangkabau - Lubuak aka tapian ilimu
Lumba-lumba

Edit nilai pada Wikidata
Rekaman (id) Terjemahkan
Edit nilai pada Wikidata
Ubah di Wikidata

Lumba-lumba adolah mamalia lauik nan sangaik cerdas, salain itu sistem alamiah nan malengkapi tubuahnyo sangaik kompleks. Sahinggo banyak teknologi nan tainspirasi dari lumba-lumba. Salah ciek contohnyo adolah kulik lumba-lumba nan dapek mampaketek gesekan jo aia, sahinggo lumba-lumba dapek baranang dengan saketek hambatan aia. Hal iko nan digunoan dek para parenang untuak marancang baju ranang nan mirip kulik lumba-lumba.

Lumba-lumba mampunyoi sabuah sistem nan digunoan untuak bakomunikasi saarato jo manarimo rangsang nan dinamoan jo sistem sonar, sistem iko dapek manghindari benda-benda nan ado di mungko lumba-lumba, sahinggo tahinda dari banturan. Teknologi iko kamudian diterapkan dalam pambuatan radar kapal selam. Lumba-lumba adolah binatang manyusui kareno lumba lumba adolah mamalia. Mereka hiduik di lauik jo sungai di saluruah dunia. Lumba-lumba adolah karabaik paus jo pesut. Ado labih dari 40 jinih lumba-lumba.

Bayi lumba-lumba nan baru lahia akan dibawo ka pamukaan dek induaknyo bia dapek manghiruik udaro. Lumba-lumba paralu naiak ka pamukaan untuak barangok supayo tetap iduik. Lumba-lumba barangok malalui lubang udaro nan barado di ateh kapalonyo. Badannyo nan licin jo rampiang sangaik sasuai untuak baranang. Induak lumba-lumba manyusui anaknyo dengan susu nan gurih jo manyadioan energi untuak anaknyo supayo capek gadang. Satiok anak lumba-lumba salalu barado di dakek induaknyo, sahinggo induaknyo dapek malinduangi dari bahayo. Lumba-lumba salalu manjago hubungan jo anaknyo hinggo tumbuah samakin gadang. Induak lumba-lumba mamanggia anak anaknyo jo siulan khusus nan dapek mereka kanali.

Lumba-lumba hiduikjo bakarajo dalam kalompok atau disabuik juo jo kawanan. Mereka acok bamain basamo. Saikua lumba-lumba indak dapek lalok nyanyak di bawah aia. Inyo dapek tabanam. Mako karano itu, inyo satangah lalok babarapo saat dalam sahari. Lumba-lumba makan cumi jo ikan sarupo ikan mullet abu-abu. Kadang kadang Lumba-lumba manggiriang kawanan ikan bia murah untuak ditangkok. Lumba-lumba mancari jalan jo caro mangirimkan suaro di dalam aia. Jiko suaro itu manganai suatu benda, suara itu akan dipantulan baliak sabagai gema. Kadang kadang, suaro gaduah di lauik akibaik pangeboran minyak dapek mambingungan lumba-lumba. Mereka akan mangalami kasulitan dalam mangirim jo manarimo pasan. Karano lumba-lumba dapek bakomunikasi, mako lumba-lumba disabuik sabagai hewan nan paliang cerdas, malabiahi simpanse.[1]

Manusia sanantiaso tatarik jo kisah lumba-lumba. Bangsa Romawi alah mambuek gambar mozaik lumba-lumba sakitar 2.000 tahun lalu. kiniko, manusia sanang baranang di lauik basamo binatang nan pandai dan basahabat sarupo lumba-lumba. Lumba-lumba harus bahati hati tahadok ikan hiu nan mungkin manyarang sawakatu wakatu. Mereka malinduangi diri jo gigi giginyo, kadang-kadang mereka manggunoan paruahnyo sabagai palantak. Manusia dapek manjala banyak sakali ikan dek lumba-lumba untuak makanannyo. Takadang, lumba-lumba tatangkok dek jariang nelayan. Mereka indak dapek manghiruik angok di pamukaan, akibaiknyo mereka tabanam. Katiko bahan kimia nan babahayo dibuang ka lauik, limbah itu dapek maracuni makanan nan dimakan dek lumba-lumba. Pambangunan waduk di sungai dan pangariangan danau hanyo manyisoan saketek tampek dek binatang sarupo lumba-lumba Brazil untuak hiduik.

Lumba-lumba tagolong sabagai mamalia nan cerdas. Lumba-lumba dapek manolong manusia, bilo lumba-lumba alah talatiah, bahkan lingkaran api pun dapek mereka terobos. Singa laut, spesies primata, paus jo anjiang tamasuak pulo ka dalam binatang nan cerdas. Lumba-lumba nan alah talatiah dapek malakuan babagai atraksi sarato mereka dapek pulo bahituang, tatapi Lumba-lumba nan lia alum dapek malakuan babagai atraksi. Pado maso kini, lumba-lumba jo paus alah langka, mako lumba-lumba jo paus harus dilinduangi. Lumba-lumba jo paus alah mulai dilinduangi di saluruah dunia.

Taksonomi

[suntiang | suntiang sumber]

Anam hewan dalam famili Delphinidae umumnyo disabuik "paus". Mereka kadang-kadang disabuik "blackfish" (ikan hitam):

Sabagai makanan

[suntiang | suntiang sumber]
Sashimi lumba-lumba

Dagiang lumba-lumba dikonsumsi dalam jumlah ketek di babarapo negara, tarutamo Japang[3] jo Peru.[4] Dagiang lumba-lumba cukuik padek jo bawarna merah galok. Lamaknyo takonsentrasi di lapisan antaro dagiang jo kulik. Dagiang lumba-lumba di Japang disajian jo irisan tipih-tipih sarupo sashimi dan dimakan mantah dengan didampingi bawang jo wasabi. Dagiang lumba-lumba dapek juo dimasak jo caro di goreng baluik tapuang atau dirandam ka dalam aia mandidiah basamo saus miso jo sayuran. Dagiang lumba-lumba nan alah dimasak dikatoan mirip jo hati sapi.[5]

Konsumsi dagiang lumba-lumba paralu diparatian jumlahnyo karano dagiang lumba-lumba mangandung merkuri dengan kadar nan cukuik tinggi.[6] Pamarintah Japang salalu mangawasi warga di daerah nan mangkonsumsi dagiang lumba-lumba dalam jumlah gadang.[7] Pamarintah Japang marekomendasian anak-anak jo wanita hamil untuak manghindari konsumsi dagiang lumba-lumba.[8]

Rujuakan

[suntiang | suntiang sumber]
  1. ↑ Lumba-Lumba Hewan Paling Cerdas
  2. ↑ "archive copy". Diarsipkan dari versi asli tanggal 2016-10-12. Diakses tanggal 2020-12-14. 
  3. ↑ McCurry, Justin (2009-09-14). "Dolphin slaughter turns sea red as Japan hunting season returns". The Guardian. London. Diakses tanggal 14 December 2020. 
  4. ↑ Dolphin meat widely available in Peru Archived 2017-02-27 di Wayback Machine.. recordnet.com (2003-06-08)
  5. ↑ "イルカの味噌根菜煮". Cookpad (dalam bahasa Japanese). 2010. Diakses tanggal 14 December 2020. 
  6. ↑ "2008/6/13 熊本日日新聞記事「鯨から高濃度水銀」 2008/6/16 AERA「『鯨の町』住民から水銀40倍」について". Diarsipkan dari versi asli tanggal 2010-03-11. Diakses tanggal 2020-12-14. 
  7. ↑ "Taiji residents relieved to hear "it's safe" again[pranala nonaktif permanen]", Asahi Shinbun, May 31, 2012.
  8. ↑ 平成１５年６月３日に公表した「水銀を含有する魚介類等の 摂食に関する注意事項」について

Caliak pulo

[suntiang | suntiang sumber]
Search Wikimedia Commons Wikimedia Commons mampunyoi
media nan bahubuangan jo
Dolphin

Pranala luar

[suntiang | suntiang sumber]
Diambiak dari "https://min.wikipedia.org/w/index.php?title=Lumba-lumba&oldid=3150474"
pFad - Phonifier reborn

Pfad - The Proxy pFad of © 2024 Garber Painting. All rights reserved.

Note: This service is not intended for secure transactions such as banking, social media, email, or purchasing. Use at your own risk. We assume no liability whatsoever for broken pages.


Alternative Proxies:

Alternative Proxy

pFad Proxy

pFad v3 Proxy

pFad v4 Proxy