Arkansas
|
Zie Arkansas (duurverwiesziede) vuur aandere betekenissen van Arkansas. |
Arkansas (sprek oet: ARken-soaw) is ne stoat in t zuden van de Verenigde Stoaten van Amerika. n Namen Arkansas keump van de Algonquinsproake van de Quapaw indianen. Arkansas hef ne greanze met zes aandere stoaten. De oostergreanze wörd grotendeels bepoald duur n gaank van de mississippirivier. t Hef n machtig verskeaiden laandskop, met boargachtig gebeed in de Ozarks en de Ouachitaboargen, dee't samen de Amerikaanse hooglaanden vörmt, töt de oostelike leeglaanden an de mississippirivier. De heuwdstad en grötste stad is Little Rock, wat in t middeln van de stoat ligt.
Laandbeskriewige
[bewark | bronkode bewarken]De stoat Arkansas is 137.732 km², woervan at 134.856 km² laand is. 't Ligt in 't Centrale Tiedsvlak. Op 't noorden ligt de stoat Missouri, in t westen de stoaten Oklahoma en Texas. In 't oosten lignt Tennessee en Mississippi, en in 't zuden ligt Louisiana.
De belangriekste rivieren zeent de Mississippirivier, den at de hele oostgreanze bepoalt, en de doarin oetkommende Arkansasrivier.
t Noordwesten van de stoat hef een poar kleaine boargen, met as heugste peunt Magazine Mountain (Magazienboarg) van 839 meter, den't deel is van de Ozarkboargen. In 't westen, langs de greanze met Oklahoma, lignt de Ouachitaboargen. t zuden en oosten van Arkansas is leeglaand.
Namenherkomst
[bewark | bronkode bewarken]n Namen "Arkansas" hef dezelfde oorsproonk as n namen van de stoat Kansas. n Kansasstam van de Inheemse Amerikanen harren völle gemeen met de Siouxstämme van de Grote Vlaktes. t Woard "arkansas" zelf is ne Fraanse oetsproake van t Quapaw-woard "akakaze", wat "laand van t neerrivierse volk" betekent, of van t Sioux-woard "akakaze" wat "volk van de zuderweend" betekent. De oetsproake van de stoatnamen wör offisjeel vaste legd in 1881, doo't twee senators oet Arkansas der verskel um hadden. n Enen wol det t wör oet esprökken as ar-KÄN-ses, en n aandern wol gearne "AR-ken-soaw". n Namen Arkansas wör aait al op verskeaidene maneren oet esprökken en op etekend. t Gebeed wör per 4 juli 1819 t "Territory of Arkensaw" eneumd, mer de stoat treu too töt de Unie as de Stoat Arkansas op 15 juni 1836. n Namen wör van ooldsher oet esprökken as OARken-soaw, är-KÄNzes en nog n poar oetsproaken mear. In 1881 nöm de Arkansas Algemene Vergoarige t volgende besloet, registreerd oonder Code 1-4-105 (officsjelen tekst):
Whereas, confusion of practice has arisen in the pronunciation of the name of our state and it is deemed important that the true pronunciation should be determined for use in oral official proceedings.
And, whereas, the matter has been thoroughly investigated by the State Historical Society and the Eclectic Society of Little Rock, which have agreed upon the correct pronunciation as derived from history, and the early usage of the American immigrants.
Be it therefore resolved by both houses of the General Assembly, that the only true pronunciation of the name of the state, in the opinion of this body, is that received by the French from the native Indians and committed to writing in the French word representing the sound. It should be pronounced in three (3) syllables, with the final "s" silent, the "a" in each syllable with the Italian sound, and the accent on the first and last syllables. The pronunciation with the accent on the second syllable with the sound of "a" in "man" and the sounding of the terminal "s" is an innovation to be discouraged.
Wat umme zat kan worden as:
Woeras, verwarring is ontstoan oawer de oetsproake van n namen van oonze stoat en t wörd belangriek eveunden det de woare oetsproake vaste mut worden esteeld vuur gebroek in moondelike offisjele gebuurtenisse.
En, woeras, den zaak groondig is oonderzocht duur de Stoatshistoriese Sosjeteit en de Eclectiese Sosjeteit van Little Rock, dee't töt oawereenstemmige zeent ekömmen oawer de juuste oetsproake of eleaidt oet de geskiedenisse, en t oolde gebroek van de Amerikaanse immigraanten.
Det t doarumme beslötten mag wean duur beaide huze van de Algemene Vergoarige, det de ennigste woare oetsproake van n Stoatsnamen, volgens dit oonderzeuksorgaan, den is zo as oontvöngen duur de Fraansken van de inheemse Indianen en an papier toovertrouwd in t Fraanse woard det t geluud wiergef. t Mut in dree (3) lettergrepen oet esprökken worden, met n lesten "s" stille, n "a" in elken lettergreep met t Italiaanse geluud, en met noadruk op de eerste en leste lettergrepe. De oetsproake met n noadruk op n tweeden lettergreep met t geluud "a" van "man" en t loaten kleenken van de leste "s" is ne oontwikkeling den't oontmodigd mut worden.
In 2007 leut t Stoatsgerecht offisjeel bekeand maken det de bezittelike vorm van n stoatsnamen Arkansas's mut wean.[1]
Oetgoande verbeendige
[bewark | bronkode bewarken]
| Verenigde Staoten van Amerika |  | |||||
|---|---|---|---|---|---|---|
|
| Bronnen / wellen: |
|