Kamishna Mkuu wa Umoja wa Mataifa wa Haki za Binadamu Volker Türk, amesema wiki ijayo anatuma Syria timu ndogo ya maafisa wa  haki za binadamu ili kusaidia watumishi wa Umoja wa Mataifa walioko nchini humo hivi sasa kuhusu masuala ya haki za binadamu.

Siku kumi na moja tangu kukoma kwa utawala wa kiimla uliodumu kwa miongo mitano nchini Syria, viongozi wa ngazi mbalimbali za Umoja wa Mataifa wamendelea kusisitiza hitaji la kutanguliza ulinzi wa manusura na uhifadhi wa ushahidi wa uhalifu.

Usafirishaji haramu wa wahamiaji ni uhalifu unaofanywa ili kupata faida, unaoendeshwa na hitaji la kuvuka mipaka nje ya njia za kawaida na kuathiri nchi nyingi kote kote duniani.

Katibu Mkuu wa Umoja wa Mataifa Antonio Guterres kupitia ujumbe wake mahususi kwa ajili ya Siku ya Kimataifa ya Wahamiaji ametoa wito kwa ulimwengu kuitumia siku hii kujikumbusha kwamba pamoja na kwamba tunasherehekea michango ambayo mamilioni ya wahamiaji hutoa kwa jamii, uchumi na nchi kote ulimwenguni lakini leo pia ni siku ya kujikumbusha changamoto ambazo wahamiaji wanaweza kukumbana nazo kuanzia kwenye chuki na ubaguzi, hadi unyanyasaji wa moja kwa moja na kubaguliwa, hadi ukatili usiofikirika wa biashara haramu ya binadamu. 

Wakati mabadiliko ya utawala mjini Damascus yakifufua matumaini ya uwajibikaji kwa vita vya wenyewe kwa wenyewe nchini Syria, mkuu wa chombo cha uchunguzi cha Umoja wa Mataifa amesema yuko tayari kufanya kazi na mamlaka mpya ya Syria kuhifadhi na kuchambua uwezekano wa ushahidi kuhusiana na uhalifu wa kivita.

Ofisi ya mjumbe Maalum wa Umoja wa Mataifa kwa ajili ya Syria (OSE) imesema wakati huu ikifuatilia kwa karibu hali na maendeleo nchini Syria ni muhimu kuhakikisha kwamba Wasyria wanashika usukani wa mustakbali wao na kwamba kuna ujumbe wa pamoja na mshikamono kuhusu hilo kutoka kwenye jumuiya ya kimataifa.

Kufuatia kuanguka kwa utawala wa Bashar al-Assad nchini Syria, Jumapili ya tarehe 8 mwezi Desemba 2024, Syria imeingia katika kipindi cha sinfofahamu, na Umoja wa Mataifa utakuwa na dhima muhimu ya kuhakikisha mpito tulivu utakaosongesha hatua za kurekebisha taasisi, kuzifanya ziwe tulivu. Halikadhalika kuendeleza juhudi za kuleta pamoja makundi na pande mbalimbali ambayo yaliibuka baada ya kuanza kwa vita mwaka 2011.

Majambazi waliingia nyumbani  wakatubaka nakuchukua vitu vyote pia akanitoboa hadi leo mwili umeharibika, ni kauli ya Chantale, jina lake  halisi linahifadhiwa kwa usalama wake, na ni miongoni mwa manusura wa ukatili wa kingono katika mji wa Beni jimboni Kivu Kaskazini mashariki mwa Jamhuri ya Kidemokrasia ya Congo, DRC.

Mjumbe  maalum wa Umoja wa Mataifa kwa ajili ya Syria Geir O. Pedersen leo amesema “Picha kutoka kwenye magereza ya Sednaya na vituo vingine vya kizuizini nchini Syria vinadhihirisha unyama na ukatili usiofikirika ambao Wasyria wamevumilia na umekuwa ukiripotiwa kwa miaka mingi.”

Katika siku ya haki za binadamu duniani tunakabiliwa na ukweli mchungu, haki za binadamu zinashambuliwa. Ndivyo Katibu Mkuu wa Umoja wa Mataifa Antonio Guterres alivyoanza ujumbe wake wa siku hii ya leo inayoadhimishwa kukumbuka kupitishwa kwa Tamko la  Umoja wa Mataifa la Haki za Binadamu, UDHR tarehe kama ya leo miaka 76 iliyopita.