Indonesian
L'indonesian (autonim: bahasa indonesia, AFI: [baˈha.sa in.doˈne.si.ja]) es una varietat estandardizada del malai, pròpria d'Indonesia.
L'intercompreneson amb lo malai de Malàisia (bahasa malaysia) es completa. Lo grop indonesian-malaisian comptariá atal mai de 250 000 000 de locutors çò que ne fa, demograficament, una lenga comparabla al francés o al portugués e la tèrça (o quarta) lenga mai parlada d'Asia.
Estatut
[modificar | Modificar lo còdi]Lo bahasa indonesia es la sola lenga oficiala d'Indonesia (245 000 000 d'estatjants en 2013). Tot ben que i a mai de 726 lengas en Indonesia[1], sol lo bahasa indonesia es reconegut per las autoritats. Es tanben una lenga oficiala auxilària de Timor.
Locutors
[modificar | Modificar lo còdi]Gaireben 10% de la populacion lo parla coma lenga mairala e 88,5% lo parla coma lenga segonda[2]. Lo nombre de sos locutors es gaireben de 220 000 000 en 2013 mas amb la particularitat d'èsser mai que mai de locutors que parlan lo bahasa indonesia coma lenga segonda. 54% de la populacion[3] de Timor pòt tanben parlar lo bahasa indonesia.
Nòtas e referéncias
[modificar | Modificar lo còdi]- ↑ http://www.ethnologue.com/show_country.asp?name=ID
- ↑ Donadas oficialas del recensament de 2010
- ↑ Direcção Nacional de Estatística: Population Distribution by Administrative Areas Volume 3 English