Huawei

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Huawei a l'é n'asienda d'anfrastruture ëd rej ëd telecomunicassion, fondà dël 1987 da Ren Zhengfei, un ch'a l'era stàit findi al 1983 ant ël còrp d'angegnerìa ëd l'Armada popolar ëd liberassion. La sede dla dita a l'é a Shenzhen, ant ël sud-est dla Cin-a. La pressidentëssa dël consèj d'aministrassion a l'é Sun Yafang. Dël 2010 l'asienda a controlava ël 15,7% dël mërcà mondial d'anfrastruture ëd rej ëd telecomunicassion; a l'ha avù un gir d'afé ëd 185,2 miliard ëd yuan (19,2 miliard d'éuro) e dij benefissi ëd 23,8 miliard ëd yuan (2,5 miliard d'éuro). A l'é propietaria ëd 19.000 brevet, ch'a rësguardo dzortut j'aplicassion. A l'é presenta an 140 pais e an 45 dij prinsipaj operador ëd telecomunicassion. Huawei a conta vint sènter d'arserca ant ël mond; ël prinsipal a resta a Shenzhen, d'àutri a son a Shangai, ant la Silicon Valley an Califòrnia, a Lahore, a Giacarta. L'asienda a l'ha contribuì al dësvlup ëd la tecnologìa LTE, dont a l'ha deposità ël 15% dij brevet essensiaj, e a l'é stàita la prima a anstalé na rej LTE comersial, për TeliaSonera.

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi