|
Le lenghe pidgin o pidgin a son dzortut n'eredità dl'época colonial. Ij pidgin a son dle lenghe motobin semplifià; ël discors a l'é fàit pì che àutr da na fila ëd paròle, sensa gnun-e struture gramaticaj evidente.
Jë studi ëd lenghìstica a l'han fàit vëdde che i pidgin a son ël prim pass ant la formassion ëd le lenghe créole, parèj:
- ant un prim stadi, jë s-ciav o j'ovrié portà a travajé lontan da soa tèra, për capisse a l'han dovrà dle lenghe semplifià, basà an sla lenga dij padron. Coste lenghe a son ij pidgin e a l'han praticament gnun-e gramàtiche, ma a son sempie liste ëd paròle, un-a dré dl'àutra;
- a la generassion d'apress, le masnà a ancamino a parlé coste lenghe, ma a j'anrichisso automaticament ëd le struture gramaticaj. Le lenghe che a ven-o a formesse an costa manera a son le lenghe créole.
El prossess ëd formassion ëd le lenghe créole a partì dai pidgin a l'é motobin studià dai sostnidor ëd Noam Chomsky.
Le lenghe pidgin a son:
- lenghe pidgin amerindian
- lenghe pidgin basà an sl'assamèis
- lenghe pidgin basà an sl'anglèis
- lenghe pidgin atlantic
- lenghe pidgin pacific
- lenghe pidgin basà an sël fransèis
- lenghe pidgin basà an sl'hausa
- lenghe pidgin basà an sl'iha
- lenghe pidgin basà an sël malay
- lenghe pidgin basà an sël mascoian
- lenghe pidgin basà an sël motu
- lenghe pidgin basà an sl'onin
- lenghe pidgin basà an sël romanz
- lenghe pidgin basà an slë swahili
- lenghe pidgin basà an slë zulu
- lenga ndyuka-trio pidgin
|
|
