Nossens V

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Nossens V Pierre des Cours (ciamà ëdcò Pierre ëd Tarantasia) a l'era nassù a Champagny, an Borgògna, dël 1225, an na famija nòbila. Cheidun a fortiss ch'a l'era nassù a La Sala, al castel dij Cours. Da masnà a l'avìo lassaje dij ben an Tarantasia, ch'a l'han servije për paghé ij sò studi a Paris, anté ch'a l'era stàit mandà ch'a l'avìa 9 agn. Afidà ai Duminican, a l'é intrà ant l'Órdin e a l'ha frequentà ij cors ëd l'università. A 28 agn a l'é stàit ancarià ëd mostré teologìa a l'Università ëd Paris. Për doe vire a l'han nominalo provinsal ëd sò órdin, peui a l'é vnù vësco ëd Lion. Apress ël concili 'd Lion a l'é stàit creà cardinal vësco d'Ostia e ai 21 ëd gené 1276 a l'é stàit elegiù vësco ëd Roma, 'me sucessor ëd Gregòri X. A l'ha pijà ël nòm ëd Nossens V. A l'é mòrt a Roma dl'istess ann 1276, ai 22 ëd giugn. Ëd mars 1898 a l'é stàit beatificà da Leon XIII.

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi