Kaligula
Iga Kaligula yan umnkud Aṛumani ilul d ɣ 31 Ɣuct 12 ɣ Untyum, immt ɣ 24 Innayr 41 ɣ Ṛuma, ittyawssan s tuẓẓiṛt nns. Ism nns imdan iga t "Kayus Yulyuz Siẓaṛ Ugustus Jirmanikus" is ka ntta yiwi assaɣ ad nns n Kaligula sɣ uṛẓiyn mẓẓiynin da tt inn ikka ar ilssa ɣ iḍaṛṛn nns ɣ lguṛ n isrdasn ukan irwas is iga "bu ihrkusn mẓẓiynin".[1]
Iga Kaligula amnkud wis kṛaḍ ɣ unmala ɣ imnkudn n Iṛumann tiɣʷrdin n umnkud Tibir.[1]
Tanbaḍt nns
[ssnfl | Snfl asagm]Yumẓ tagldit sɣ dar umnkud Tibir lli mi iga asrwas nns d mayad lliɣ dars illa 25 n usggʷas hlli, ukan lliɣ imk issnti ikka tt inn iɛzza dar tamtti nns, issnfs f Ṛuma dffir yan wakud indudin n wad t izwarn, imil ṣḍiṣ iyyirn ka udan ad ssnfln irfsan d umudn n Kaligula s yat twala, ɣaylli t ifln iga yan urgaz uẓẓiṛ d umlkaw d murran, is akkʷ rad iskr ad inɣ akd ɣwilli dis biddnin ad iɣʷli s tnbaḍt, ismd tassakmut nns ɣ uzrf n ugdud nns d ɣwilli as kmarnin. S ɣmkad, ittyawssan bahra s yan wawal da ɣ inna: "Ad iyi kssnn mk iyi kṣuḍn" d wada ɣ inna: "Mra is ka ṭṭafn mddn akkʷ yan umggṛḍ". [1]
Tinɣi nns
[ssnfl | Snfl asagm]Ass n 24 Innayr 41, ɣ ttmi n kṛaḍ isggʷasn d mraw iyyirn n tnbaḍt, fḍḍan dis kra n isrdasn n tiḍaf nns nit.
Ddaw i kkuẓ n isggʷasn udan Syutunus ad fllas ifk tawlaft n yan unzzalin (gar afgan) iẓmḍn s idammn d tmurrant d tnaya (ṣṣulṭa), aylliɣ akkʷ tettyawmnad lmut nns dar ayt Ṛuma zun d yat tdrfit. [1]
Tasnimant
[ssnfl | Snfl asagm]Uhmn imsnimann i tmddant n urgaz ad d mani d srs tkka tuẓẓiṛt nns, sfawn timẓẓit nns iɣʷman s wurɣ d tumrt ittln s usmkil n innas ar tigẓwi icqqan da ɣ iddr tinɣi inmalan n ayt dars akkʷ. Ukan yan unlmad n Sigmund Fruyd mi ismn Hannz Zaks yura fllas ɣ 1939 yan usfsi n tmddant n Kaligula isml as "Bubi niɣ d Amzruy n Kaligula" izdi gis irfsan ad s isdumsitn nmalanin da izzri ɣ zikk tudrt nns.
Amukris n ussakud
[ssnfl | Snfl asagm]Anaw ad n tnfas izdin d Kaligula ar d ittawi turda, issisfiw tt Jun Nuwil Kasturyu igan bab n udlis abyugraf da iglmn tudrt n Kaligula, acku isugam akkʷ da t bdrnin sawln fllas s gar, d ur nit igi uwttas nnsn ad nit glmn yan umddnu izrin, maccan ad alskrn tawlaft n yan murran. Ad daɣ ig win tɣḍft mas d asagm da akkʷ fllas isawln, win Switunus ha nn ittyara tam tmrawin n isggʷasn nnif igitn.[2]