Tarigu
Tipung tarigu nyaéta tipung atawa bubuk lemes anu asalna tina bulir gandum, osok jadi bahan dasar pikeun nyieun kuéh, emih jeung roti.[1] Kecap tarigu asalna tina bahasa Portugis, trigo, anu hartina "gandum".[1] Tipung tarigu miboga kandungan zat pati (polisakarida), nyaéta karbohidrat kompleks anu teu liur lamun kacaian.[1] Tipung tarigu ogé miboga kandungan protein dina bentuk gluten, anu miboga peran pikeun nangtukeun geunyal henteuna kadaharan anu dijieuna tina tarigu.[1] Tipung tarigu asalna tina gandum, bédana tarigu asalna tina siki gandum anu dilemeskeun, sedengkeun tipung gandum utuh (whole wheat flour) asalna tina gandum jeung kulit arina anu ditutu.[1]
Cara nyieun tipung tarigu
[édit | édit sumber]Tipung tarigu dijieuna tina hasil ngagilingna siki gandum ngaliwatan sababaraha tahap olahan, di antarana tatahar jeung tahap ngagiling.[2] Tatahar saperti cleaning (ngabersihkeun), dampening (pelembapan), jeung conditioning (pengondisian). Dina tahap cleaning, gandum dibersihkeun tina kokotor saperti kebul, nyingkahkeun beubeutian (saperti siki jagong, kadelé), kulit gandum, watang gandum, batu, logam, jrdd [2] Kontaminan-kontaminan kasebut kudu dipisahkeun tina gandum saencan diprosés ngagiling.[2] Maké ayakan kasar jeung magnét bisa misahkeun benda-benda nu séjéna jeung substansi logam anu aya dina gandum.[2] Gandum anu geus dibersihkeun ngaliwatan prosés satuluyna nyaéta prosés dampening jeung conditioning.[2] Prosés dampening nyaéta prosés nambahan cai sangkan campuran gandum miboga kadar cai anu dipikahayang.[2] Prosés dampening gumantung kana kandungan cai tina gandum.[2] Sanggeus ngaliwatan prosés dampening satuluyna gandum ngaliwatan conditioning tambahan cai kana gandum, antepkeun sababaraha jam sangkan nyerep.[2] Tahap satuluyna nyaéta tahap ngagiling anu ngaliwatan prosés breaking, reduction, sizing, dan tailing. Prinsip prosés penggilingan adalah memisahkan endosperma dari lapisan sel aleuron atawa lapisan kulit.[3] Tahap ngagiling satuluyna nyaéta prosés reduction, nyaéta endosperma anu geus dihancurkeun jadi tipung tarigu, tuluy diayak pikeun misahkeun tina bran jeung pollard.[3]
catetan
[édit | édit sumber]- ↑ a b c d e TEPUNG TERIGU (Dicutat tanggal 2 Desember 2011)
- ↑ a b c d e f g h Bogasari. 1997. Quality Control of Raw Material Wheat Flour and By Product. Jakarta: PT ISM Bogasari Flour Mills.
- ↑ a b Buckle KA et al. 1985. Ilmu Pangan. Purnomo AH, penerjemah. Jakarta: UI-Press. Terjemahan dari: Food Science.
 |
Wikimedia Commons mibanda média séjénna nu patali jeung Tarigu . |