iPhone ရှိ Home တွင် လုံခြုံရေးကင်မရာများ စီမံခြင်း

သင်သည် Home အက်ပ် ကိုအသုံးပြု၍ သင့်အိမ်လုံခြုံရေးကင်မရာများမှ ဖမ်းယူရိုက်ကူးထားသည့် လူများ၊တိရစ္ဆာန် သို့မဟုတ် ယာဉ်များကို ကြည့်ရှုနိုင်သည်။ သင့်ကင်မရာဖြင့် ရိုက်ကူးထားသည့် အဆိုပါဗီဒီယိုများကို သီးခြားလေ့လာစိစစ်ပြီး သင့်အိမ်ပင်မတွင်ရှိစက်ပစ္စည်း(HomePod၊ Apple TV၊ သို့မဟုတ် iPad)တွင် လျှို့ဝှက်ကုတ်အဖြစ်ဖော်ပြထားပြီး iCloud တွင် စိတ်ချရစွာ တင်ပေးထားသဖြင့် သင်နှင့် သင်မျှဝေပေးထားသည့်သူများသာ ကြည့်နိုင်မှာဖြစ်သည်။ လိုက်ဖက်ညီသောကင်မရာများစာရင်းအတွက်အိမ်နှင့်ဆက်စပ်ပစ္စည်းများဝက်ဘ်ဆိုက် ကိုကြည့်ပါ။

iCloud သိုလှောင်မှုပမာဏသည် 200-GB ရှိသည့်အတွက် ကင်မရာတစ်လုံးတည်းမှ ရိုက်ကူးထားသည့်လှုပ်ရှားမှုများကို နောက်ထပ်အခကြေးငွေမကုန်ဘဲ 10 ရက်ကြာ ကြည့်ရှုနိုင်သည်။ သင်ကြိုက်သည့်ကင်မရာတစ်ခုကို အချိန်မရွေးပြောင်းနိုင်သည်။ သို့သော် ကင်မရာတစ်ခုထက်ပိုပြီး ရိုက်ကူးမှတ်တမ်းတင်လိုပါက သင့်တွင် 2-TB ပမာဏတစ်ရပ်ရှိရမည်ဖြစ်ပြီး ၎င်းသည် ကင်မရာငါးခုအထိ ရိုက်ကူးထားသည့် လှုပ်ရှားမှုများကို ကြည့်ရှုနိုင်သည်။ ရိုက်ကူးထားသည့် ဗီဒီယိုများသည် သင့် iCloud အချက်အလက်ကန့်သတ်ချက်ကို လျော့မကျစေပါ။

ကင်မရာနည်းလမ်းများ

Home အက်ပ်တွင် လိုက်ဖက်ညီသည့်ကင်မရာတစ်လုံးတပ်ဆင်ထားပါက ၎င်းကို ရိုက်ကူးမှုနည်းလမ်းနှင့် မှတ်တမ်းယူသည့်နည်းလမ်းများကိုရွေးချယ်ရန်နှင့် အဆိုပါကင်မရာကို အခန်းတစ်ခုတွင် တပ်ဆင်ရန်တောင်းဆိုခြင်းခံရမည်။ ပုံသေအားဖြင့် ၎င်းကင်မရာကို စိတ်ကြိုက်အဖြစ်သတ်မှတ်ပြီး Home တက်ဘ်အတွင်းပေါ်လာလိမ့်မည်။ အဆိုပါချိန်ညှိမှုများကို နောက်ပိုင်းတွင်ပြင်ဆင်ရန်အတွက် ကင်မရာခလုတ်ကို ထိပြီးထိန်းထားပါ၊ ထို့နောက် အဆိုပါနည်းလမ်းများကို မြင်ရရန် ကို နှိပ်ပါ။

အခန်း၊ သင့်အိမ်အတွင်းရှိ အခန်းတစ်ခန်းတွင် ကင်မရာကိုထားရှိ နိုင်သည်၊ သို့မဟုတ် သင့်အိမ်ရှေ့ဆင်ဝင် သို့မဟုတ် အိမ်နောက်ဘက်စသည့် နေရာမျိုးအတွက် အခန်းတစ်ခန်ကို သင်ဖန်တီးနိုင်သည်။
အကြောင်းကြားချက်များ၊ သင်ရလိုသည့် အသိပေးချက်တစ်ရပ်ကို ရွေးချယ်ရန်Notifications ကိုနှိပ်ပါ (ဥပမာ၊သင်အိမ်တွင်မရှိသည့် အချိန်မျိုးတွင်), လှုပ်ရှားမှုတစ်ခုကို ထောက်လှမ်းမိလျှင်ဖြစ်စေ၊ သို့မဟုတ် မှတ်တမ်းတင်ထားသည့် ရိုက်ကူးမှုတစ်ခုကိုဖြစ်စေ။ အသိပေးချက်များတွင် လျှပ်တစ်ပြက်ရိုက်ချက်များရိုက်ကူးနိုင်ရန်လည်း ရွေးချယ်ထားနိုင်သည်။
ရိုက်ကူးခြင်း & မှတ်တမ်းတင်ခြင်း၊ ပိတ်ခြင်း၊ လှုပ်ရှားမှုဖမ်းယူမိခြင်း၊ ရိုက်ကူးခြင်း၊နှင့် ရိုက်ကူးခြင်း& မှတ်တမ်းတင်ခြင်း အပါအဝင် နည်းလမ်းများ။
သင်အိမ်တွင်ရှိသည့်အချိန်နှင့် အပြင်သို့ရောက်နေသည့်အချိန်များအတွက် သီးခြားချိန်ညှိမှုများကို ပြုလုပ်နိုင်သည်။ ဥပမာ၊ သင်အိမ်မှာရှိသည့်အခါ သင့်အိမ်တွင်းရှိကင်မရာတစ်ခုအတွက် ရိုက်ကူးခြင်းနှင့် မှတ်တမ်းတင်ခြင်းမလုပ်ရပ် သင်ရွေးချယ်နိုင်သည်၊ သို့သော် ပြင်ပကင်မရာတစ်ခုမှနေ၍ ဆက်လက်ရိုက်ကူးခြင်းနှင့် မှတ်တမ်းတင်ခြင်းကို ပြုလုပ်နိုင်သည်။
မှတ်စု Home အက်ပ်သည် အိမ်နှင့် အဝေးစနစ်သို့ပြောင်းလဲပေးရန်အတွက် အိမ်သားများပိုင်ဆိုင်သည့် စက်ပစ္စည်းတည်နေရာများကို ယူသုံးသည်။ ဥပမာ၊ သင့် iPhone ဖြင့် အလုပ်သို့ထွက်ခွာသွားသည့်အခါ ကင်မရာ သည် အိမ်တွင်ရှိသည့်ချိန်ညှိမှုမှနေ၍ အဝေးသွားသည့် ချိန်ညှိမှုများသို့ ပြောင်းလဲသွားသည်။
မှတ်တမ်းတင်ခြင်းနည်းလမ်းများ၊ သင့်ကင်မရာသည် ဖမ်းယူရမိသည့် လှုပ်ရှားမှုတိုင်း သို့မဟုတ် သီးခြားလှုပ်ရှားမှုတစ်ခုကိုဖမ်းယူရမိသည့်အခါ မှတ်တမ်းတင်ထားနိုင်သည်။ Specific Motion ကို ရွေးချယ်လိုက်သည့်အခါ လူ၊ တိရစ္ဆာန် သို့မဟုတ် ယာဉ်များ၏ရွေ့လျားမှုကို ဗီဒီယိုမှတ်တမ်း ရိုက်ကူးပေးသွားမည်ဖြစ်သည်။
အကြံပြုချက် လှုပ်ရှားမှုတိုင်းထက် သီးခြားလှုပ်ရှားမှုတစ်ခုကိုရွေးချယ်ခြင်းသည် ရိုက်ကူးမှုအနည်းငယ်သာရယူနိုင်မည် (ရိုက်ကူးမှုအသိပေးချက်များလည်းနည်းသွားမည်) ပြန်ကြည့်စရာ ဗီဒီယိုလည်း နည်းသွားမည်။ ဥပမာ၊ လူကိုရွေးလိုက်ပြီဆိုလျှင် သင့်ကင်မရာသည် သစ်ပင်ပေါ်က သစ်ရွက်လှုပ်ခြင်းများ သို့မဟုတ် သစ်ကိုင်းတစ်ကိုင်းမှ တစ်ကိုင်းသို့ ရှဉ့်တစ်ကောင် ခုန်ကူးနေခြင်းများကို ရိုက်ကူးတော့မည် မဟုတ်ပါ။

လှုပ်ရှားမှုဇုန်များ ဖန်တီးခြင်း

မြင်ကွင်းအတွင်းရှိ အရေးကြီးဆုံးဧရိယာများတွင် သင့်ကင်မရာကို အဓိကထားစေလိုသည့် ဇုန်များကို ဖန်တီးနိုင်သည်—ဥပမာ အနောက်ရှိ ပလက်ဖောင်းမဟုတ်ဘဲ သင့်၏အရှေ့လူသွားလမ်း။ ထိုဇုန်များအတွင်း ရွေ့လျားမှုကိုတွေ့ရှိသည့်အခါ သင့်တွင် အသိပေးချက်ရရှိနိုင်သည်။

မှတ်စု သီးသန့်ရွေ့လျားမှုတစ်ခုကို တွေ့ရှိသည့်အခါ မှတ်တမ်းရိုက်ကူးရန် စီမံထားသည့်ကင်မရာများအတွက်သာ လှုပ်ရှားမှုဇုန်များဖန်တီးနိုင်သည်။ လှုပ်ရှားမှုဇုန်များသည် ရွေ့လျားမှုရှာဖွေသည့်အလိုအလျောက်လုပ်ဆောင်ချက်များကို မထိခိုက်စေပါ။

Home တက်ဘ်ကိုနှိပ်ပါ၊ ကင်မရာကို ထိ၍ဖိထိန်းထားပါ၊ ထို့နောက် ကိုနှိပ်ပါ။
Activity Zones ကိုနှိပ်ပါ၊ ဇုန်တစ်ခုကို ဖန်တီးရန် ဗီဒီယိုပေါ်တွင် နှိပ်ပါ သို့မဟုတ် ရေးဆွဲပါ၊ ထို့နောက် Add Zone ကိုနှိပ်ပါ။
သင်တွေ့ရှိသည့်ဇုန်း၏ပြင်ပတွင်သာ သင့်ကင်မရာကို ရွေ့လျားမှုရှာဖွေစေရန် Invert Zone ကိုနှိပ်ပါ။
ကင်မရာမြင်ကွင်းအတွင်း သင်လိုချင်သည့် မည်သည့်အပိုဇုန်များကိုမဆို ဖန်တီးပါ—ဥပမာ ကားမောင်းခြင်းအတွက် တစ်ခု ၊ စာတိုက်ပုံးအတွက်တစ်ခု။
သင်ဖန်တီးသည့် ဇုန်တစ်ခုစီအတွက် Add Zone ကိုနှိပ်၍ Done ကိုနှိပ်ပါ။

တံခါးဘဲလ်ကင်မရာဖြင့် ရိုက်ယူထားသည့်ပုံတစ်ပုံအတွင်း လှုပ်ရှားမှုဇုန်ကိုပြသနေသည့် iPhone မျက်နှာပြင်။ ထိုလှုပ်ရှားမှုဇုန်သည် အရှေ့ဆင်ဝင်နှင့်လျှောက်လမ်းကို လွှမ်းခြုံထားသော်လည်း လမ်းသွယ်နှင့် ကားလမ်းမပါဝင်ပါ။ ပုံ၏အထက်တွင် Cancel နှင့် Done ခလုတ်များ ရှိသည်။ Add Zone နှင့် Invert Zone ခလုတ်များက အောက်တွင်ရှိသည်။

ဗီဒီယိုကြည့်ခြင်း

Home တက်ဘ်ကိုနှိပ်ပါ၊ ထို့နောက်ကင်မရာကိုနှိပ်ပါ။
Live video သည်အလိုအလျောက်ပွင့်လာရမည်။
မှတ်တမ်းတင်ထားသည့် ရိုက်ကူးမှုများကိုရှာဖွေရန် ဖန်သားပြင်အောက်ခြေရှိ အချိန်မှတ်တမ်းကို ပွတ်ဆွဲပါ။
ရိုက်ကူးချက်တစ်ခုကိုဖွင့်ရန် ၎င်းကိုနှိပ်ပါ။
ရိုက်ကူးမှုတစ်ခုဖွင့်ရန် ၎င်းကိုဘယ်ဘက်သို့ လက်နှစ်ချောင်းဖြင့်ဖိဆွဲပါ၊အချိန်မှတ်တမ်းကို ပြရန် ညာဘက်သို့ ဖိဆွဲပါ၊ ထို့နောက် ဗီဒီယိုတစ်လျှောက် ရှေ့သို့သွားရန် သို့မဟုတ် နောက်ပြန်သွားရန် ပွတ်ဆွဲပါ။
တိုက်ရိုက်ဗီဒီယိုရိုက်ကူးမှုသို့ ပြန်ပြောင်းရန် Live ကို နှိပ်ပါ။

သီးခြားလှုပ်ရှားမှုကိုဖမ်းယူရန် ကင်မရာကို စီမံထားသည့်အခါ အချိန်မှတ်တမ်းသည် လူ၊ တိရစ္ဆာန်နှင့် ယာဉ်များအတွက် တစ်မူထူးသည့်လက္ခဏာများကို ပြသပေးသည်။

macOS 10.15.1 နှင့်နောက်ပိုင်း ပါသည့် သင့် Mac ပေါ်ရှိ Home အက်ပ်တွင် တိုက်ရိုက်ရိုက်ကူးထားသည့် ဗီဒီယိုနှင့် မှတ်တမ်းတင်ထားသည့် ဗီဒီယိုများကို ကြည့်ရှုနိုင်သည်။

ဝင်ရောက်ခွင့်နည်းလမ်းများကို ရွေးချယ်ခြင်း

သင့်ကင်မရာများ၏ ဗီဒီယိုကို တခြားသူများကို ကြည့်ခွင့်ပေးရန် အောက်ပါအချက်များကို လုပ်ဆောင်ပါ၊

ကိုနှိပ်ပါ။
Home Settings ကိုနှိပ်ပါ၊ ထို့နောက် People ခေါင်းစဉ်အောက်ရှိ လူတစ်ယောက်ကို နှိပ်ပါ။
ကင်မရာကိုနှိပ်၍ နည်းလမ်းတစ်ခုကိုရွေးပါ။

သင့်ကင်မရာများ၏ ဗီဒီယိုကို တခြားသူများကို ကြည့်ခွင့်ပေးပုံကို သိရှိရန် သင့်အိမ်ထဲရှိဆက်စပ်ပစ္စည်းများကိုထိန်းချုပ်ရန်အခြားသူများကိုခွင့်ပြုခြင်း ကိုကြည့်ပါ။

အထောက်အကူဖြစ်ပါသလား။

Note: This service is not intended for secure transactions such as banking, social media, email, or purchasing. Use at your own risk. We assume no liability whatsoever for broken pages.