iPhone တွင် သင်ကိုယ်တိုင်အတွက် Screen Time ကို စီမံလုပ်ဆောင်ခြင်း

Screen Time ဖြင့်ဆိုလျှင် သင့်အက်ပ်သုံးစွဲမှုအတွက် ခွင့်ပြုချက်များ၊ သတ်မှတ်ချိန်ဖြင့်ဖုန်းမသုံးစွဲခြင်း အစရှိသည်တို့အတွက် ခွင့်ပြုချက်များနှင့် ကန့်သတ်ချက်များကို သတ်မှတ်နိုင်သည်။ အဆိုပါချိန်ညှိမှုများထဲမှ တစ်ခုခုကို အချိန်မရွေးပြောင်းလဲခြင်း သို့မဟုတ် ပိတ်ထားခြင်းများ လုပ်နိုင်သည်။

အနားယူချိန်သတ်မှတ်ခြင်း

သင့်ဖုန်းနှင့် ခပ်ဝေးဝေးတွင်နေချင်သည့်အချိန်ကာလမျိုးတွင် အက်ပ်စ်များနှင့် အကြောင်းကြားချက်များကို ပိတ်ဆို့ထားရန် ၎င်းချိန်ညှိမှုကို အသုံးပြုခြင်း။

Settings > Screen Time သို့သွားပါ။
Turn On Screen Time ကိုနှိပ်ပါ၊ Continue ကိုနှိပ်ပါ၊ ထို့နောက် This is My iPhone ကိုနှိပ်ပါ။
Downtime ကိုနှိပ်၍ Downtime ကိုဖွင့်ပါ။
Every Day သို့မဟုတ် Customize Days ကိုရွေးပါ၊ ပြီးလျှင် စချိန်နှင့်ဆုံးချိန်များကို စီမံသတ်မှတ်ပါ။

App Limits ကိုသတ်မှတ်ခြင်း

အက်ပ်အမျိုးအစားများစွာ (ဥပမာ Games သို့မဟုတ် Social Networking) နှင့် သီးခြားအက်ပ်များအတွက် အချိန်ကန့်သတ်ချက်ပေးထားနိုင်သည်။

Settings > Screen Time သို့သွားပါ။
Screen Time မဖွင့်ရသေးပါက Turn On Screen Time ကိုဖွင့်ပါ၊ Continue ကိုနှိပ်ပါ ၊ပြီးလျှင် This is My iPhone ကိုနှိပ်ပါ။
App Limits ကိုနှိပ်ပါ၊ ထို့နောက် Add Limit ကိုနှိပ်ပါ။
အက်ပ်တစ်ခု သို့မဟုတ် ပိုသည့်အမျိုးအစားကိုရွေးပါ။
သီးခြားအက်ပ်များအတွက် ကန့်သတ်ချက်ထားပေးရန် ၎င်းအမျိုးအစားအတွင်းရှိ အက်ပ်များအားလုံးကိုမြင်ရစေရန် အမျိုးအစားအမည်ကိုနှိပ်ပါ၊ ပြီးလျှင် သင်ကန့်သတ်လိုသည့်အက်ပ်များကိုရွေးချယ်ပါ။ အမျိုးအစား သို့မဟုတ် အက်ပ် အများအပြားကိုရွေးချယ်ထားလျှင် သင်ထားရှိသည့် အချိန်ကန့်သတ်ချက်က ၎င်းတို့အားလုံးကိုသက်ရောက်မည်ဖြစ်သည်။
Next ကိုနှိပ်ပါ၊ ထို့နောက်အက်ပ်အသုံးပြုမှုအတွက် ခွင့်ပြုထားသည့် အချိန်ပမာဏကိုသတ်မှတ်ပါ။
တစ်ရက်စီအတွက်အချိန်ပမာဏသတ်မှတ်လိုသည့်အခါ၊ Customize Days ကိုနှိပ်၍သတ်မှတ်ရက်များအတွက်ကန့်သတ်မှုပြုလုပ်ပါ။
ထပ်မံ၍ အက်ပ်များ သို့မဟုတ် အမျိုးအစားများကို အချိန်ကန့်သတ်ချက်ထားရှိရန် Choose Apps ကိုနှိပ်၍အဆင့် 5 အတိုင်းပြန်လုပ်ပါ။
ချိန်ညှိကန့်သတ်မှုများပြီးသည့်အခါ၊ App Limits ဖန်သားပြင်သို့ပြန်သွားရန်Add ကိုနှိပ်ပါ။

အက်ပ်ကန့်သတ်ချက်များအားလုံးကိုယာယီပိတ်ရန်၊ App Limits ဖန်သားပြင်ပေါ်ရှိ App Limits ခလုတ်ကိုနှိပ်ပါ။ သတ်မှတ်အမျိုးအစားအတွက်ကန့်သတ်ချက်ကိုယာယီပိတ်ရန်၊ ထိုအမျိုးအစားကိုနှိပ်ပါ၊ ထို့နောက် App Limit ကိုနှိပ်ပါ။ အမျိုးအစားတစ်ခုကို ဖယ်ရှားရန်၊ ထိုအမျိုးအစားကိုနှိပ်ပါ၊ ပြီးလျှင် Delete Limit ကိုနှိပ်ပါ။

ဆက်သွယ်မှုကန့်သတ်ချက်များ သတ်မှတ်ခြင်း

iCloud ထဲရှိ သီးခြားသတ်မှတ်ထားသော အဆက်အသွယ်များထံမှ ဖုန်းခေါ်ဆိုမှုများ၊ FaceTime ခေါ်ဆိုမှုများ၊ မက်ဆေ့ချ်များအပါအဝင်အဝင်—အထွက်ဆက်သွယ်မှုများဝင်လာခြင်းကို အချိန်တိုင်းဖြစ်စေ သတ်မှတ်ကာလအတွင်းတွင်ဖြစ်စေ ပိတ်ဆို့ထားနိုင်သည်။

အကယ်၍ သင်သည် iCloud ထဲတွင် Contacts ကို မဖွင့်ထားရသေးပါက Settings > [your name] > iCloud ကိုသွားပါ၊ ထို့နောက် Contacts ကို ဖွင့်ပါ။
Settings > Screen Time သို့သွားပါ။
Screen Time မဖွင့်ရသေးပါက Turn On Screen Time ကိုဖွင့်ပါ၊ Continue ကိုနှိပ်ပါ ၊ပြီးလျှင် This is My iPhone ကိုနှိပ်ပါ။
Communication Limits ကိုနှိပ်ပါ၊ ထို့နောက် အောက်ပါတို့မှ နှစ်သက်ရာတစ်ခုခုကို လုပ်ပါ၊
- အချိန်မရွေး ဆက်သွယ်မှုကို ကန့်သတ်ထားရန်၊ During Screen Time ကိုနှိပ်ကာ Contacts Only၊ Contacts & Groups with at Least One Contact သို့မဟုတ် Everyone ကိုရွေးချယ်ပါ။
- အနားယူချိန်တွင် ဆက်သွယ်မှုကို ကန့်သတ်ထားခြင်း၊ During Downtime ကိုနှိပ်ပါ။ During Screen Time အတွက် သင်ရွေးချယ်ထားသည့် ရွေးချယ်မှုကို သတ်မှတ်ထားပြီးဖြစ်ပါသည်။ အဆိုပါချိန်ညှိမှုကို Specific Contacts သို့ ပြောင်းလဲနိုင်ပါသည်။
  Specific Contacts ကိုရွေးထားလျှင် သင်အနားယူသည့်အချိန်တွင် ဆက်သွယ်လိုသည့်လူများကိုရွေးချယ်ရန် Add New Contact သို့မဟုတ် Choose From My Contacts ကို နှိပ်ပါ။

သင့် Communication Limit ချိန်ညှိမှုများတွင် လက်ရှိတားမြစ်ပိတ်ဆို့ထားသည့် အဆက်အသွယ်တစ်ခုမှ သင့်ထံ (ဖုန်း သို့မဟုတ် FaceTime) ဖြင့် ခေါ်ဆိုရန်၊ သို့မဟုတ် မက်ဆေ့ချ်တစ်စောင်ပို့ရန်၊ ကြိုးစားလာလျှင် ၎င်းတို့၏ ဆက်သွယ်ချက်များ ရောက်ရှိလာမည်မဟုတ်ပါ။

သင့် Communication Limit ချိန်ညှိမှုများတွင် လက်ရှိတားမြစ်ပိတ်ဆို့ထားသည့် အဆက်အသွယ်တစ်ခုထံသို့ ခေါ်ဆိုရန် သို့မဟုတ် မက်ဆေ့ချ်တစ်စောင်ပို့ရန် သင်ကြိုးစားလျှင် သူတို့နာမည် သို့မဟုတ် နံပါတ်များသည် အနီရောင်သဲနာရီသင်္ကေတဖြင့် ပေါ်လာမည်ဖြစ်ပြီး သင့်ဆက်သွယ်ချက်အောင်မြင်မည် မဟုတ်ပါ။ အဆိုပါကန့်သတ်ချက်ကို အနားယူချိန်အတွက်သာ သတ်မှတ်ထားလျှင် Time Limit မက်ဆေ့ချ်တစ်စောင် သင်ရလိမ့်မည်။ အနားယူချိန်ပြီးသွားသည့်အခါ အဆိုပါအဆက်အသွယ်နှင့် သင်ပြန်လည် ဆက်သွယ်မှုပြုလုပ်နိုင်မည်။

သင့် Communication Limit ချိန်ညှိမှုများဖြင့် တားမြစ်ပိတ်ဆို့ထားသည့် အဆက်အသွယ်များနှင့် ပြန်လည်ဆက်သွယ်နိုင်ရန် အထက်တွင်ပြထားသည့်အဆင့်များအတိုင်း ၎င်းချိန်ညှိမှုများကို ပြောင်းလဲပါ။

အမြဲတမ်း သင်ခွင့်ပြုထားလိုသည့် အက်ပ်များကို ရွေးချယ်ပါ

မည်သည့်အချိန်တွင်မဆို သင်အသုံးပြုလိုသည့် အက်ပ်စ်များကို ပိုင်းခြားသတ်မှတ်ရန်(ဥပမာ အရေးပေါ်ကိစ္စရပ်မျိုးတွင်)၊ ဖုန်းအသုံးပြုခွင့်မရသည့် အချိန်မျိုးတွင်ပင် အက်ပ်များကို သင်သီးခြားထားရှိနိုင်သည်။

Settings > Screen Time သို့သွားပါ။
Screen Time မဖွင့်ရသေးပါက Turn On Screen Time ကိုဖွင့်ပါ၊ Continue ကိုနှိပ်ပါ ၊ပြီးလျှင် This is My iPhone ကိုနှိပ်ပါ။
Allowed Apps စာရင်းမှ အက်ပ်တစ်ခုကို ထည့်ရန် သို့မဟုတ် ဖယ်ရှားရန် Always Allowed ကိုနှိပ်ကာ အက်ပ်တစ်ခုနှင့်ကပ်လျက်ရှိ သို့မဟုတ် တို့ကိုနှိပ်ပါ။

ပါဝင်သည့်အကြောင်းအရာနှင့် ကိုယ်ရေးလုံခြုံမှုကန့်သတ်ချက်များ

iTunes Store နှင့် App Store ဝယ်ယူမှုများအတွက် မသင့်လျော်သော ပါဝင်သည့်အကြောင်းအရာကိုတားဆီးပြီး ကိုယ်ရေးလုံခြုံမှုကန့်သတ်ချက်များထားရှိနိုင်သည်။

Settings > Screen Time သို့သွားပါ။
Screen Time မဖွင့်ရသေးပါက Turn On Screen Time ကိုဖွင့်ပါ၊ Continue ကိုနှိပ်ပါ ၊ပြီးလျှင် This is My iPhone ကိုနှိပ်ပါ။
Content & Privacy Restrictions ကိုနှိပ်ပါ၊ Content & Privacy Restrictions ကိုဖွင့်ပါ၊ ထို့နောက် iTunes Store နှင့် App Store ဝယ်ယူမှုများ၊ အက်ပ်အသုံးပြုမှု၊ အကြောင်းအရာများအားနှုန်းသတ်မှတ်မှု အစရှိသည်တို့အတွက်ခွင့်ပြုချက်အကြောင်းအရာကိုသတ်မှတ်ရန်ရွေးစရာများကိုနှိပ်ပါ။
မှတ်စု နားကြပ်အမြင့်ဆုံးအသံထွက်နှုန်းကို ပြောင်းလဲမှုများမဖြစ်စေရန် Reduce Loud Sounds ကိုနှိပ်၍ Don’t Allow ကိုနှိပ်ပါ။ နားကြပ်အသံထွက်နှုန်းကို ကန့်သတ်ခြင်း ကိုကြည့်ပါ။
ချိန်ညှိမှုများမပြောင်းလဲမီ လိုအပ်သည့် လျှို့ဝှက်ကုဒ်ကိုလည်း သင်ထားရှိနိုင်သည်။

သင့် စက်ပစ္စည်းများအားလုံးရှိ Screen Time ချိန်ညှိမှုများနှင့် သတင်းပေးပို့ချက်များကို မျှဝေရန် Apple ID တစ်ခုတည်းဖြင့် သင့်အကောင်းဝင်ထားပြီးShare Across Devices ကို သေချာစွာဖွင့်ထားပါ။

အထောက်အကူဖြစ်ပါသလား။

Note: This service is not intended for secure transactions such as banking, social media, email, or purchasing. Use at your own risk. We assume no liability whatsoever for broken pages.

iPhone သုံးစွဲသူလမ်းညွှန်