Išimbai

Išimbai
Ишимбай (ven.)
Ишембай (bašk.)
Lidnanznam;	Flag;
Valdkund	Venäma
Eläjiden lugu (2021)	64,041 ristitud
Pind	103,47 km²
Pämez'	Il'šat Šakirov; (tal'vku 2020—)
Telefonkod	+7−34 794-xx-xxx
Avtokod	02, 102
Aigvö	UTC+5 (MSK+2)

Išimbai (ven.: Ишимба́й, bašk. i tot.: Ишембай) om Venäman lidn da lidnankund Baškortostanan Tazovaldkundan keskuzpalan suves. Se om Išimbain rajonan administrativine keskuz, mülüb rajonha vspäi 2000.

Istorii

Eländpunktan aluz om pandud žiloks vl 1932 samha kivivoid. Vl 1934 ühtištadihe lähižid külid da kätihe Išimbai-radnikžiloks, nimitihe Išimbajevo-külän (vspäi 1815) alusenpanijan mödhe. Radnikžilo sai lidnan statusad tazovaldkundan alištusenke vn 1940 10. päiväl uhokud.

Išimbai šingotase kivivoin da sen gazan samižel, mašiništonsauvomižen tegimil (sured soavtod-transporterad ujelimil, libutimed, mašiništ buraudusen i kaivuziden täht^[1], tömašinoiden kohenduz da pästand^[2]), sauvondmaterialiden pästandal (katusenmaterialad, krepindmaterialad), sömtegimištol (leibänkombinat, vintegim), mugažo katalizatoriden himine tegim^[3] i mebel'fabrik ratas lidnas.

Geografijan andmused

Lidn sijadase Vaugedjogen oiktal randal, 150 m ü.m.t. keskmäižel korktusel. Tairuk-jogi (bašk.: Тәйрүк 36 km pitte) lankteb Vaugedjogehe lidnan röunoiš.

Matkad Ufahasai om 140 km orhal vai 150 km avtotedme. Om Salavat-lidnan pohjoižpäivnouzmaižeks ezilidnaks, se om jogen hural randal, ühtenzoittas sildal. Toine sur' lidn om Sterlitamak 21 km lodeheze.

Tobmuz

Lidnankundan sijaduz vn 2015 rajonan kartal

Išimbai om lidnankundan üks'jäižeks eländpunktaks.

Edeline lidnankundan Administracijan pämez' om Sergei Nikitin (semendku 2009 — kül'mku 2019). Lidnan Nevondkundan ezimez' om Aleksandr Azanov vn 2020 kül'mkuspäi, edeline ezimez' om Aleksandr Matrosov (tal'vku 2017 — kül'mku 2020).

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 66 259 ristitud, rajonan koume nelländest, vn 2021 — 64 041 ristitud. Kaik 65 422 eläjad oli lidnas vl 2017. Kaikiš suremb lidnan ristitišt oli 72 tuhad eläjid vl 1994.

Rahvahad (enamba 0,4 % vl 2010): venälaižed — 50,1 %, baškiralaižed — 28,7 %, totarlaižed — 14,2 %, čuvašalaižed — 0,9 %, ukrainalaižed — 0,7 %, toižed rahvahad — 2,0 %, rahvahuden ozutandata — 3,4 %.

Islaman koume päpühäpertid (avaitihe vozil 1948, 1990 da 1995) ratas lidnas. Ortodoksižen hristanuskondan Eläban Eziauguižen Stroican jumalanpert'^[4] (saudihe vll 2000−2004) om avaitud lidnas.

Lapsiden opendusen aluzkundad oma kahesatoštkümne nimitadud i nomeruidud päivkodid (nomer 7, 9, 13, 14, 16, 18, 21, 23, 25..34), kaks' aluzškolad (nomer 4 i 5), kahesa keskškolad (nomer 3, 11, 14..19), licei (nomer 12), gimnazii (nomer 1), baškiran gimnazii-internat A. Validin nimed, baškiran kadetkorpus A.V. Dostavalovan nimed, specialine (korrekcine) škol VIII toižendan (nomer 7), lapsiden sädamižen pert'kulu, čomamahtoiden škol, lapsiden ekologiž-biologine keskuz, noriden turistoiden stancii, kaks' sportškolad (nomer 1 i 2). Professionaližen opendusen aluzkundad: Išimbain professionaline kolledž^[5], kivivoinkolledž^[6] i Ufan valdkundaližen aviaciž-tehnižen universitetan filial.

Galerei

Išimbain rajonan administracijan sauvuz (2011)
Išimbain pämečet', vn 2011 nägu
Eläban Eziauguižen Stroican jumalanpert', vn 2013 nägu
Mašinansauvomižen «Vitäz'»-kompanii vl 2011
Lapsiden sädamižen pert'kulu (2019)

Homaičendad

↑ Išimbain mašinansauvomižen tegimen sait (imzrb.ru). (ven.) (angl.)
↑ Išimbain tömašinansauvomižen tegimen sait (isszavod.ru). (ven.)
↑ Išimbain katalizatoriden specializiruidud himine tegim kntgroup.ru-saital. (ven.) (angl.) (isp.) (pers.)
↑ Išimbain pühäpertid sobory.ru-saital. (ven.)
↑ Išimbain professionaližen kolledžan sait (ipk-ishimbai.ucoz.net). (ven.)
↑ Išimbain kivivoinkolledžan sait (ishnk.ru). (ven.)

Irdkosketused

Lidnankundan tobmuden sait (ishimbai.com). (ven.)

Išimbai Vikiaitas

	Baškortostanan Tazovaldkundan lidnad
	Agidel' \| Baimak \| Belebei \| Beloreck \| Birsk \| Blagoveščensk \| Davlekanovo \| Dürtüli \| Išimbai \| Janaul \| Kumertau \| Meleuz \| Mežgor'je \| Neftekamsk \| Oktäbr'skii \| Salavat \| Sibai \| Sterlitamak \| Tuimazi \| Učali \| Uf

[1] Išimbain mašinansauvomižen tegimen sait (imzrb.ru). (ven.) (angl.)

[2] Išimbain tömašinansauvomižen tegimen sait (isszavod.ru). (ven.)

[3] Išimbain katalizatoriden specializiruidud himine tegim kntgroup.ru-saital. (ven.) (angl.) (isp.) (pers.)

[4] Išimbain pühäpertid sobory.ru-saital. (ven.)

[5] Išimbain professionaližen kolledžan sait (ipk-ishimbai.ucoz.net). (ven.)

[6] Išimbain kivivoinkolledžan sait (ishnk.ru). (ven.)

[1]

[2]

[3]

[4]

[5]

[6]