Coleur

vatches di sacwants coleurs

Foyes di faw di sacwants coleurs

Li coleur d' ene sacwè k' on rwaite, c' est l' sinsåsion kel cervea rçût a pårti des ouys, ki provént del wachlire del loumire ki rispite foû di ç' sacwè la. Les sôres di coleurs vont do rodje (avou l' pus grande longueur di wachlire, å violé (avou li pus ptite), et on les pout vey totes, par ôre, dins l' airdiè.

Sôres di coleurs

• Li manke di coleurs :
  • blanc : ene sacwè est blanc cwand i riboute totes les wachlires del loumire do solea.
  • noer : ene sacwè est noer cwand i leye amoussî totes les wachlires del loumire do solea.
• Les coleurs soûmintreces.
  • bleu
  • rodje
  • djaene.
• Les maxheyès coleurs
  • bleu + rodje => brune.
  • rodje + djaene = orandje.
  • djaene et bleu = vete (Wiccionaire => vir droci)
  • blanc + noer = gris.
  • rodje + blanc = rôze

Les tons

(metous do pus foncé å pus clair)

vert-di-gris, li coleur di l' erunixha d' keuve

• Tons do blanc
  • blantchåd. (F. crème)
  • blankinasse (F. blanc cassé)
• Tons do djaene :
  • djaene frumint (Inglès gold).
  • djaene cocu = djaene vif.
  • djaene citron
  • djaenåsse
• Tons do rodje :
  • rodje vif
  • incarnåt (Inglès magenta)
  • rodje ampône (a pô près l' minme)
  • rodjåsse
• Tons do vete
  • vert sapén.
  • vert foye
  • vert schite
  • verdåsse
  • verdinaesse
  • vert-di-gris
  • vert sôdård
• tons do bleu :
  • bleu schaye
  • bleu-bijhe (coleur di sacwants colons d' tape)
  • bleu waisse = bleu rwè
  • bleu marene
  • bleu cir

rôze påpåd, c' est l' coleur del pea des ptits efants

• Tons do rôze.
  • rôze påpåd.
  • rozlant (F. vermeil).
• tons do brun
  • brun eruni.
  • morea, morete.
  • brun caki
  • brun caramel
  • brun schite
  • baije
  • mineme (brun rossea)

li messe: cwate piretes, cwate bårbetes et ene rossete pea

• tons do gris
  • årdjinté gris.
• tons måve / violé
  • violé
  • måve
  • måve clawson
• tons do rosse
  • pwel-di-carote
  • rossea, rossete.
• tons do noer
  • noer waisse (bleu foncé foirt foncé)

Coleur des biesses

tchivås

tchivå bay

• bay : bruns poys sol coir avou ene noere caime, et des noers poys å dbout des pates (F. bai)
• on gris roncén / ene grijhe cavale : poys bruns, noers et blancs maxhîs (F. aubère)
• on blanc tchvå; trûté: avou des ptitès rossetès taetches, so ene blanke cote.

vatches

les troes poyaedjes del raece BBB : cabolé noer, cabolé bleu, blanc

• cabolêye vatche u cafloreye vatche: avou do blanc et ene ôte coleur, pa grossès taetches (did la, li spot : gn a nole cabolêye vatche ki n' åye des taetches).
  • ene cabolêye bleu, ene cafloreye bleuwe : ene vatche blanke et bleuwe (F. Pie-bleue).
  • ene cabolêye rodje, ene cafloreye rodje : ene vatche blanke et rodje (F. Pie-rouge).
  • ene cabolêye rodje, ene cafloreye noere : ene vatche blanke et noere (F. Pie-noire).

colons

• bleu-bijhe
• mayté

taetches (so les biesses u les oujheas)

• agaesse (avou des grandès taetches noer et blanc)
• moxhi noers pwels dins on blanc poyaedje u l' contråve.
• tapiné u mayté tote pititès taetches.

Coleurs do vizaedje, del pea, des tchveas, des mousmints.

Vizaedje

• rayi do solea (F. bronzé).
• rozlant.
• blanc-moirt, blanc come on moirt.
• bladje, bladjot (raece u mwaijhe santé), siblari (mwaijhe santé).

Pea

morete pea

• morea, morete (come les Moritanyins).
• cabolé (metisse).

Mousmints

Lomaedjes des mousmints di sacwantès coleurs :

• cote, taeye ås poes (pitites rondès taetches).
• tchimijhe ås carimadjoyes, carimadjoylêye.

Sicolodjeye et coleurs

Dins l' cåzaedje di tos les djoûs

Les coleurs sont ene sacwè ki fwait rispiter des sintimints muchyîs sordivintrinnmint. On pout vey çoula : Dins l' lomaedje des coleurs : insi, e walon, des novelès coleurs, po les mousmints prindèt rade des nos e francès (baije). E l' arabe marokin, li no des coleurs, minme tote simpe est dit e francès, å mitan d' ene fråze pår arabe. E Senegal, les Peuls, on peupe di l' aschate do dezert ni vlèt nén k' on deye k' i sont noers. I fåt dire k' i sont rodjes.

Essegnreçté des coleurs

Djowe del passion : après l' ravicaedje da Djezus, les costumes et les djeus d' loumires mostrèt pus sovint li blanke coleur

Simboles djenerås

Po les publicisses, tote les coleurs sont assoçnêyes dins l' parfond d' nos-minmes, a des sacwès :

• les djaenes foncés et l' orandje, a l' esté, et å solea (riclames po les vacances)
• les bleus clairs å froed (riclame po les frigos, les edjaloes).
• li rôze ås radjoûs amoureus (waibes pornos)
• li blanc al purté (dins les imådjes rilidjeuses).
• li noer å diåle.

Simboles politikes

• li vete al nateure et ås pårtis ecolos.
• li bleu waisse (bleu rwè) ås pårtis catolikes.
• li rodje ås comunisses et ås socialisses. Dins les waibes et les afitches, po fé rexhe des mots k' i fåt di tote foice riwaitî.
• li brun ås pårtis del foite droete (nazi, fachisses, recsisses).
• li rodje et l' djaene, c' est les coleurs-essegnes del Principåté d' Lidje, riprinjhes sol drapea walon.

Hårdêye difoûtrinne

• Les coleurs e walon (prezinté e l' inglès).