A SUNG AOM THUTE

Thupatna
1. Pawlpi tawh kisa muhdan namnih
2. Pawlpi cih kamma leh a cih nopna
3. Laisiangtho thak in pawlpi a cihte
4. Pawlpi leh a dinmun gentenna Laisiangtho thak ah lahzia
5. Pawlpi pen namnih pan etna
6. Pawlpi leh Gupna
7. Seventh-day Adventist te leh Gupna
8. SDA Pawlpi masuan leh kipawlna leh Thukhupna


THUPATNA:
Buaina a om ciangin a beina ding ki hanciam tek hi. Hanciam-a sepzia kibanglo hi: Tonzang
Bawda-ah khuavengte khatin sathau suangin salua ahih manin anteh a khaksuk leh ong kuang hi.
Buaina khat ong suak hi. Tua buaina a sukmit nadingin singkhuah-ampi khat ong dok khiaa
satmit ding ong kithawi hi. Agei-a pa-in piang sa vetlo hiding hiven, daanbel sin tawh siin sai-a,
tua ciangin sathau kuang mit hi. Bel kisia lo, meh ki bualo-in hoih takin kihuan zom thei-a tua
ni'n meh ngawllo hi. A nihtuak-un a muhdan zui-in buaina abei nading a hanciam tuak-uh hinapi,
singkhuah-am adokpa-in sem suak hi leh mulkim huai mahmah supna tampi om ding ahi hi.
Ih Myanmar Union sungah buaina ong om ciangin, destructive or constructive cih kancianlopi-in,
makaite-in sumit-in abei nadingin singkhuah-am dokpa bangin sem uh hi. A pianthakma Saul
bangin Pawlpi le Policy kem-a kinei-uh hia, amau muhna zui-a asem uh ahihi. Tua manin
PAWLPITHU TEL CIAN ding kisam hi cih ka mu hi. Tua hi kei leh buaina khat peuh a om ciangin
singkhuah-am mah kidok zel ding lau huai hi. Tua ahih manin atom in en suk ni.


1. PAWLPI TAWH KISAI MUHDANNAM NIH:
Pawlpi cih thu tawh kisai-in Christian sungah Roman Catholic le Protestantte' muhdan nam nih
om hi. Tua muhdan nihte ki naihuai napi ki banglo-in, ki lehbulh uh hi. Tua muhziate aki lamdan
mah bangin Pawlpi ki makaihzia le ki ukzia zong ki lamdang pah hi.

a. Roman Catholicte Muh dan:
Ubi ecclesia ibi Spiritus : Pawlpi a om nak leh Khasiangtho om hi. Roman Catholic bek Pawlpi hi.
Khuatual a om Pawlpi pen Pawlpibup(Catholic) ii khenkhat bek hia Pawlpi cingtaak hi zolo ci-in
um uh hi.

b. Protestantte Muh Dan:
Ubi Spiritus ibi ecclesia : Khasiangtho omna peuhah Pawlpi om hi. Pawlpi pen mimal hizaw a
khuatual pawlpi pen Pawlpi picing hi pah hi. Leitungbup-a pawlpi pen khuatual pawlpi khen khat
bek hi.
Hih muhziate gel akilam dan manin Catholic le Protestant kikal ki-ukzia, le makaihzia kilamdang
pah hi. Tua manin Puahphatna Hun in Pawlpi nei zaw ding na kituh uha, na kido lianguh hi. Tua
mah bangin Pawlpi thu ih muhzia le ih telzia akibat loh manin Kawlgam sung Adventist lakah
Conference le Mission cih ki pawlna vai in nakpi in kidona ong om hi.
Khat veivei Pawlpi sung ukna-ah thuneih nop luat manin Protestant makaite-in Catholic dinmun
ah va om kha zel thei-a tua in singkhua-am adokpa batna khat ahi hi. Tua manin Pawlpi Thu
Laisiangtho gen dan telkan ding thupi mahmah hi.

2. PAWLPI CIH KAMMAL LE A CIHNOPNA:
Pawlpi lawhna dingin Laisiang Tho Lui le Thak sungah kammal nih oma, ECCLESIA le CHURCH
kici KURIOKON ahi hi. Ekklesia cih kammal pen Hebrew pau QAHAL(Qahillah) pan in Greek
Septuagint(LXX) in Ekklesias in na let hi. A khiatna pen SAPTUAMTE, galkap hon, kikhawm
mihon, cihna ahi hia,. Vai khat peuhpeuh adinga kituah mihon cihna zongin ahihi. Abrahamte,
Israelte zong tua mah tawh na lo hi.
Concise Dictionary of the Word in Hebrew Bible. Sv." Church" 102.
Pawlpi le biakinn cihna "CHURCH" pen Mikang pau hi-a, Scotish kam KERK pan ahi hi. Tuate-in
German kam KERCHE(Kyriache) pan nala uh hi. Germante-in Greek pau KURIOKOS(Kuriokon)
pan a laksawn uh ahi hi. A khiatna pen TOPA'ATE cihna ahi hi. A tunga kammal nihte gawm
lehang TELTUAM TOPA' NEIHSA MITE cihna ong suak hi. Tua ahih manin Pawlpi cih ciangin
mihing hizaw-a biakinn (Building or Organization) le kipawlna peuh cihna hilo hi. Tua bangin ih
koih khak leh Kha vai nawnlo in Instituitionalism alut ahi hi. Tua bang lungsim puak neihna
hangin Jewste in Jesus na sanglo uha, Pasian ngimsakna nap ha zolo uh hi ci-in Paulin Hebrews 4
sungah gen bel in na nei hi.

3. LAISIANGTHO THAKIN PAWLPI ACIHTE:

Lai Siangtho Thakin Pawlpi acih ciangin thu-um mite ahi hi
Pasian bia dinga khuatual khata kikhawm mihonte (1Kor 11:18;16:14; 1Thes 1:1)
Gam Khen khata om thu-umte (1Kor 16:1;Gal 1:2;1Thes 2:14)
Mikhat inn bel a kikhawm thu-umte (1Kor 16:19 Gal 4:15)
Gam khawkpi khat huama om Pawlpite (Sawl 9:31; Gal 1:2,12;1Thes 2:14 1Kor 16:14)
Leitung bupa om thu um khempeuh (Matt16:18;1Kor10:32;12:28; Phil2:9-11; Mang12:17;14:12)
Pasian tunga citak van le lei-a om a nungta piansak khempeuh(Eph 1:20-22)
Ministerial Association of SDA, SDA Believe 27: A Biblical Expostion of Fuindamental
Doctrines.(Washington DC:R&H, 1988),136.

4. PAWLPI LE A DINMUN GENTEHNA NT LAHZIA:
Kipumpiakna le sepna ah Pumpi bang( 1Kor 12:13; Eph 2:16;5:23 )
Sianthona thu-ah Kha Siangtho biakinn (1Kor 3:9-161Pet2:4-6 )
Thuciam le kipumpakna ah "Mono" bang(Hos 2:19,Jer 3:19:2Kor11:2 )
Pasian tawh kizopna ah van Jerusalem( Gal 4:26:Heb 12:22,23 )
Kizopna ah Pa le Ta bang(1Kor 4:15;Gal 3:26,27)
Nasepna le Kipawlna-ah pumpinate bang in ki sangsiam(Rom 12; 1Kor 12)
Thuman kepna-ah Muanlsuang kip bang(1Tim 3:15; Pau. 11:19; Matt 13:24,30)
Khalam Kidona-ah Pasian galkap (Eph 6:12-13)


4. PAWLPI PEN MAINIH PAN ETNA:
Pawlpi pen mainih pan ki en thei-a, Muhtheih Pawlpi(Visible Church) le Muhmawh
Pawlpi(Invisible Church) ahi hi.
1. Muh Theih: Muhtheih Pawlpi ih cih ciangin lungdamna thu puak dinga kipawlna le muhtheih
amimalte ahi hi. Tua sungah tahum le taang kihelkhawm lai tadih hi.
2. Muh Mawh: Muhmawh ih cih ciangin khalam picinga nuntakzia le a khang khanga om
leitungbup-a Pasian tanu tapate hi-a, Khrish piak thuman khuavaak angah zahzah-uh tawh a
nungta mi khempeuh ahi uh hi.(John 1:9; 3:3;4:22 6:47 Sawl 2:37,38; Matt 18:3 Luk 14:27:
SDA Believe, 142; A Handbook of SDA Theology, George W. Reid, Edited (Haggerstown:R&H,
2000,)545.
3. E G White Genna:
"Thukhenna-ah Khrish pom mitein Pasian thuthuk(theology) a theihloh-uh hangin Pasian
thukhunte-ah nuam asa mite ahi uh hi. Khasiangtho ngahin a kim le pam uh adingin thupha na hi
den uh hi. Milim biate lak nangawn-ah nuntakna thuman atunma pekin zong migi-in luang
khama missionaryte ana pawl bawl mi om hi. Thuman a theih loh uh hangin kisiatna a thuak
loding mitampi om hi. Amaute-in theilopi-in Pasian na bia uh hi. A kigelh thukhamte a theihloh-
uh hangin, nate tuang tawna Pasian hopihna aw za uha thukhun zui-in nungta uh hi. Tua in a
lungtang sunguh-a Khasiangtho nasep aki lahna hi-a, Pasian' tate in pom ahi uh hi". Gupna luah
dingte a kem ding-in van Sawltakte kuan khia uh hi. Kua in gualzo in misiangtho cihna ngah ding
kilangh nailo ahih manin tuate kuate hiam cih eite-in ih thei kei hi" (The Desire of Ages. 638:2;
639:1).

6. PAWLPI LE GUPNA:
"Pawlpi le Pasian Gam cih nih om hi. Tua tegel ki banglo-in atuam tuak ahi hi. Pawlpi pen Pasian
gam hilo hi. Pasian gam pen Pasian ukna ahi hi. Pawlpi pen Khrish in Jesu hi cih lungdamthu
leitung bupah teci pang dingin Pasian ukna nuai-a mihing kipawlna ahi hi. Pasian gam pen
Khrish tung tawna Pasian sepkhiat gupna ahi hi"
(SDA Theology 543). Ted M. Dorman, A Faith for All Seasons, Tennessee: Broadman & Holman
Publishers, 1995), 290-91.
"Khrish nunzia le mawh banglo nunziate pen Pasian gam lutna dinga neih masak pelmawh ding
thute hilo hi. Gupna apia dikna pen midik khat bek ahi Jesus kiang pan bek hi-a Khasiangtho in
eitunga ong puak sawn ahi hi. (SDA 27 Believe 131:1).

7. SEVENTH-DAY ADVENTISTISM LE GUPNA:
Seventh-day Adventist Pawlpi pen a zai mahmah khat ahi hi. A kipat cil-in upna lamah zong
muhdan kawcik mahmah in To Thum Pasian(Doctrine of Trinity) pom zolo-in Dawimang
thuhilhna hi ci lianguh hi. Ahih hangin hun le dong tuahna tampi hangin gupnathu(Sotereology)
akantelna-uh panin Jesus pianphung (Christology) ong kantel uh hi. Tua in thuman muhzia
khangto sakin Trinity ong pom uh hi. Gupna thu le Pawlpi dangte tawh kizopzia ah tu laitak
Adventist muhzia le dinmun pen anuai-a bang ahi hi.
1. SDA GC President Jen Paulsen genna ah, "Pasian pen mi khatpeuh bek neihtuam hilo hi. Pasian
pen mi khempeuhte' Pasian hi-a gum dinga a itna zong mikhempeuh tungah a piakkhiat ahi hi."
(God is not owned by anyone. God is a God for all people and His saving love goes out to all."
(Jen Paulsen, GC President of SDA, "Sermon at GC Session, July 9, 2005" Adventist World,
September, 2005 ).
2. "Bangzah in ih thupuak ikiplet zongin cik mah hunin ei Seventh-day Adventistte bek in gupna
ngah ding hi cih upna ih len kei hi. Hih bang upna-in tu le mai hun ah zong SDAte thuguilet
dinmun mantak hingeilo ding hi: Khrish in gumpa hi cih thu a lamsang nasem khempeuh zong
gupna dinga Pasian geelna sungah kihela nasemte uh hi ci-in ih pom hi. Khate Khrish kiang puak
dinga nasem Khristian tuamtuamtenakpi in thupi ihsa hi" ( "Christ's Other Sheep" Lesson 8,
Adult Sabbath School Lesson, July, Aug. Sept., 2004 ). ( General Conference Working Policies
(1999-2000), 494 "Policy O 100 Art. 1")
3. "Seventh-day Adventist ih hihna in ih thupuak leitungah a hilh dinga sepna hi-a, kua-in gup
ngah le ngahlo thukhen ding in sap ihi kei hi. 'Protestantte sungah Pasian in atate tampi nei-a,
Catholic pawlpi sungah tampi om zaw kan lai hi. Tuate-in thuman azui ngaplo Sabbath zang
Kumkikna lamen(Sabbath
keeping Adventists) akici tampite sangin thuman amuh zahzah mangin a zui cinten zawte ahi uh
hi.'" ( EG White, Selected Messages, book 3, 386).
4. "Mi khat Seventh-day Adventist ahih nadingin Seventh-day Adventists upna thuguiletteng um
ding hi. Tuate-in thudang tawh hel theihloh Upna Thuguilet(doctrines) ahi hi.Khrisian nuntakzia
khantoh nadingin Thuhilna(teachings) dang tampi a om hangin, tuate pen, pomloh phamawh thu
ahi kei hi. Tuate in sa neklohna ding, Khristian Pilna lam, Pawlpi le Kumpi kikhenna, Kitenna
zungbuh zat le zatloh vai, le galkap lut le lutloh vaite ahi uh hi. Tu hun-in buaina tam ahih manin
ziat le vei-ah apial om thei-a, ziat lam neh lua-in pial leh legalism dinmun tunga, veipial lua leh
peklen in leitung vai pah hi"
(Carlos G. Martin, Adventist Church Growth: Class notes for MSSN 600 Principles and
Procedures of Church Growth, AIIAS, 1998, p. 33.)

8. SDA PAWLPI MASUAN LE KIPAWLNA
1. Catholic: Patrine Theory: Hih theory in Matt 16:18-19 bulphuh-a Khrish in A pawlpi Peter
tungah lamin, vantung gam honna le khak theihna tawh zong ap hi. Peter asih ciangin Rome-a
bishop tungbek-ah tua tawhtang apsawn ahih manin bishop dangte sangin Rome bishop bekin
tungnunna nei hi. Kumpite zong ama sathau nilh loh in kumpi suak theilo hi. Pawlpi cih pen
Sawltakpizom(Apostolic Sucession)hi-a, Roman Catholic bek hi. Tua Pawlpi pua-ah gupna lamet
omlo hi, cih doctrine ong suaksak uh hi. Tu nin zong ih Kawlgam Adventist sungah tua bang
pianzia le pomzia diklo ong om hi.
Earle E. Cairns, Christianity through the Centuries: A History of Christian Church, (Grand
Rapids, Michigan: Zondervan Publishing House1996), 151 "Chapter 15. Hierarchical and
Liturgical Developments"
2. Matt 16:18-19 Hilhcianna: Khrish in Peter pen Greek lai-in Petros(Matt 16:18) ci-in, a Pawlpi
alamna pen Petra ci hi. Petros cih pen Hebia min suang acihna Cepha pan alak hia, "suangtum-
neu" cihna hi. Petra pen "Suangtumpi"(Mass of Rock) cihna hi. Khrish in helkhua kongkhakte'
zawh loh ding apawlpi a lamna suang pen " Petra Suangtumpi" tung hia, tua pen Khrish ahi hi
(1Kor 10:4). Tawhtang len pen Petros kici Peter hilo in Petra Suangtumpi ahi "asi ngei, ahingkik
David tawhtang kempa Khrish hi zawhi. ( Mang 2 Sunga Smurna Pawlpi thu sim in).
Khrish in Pasian tapa hi cih upna le tua banga pulakna in Khrish Pawlpi A kiphuhna thubulpi ahi
hi. SDA Theological Handbook, 541.
Pawlpi pen Kipawlna ahi MYUMission ahih kei leh SDA makai mimal khatpeuh tungah kilamlo-a
Jesuh tungah kilam zaw hi. Pawlpi hihna le Jesuh tawh kizopna pen Mission hihna, Conference
hihna tungtawn-a kipan hilo-in a mimal le Jesuh kizopna tungtawn-a "Topa'a hihna"(Kuriokon)
tungah kinga zaw hi. Organization le Policies, Bylawte pen bangzahin ahoih zongin Gumpa le
Gupna (Saviour or Salvation) hilo hi.
''Pawlpi in a mite nusia liangin doctrine kepcing sawm ngeilo ding hi. Doctrine-a dingin Pawlpi a
om hilo-a, a mite adding-in pawlpi a om hi zaw hi. Doctrine pen thuman ahihmanin kepcing ding
hiloa, Thuman le doctrine in mite akepcing ciang bek in thupina anei ahi hi."
The Ministerial Association of GC of SDA, Seventh-day Adventist Elder's Handbook, (Silver
Spring, Maryland: Ministerial Association General Conference of Seventh-day Adventists, 1994),
Sv. "The Church and Its Organization", 81-85.
3. NT ah Pawlpi Cing ahite:
Khua khata om thu-umte pen tua mun-a Pasian Pawlpi picing in Pasianin asim hipah hi.
1 Kor 1:1-2 Korin khua-a om Pasian pawlpi
1Thes 1:1 Thesalonika khua-a Pasian pawlpi
1 Kor 26:19, Rom 16:5 Pricilla le Aquilate inn-a om Pawlpi
Atunga munte en leng pawlpi picing hihna dingin leitungbup kipawlna sungah kihel tek kul
tuanlo-a, omna peuh ah Pasian thu-umte kilom ahihnak leh Pasian adingin Pawlpi picing hi pah
lel zaw hi.
Khuatual pawlpi(Local congregation) pen Pawlpi phel bek in kisehlo-a Pawlpi picing hi pah hi.
Leitungbup-a pawlpi pen Khuatual Pawlpi-ii khenkhat/athem bek hi zaw hi. (Gupna ngahna
dinga kipawlna ki nei hilo-a nasepna dinga kipawl hi zaw hi(The Church is organized for
missionary purpose ci-in EGWhite in na at h.). (SDA Theology, 542).
4, Masuan Neih Manin Kipawl:
"Leitunga Khrish pawlpi pen missionary ngimna-in kilom khawm hi." "Pasian pawlpi pen
mihingte gupna dingin sawltak-a kikoih ahi hi. Tua nasepna adingin kipawlkhawma, amasuan
pen leitungbup-ah lungdam thu puak ding ahi hi."
"The church of Christ on earth is organized for Missionary purpose."
"The church is God's appointed agency for the salvation of men. It was organized for service, and
its mission is to carry the gospel to the world.
(Testimonies, 6:29, 72; Acts of the Apostles, 9, 15).
Adventist Pawpi akipat cilin Upna Thuguilet 4 bek khawng bulphuh uh hi. Washington kimah
Sabbath a zang honkhat ong kimu uh hi. 1845 in Joseph Bates in Sabbath ong sang hi. 1848 in
Sabbath Conference ong kipan uh hi. Tua pan kithu tuak semsem in 1849 in Present Truth
kici(Tulai Thuman) lai hawmkhia uh hi. 1852 in laikhetna lei uh hi. 1853, 54 in sang hon kipan uh
hi. 1855 in Review and Herald laikhetna Battle Creek ah khin uh hi. 1859 in sawma-khat piakzia
ki pan uh hi. 1860 in Pawlpi mindingin Seventh-day Adventist zang uh hi. 1862 in Michigan
Conference kipan hi. Kipawlna neih ding kha laupipi in a om laitak un Khasiangtho makaihna
tawh Vantungmi thum tangkona thupuak ding ih neih lam ong tel uh hi. Tua ciangin EG White
tungtawn-in Pasianin Kipawlna neih ding a khalau loh nading-un hilh hi. Tua tawh kisai a atna
ah, "The church. is organized for missionary purpose" ci hi. Nasem sawl nadingin kipawl cihna
hi. 1863 kum ciangin Conferencete kigawmna General Conference ong cih kipawlna ong pan uh
hi. Ahih hangin Manualte, Polocyte neizo nailo uha, a thu khensatnate-uh khol in aki gawmna
Church Manual Masa pen 1931 ciangin ong nei pan uh hi. 1874 in nasepna ding siate sinsak
nadingin Battle Creek College kipana, PPPA, St Hellena Zatopi, Pacific Union Conference, le
Union College 1891 in ong nei uh hi. 1892 in Walla Walla Sangpi, 1893 in Southern Training, 1894
in Australian Union Conference, 1896 in Oakwood College hong uh hi. 1919 ciangin gamthak ah
nasepna phual dingin Union Conference le Mission koih kawikawi uh hi. (Education Department
of GC, The Story of Our Church, (California: Pacific Publishing Press, 1960), 537-538).
Atunga teng ih etciangin Kipawlna (organization le Polocy, Manual a neihma in Nasem khin zaw
uha, nasepzia amuibutna dingin lamlak ahi Policyte ong nei pan zaw uh hi. Policieste pen
ahunhunin ki revise, adopt, le modify toto hi. A hangin Inspiration tawh kingah ahihloh man ahi
hi.
5. Kipawlna: Organization
Organization ong om ciangin SDA sungah Papal, Episcopal, Congregational ngeinate lalo-in
Laisiangtho le USAte a tawh akinai theipen dingin Representative System of Church Government
ong bawl uh hi.
Leitung bup Khristiante ki-makaihna bulpi namte ahi, Self-Propagating, Self-Government, Self-
Supporting cihte mah bulphuhin ong ding uh hi. Gamthaka pawlpi ong dingthak, nakhem peuhah
ahat nailote pen Mission kimaikaihzia ci-in Bulpi pan Appropriasion kici huhnan sum tawh pan
pih hi. Ih MYUM in zong tua kumsim huhna Aproprietion sum kum sim in US$ 300,000 gual
ngah den hi. Mission lah ahilo atuam vilvela ding pawlkhat pen Division-in direct-in lena, tuate
pen Attach Field ki ci hi. Tuate pen Division in avai khempeuh-ah panpih-in len hi. Thu le la
banah Sum le pai tawh adingzote pen Conference ci-in Policy zui-in amau le amau dingin ki
makaih sak hi. Hih teng khempeuh in SDA sung nasepna dinga kipawlna hi-uha, akitukalh
lodingin Policy khat nuai-ah amau-a ciat nei sak veve hi. Catholic sunga Aloysius, Augustinian,
Dominican, Franciscan, cih bang atuamtuam a om hangin Roman Catholic mah ahih veve bang
ahi hi. Tua sangin ei-a pen kizopna-ah kinaina om zawlai hi.

Thukhupna
1. Ih gam sungah SDA thupuak ong tun 1902 pan tudong kum 100 vaal Mission kiukzia tawh ong
kimakaih ahih manin, mitampi-in Mission bekmah Seventh-day Adventist Christian hihna le
Pawlpi sakha hi. Pasian a um mimalte pen Kuriokon, ecclesias ( saptuam Topa' neihsate) Pawlpi
cihna pah lel hi. Nang zong Topa tawh kizomin Topa'a nahih leh Pawlpi na hi hi. Mission na hih
leh bek SDA pawlpi cih hilo hi.
2. Gupna pen mimal le Pasian kizopna pan hizaw-a, Kipawlna tawh kizop mana kingah le kizop
loh mana kitaan hilo hi. Kipawlna neilo Pasian tawh ading khawm misiangtho tampi Khuamial
hunsung le khang khempeuh-ah om toto uh hi. Kidona Lianpi sim le cin na lungsim ong navaak
ding hi.
3. Ubi Spiritus ibi ecclesia: Khasiangtho omna peuhah thu-um oma, pawlpi hi pahpah hi. Mission
tawh kizopna bek-ah Khasiangtho om-a, KST in Mission bek a zui kawikawi hilo hi.
4. Seventh-day Adventist Upna thuguilet sungah Pasian le mimal kizopna-in gupna zonna hi cih
teltak in ong hilh hi. Leitungbup nasep amanlang nadingin ih sumpite ih gawma kipawl ih hi bek
hi. Gupngah nading ahih leh Jesu tawh a mimal kizop ding thupi zaw hi.
5. Organization pen Pawlpi hilo hi. Nasepna dinga leitunga kipawlkhawma ahi hi. Sep ding a
masuan pen mihingte gumkhia ding ahi hi. A masuan phawklo-in, Gum lo-in, athahlup zawk le a
lampial ahi hi.
6. Pawlpi pen Gupna hilo : "Pawlpi pen Pasian gam hilo hi.; Hih nihte ki banglo hi. PS gam pen PS
ukna hi. Pawlpi pen Khrish in Jesu hi cih lungdamthu leitung bupah teci dingin PS ukna nuai - a
mihing ki pawlna ahi hi. PS gam pen Khrish tung tawna PS sepkhiat gupna ahi hi." George W.
Reid, ed., A Handbook of SDA Theology, (Hegerstown, MD : R & H Publishing, 2000), mai 543.
"Khrish" nunzia leh mawh banglo nunziate pen PS gam lut nadinga neih masak pelmawh ding
thute hilo hi. Gupna apia dikna pen midik khat bek ahi Jesu kiang pan bek hi - a, KST in ei tunga
ong puak sawn ahi hi."
(SDA 27 Believe, 131 : 1).