Germaonse taelen

Germaonse tarlen in Europa
Hroen: Lan'n mie 'n Germaonse taele as nasjonale taele
Blauw: Lan'n mie 'n Germaonse taele as offisjele taele

De Germaonse taelen bin een taelfemielje binn'n de Indo-Europese taelen. De hroste Germaonse taele is 't Iengels dat a hebruukt wor as lingua franca over ael de waereld. Drie hroôte taelen neffen 't Iengels bin 't Duuts (meer as 100 miljoen Europeaon'n) en 't Nederlands en Afrikaons (20 miljoen in Nederland en evenzovee in Zuud-Afrika). Dit bin tevens aole West-Germaonse taelen. Kleinere Germaonse taelen bin de Noord-Germaonse taelen Ieslands, Deens en Faeröers.

De verschill'nde taelen

De hroste Germaonse taelen van Europa qua antal sprekers bin 't Duuts (110 miljoen), Iengels (63 miljoen) en Nederlands (23 miljoen). Kleindere taelen bin 't Zweeds (10 miljoen), 't Noôrs en Deens (beie 5 miljoen). Nog kleindere taelen bin buvobbeld 't Fries (400.000) en Faeröers (70.000).

Indeêlienge

Neffen de ieronder staende taelhroep'n bestoeng der vroeher nog de hroep van de Oôst-Germaonse taelen, mè dezen is uutesturven. Deze taelhroep bestoeng uut:

• Gotisch
• Vandaols
• Bourhondisch

Taele	Totaol antal sprekers	Verspreidieng
Noôrd-Germaonse taelen:
Zweeds	9,3 miljoen	Zweden en Finland
Noôrs Bokmål Nynorsk	4,7 miljoen	Noorwegen
Deens	5,5 miljoen	Denemarken, Faeröer, Hroenland
Ieslands	300 000	Iesland
Faeröers	70.000	Faeröer
West-Germaonse taelen:
Iengels	350 miljoen	Vereênigd Konienkriek, Vereênigde Staeten, Canada, Ierland, Zuud-Afrika, Australië, Nieuw-Zeêland, Huyana, India, Niheria, Kenia, Tanzania, Namibië, Ghâna
Duuts	110 miljoen	Duutsland, Oôsteriek, Zwitserland, Liechenstein, Luxemburg, Frankriek, België, Namibië
Nederlands Afrikaons	44 miljoen	Nederland, België, Zuud-Afrika, Namibië, Surinaome, Aruba, Nederlanse Antill'n, Frankriek, Duutsland
Jiddisch	3 miljoen	Duutsland, Vereênigde Staeten, Israël
Limburgs	2 miljoen	Nederland, België, Duutsland
Luxemburgs	300 000	Luxemburg, België
Fries	500 000	Nederland, Duutsland, Denemarken

Zie ok

• Lieste van taelen