主席

  想搵綽號「主席」嘅香港女藝人嘅話，請睇何洛瑤。

主席，係一個組織嘅職位，係該組織開會時候嘅主持人，通常係話事人，有時佢嘅角色係主持意見中立，等大家提議，有時帶引出議題（Agenda），有時係最終決策者，因為有多人一個投票權，當然視乎會議章程規定。

一間公司嘅董事長（董事會主席），有時會身兼執行董事、總裁、CEO等角色，不過佢哋職權範圍各有不同。例如九鐵兵變事件裏面，就係主席同總裁兩個爭話事權。

一家企業或者學生會裏頭，都有不少於一個主席，因為佢哋事必有不同大大小小嘅小組、同埋會議。

例子

• 香港旅遊發展局以前主席係周梁淑儀，總幹事係臧明華。可見總幹事同主席級數係好唔同。
• 共產黨有個總書記、國家元首同總理。總書記未必最有實權，重要睇埋邊個係三軍司令。
• 中國共產黨喺1945年七大到1982年十二大入面，個阿頭叫中央委員會主席，之後改咗做中央委員會總書記。
• 毛澤東做咗超過30年嘅中共中央主席同埋中央軍委主席，被尊稱做「毛主席」。