Westminster jauregia

Westminster jauregia
Palace of Westminster
Ondasun Ingelesa
Palace of Westminster and Westminster Abbey including Saint Margaret's Church
Irudi gehiago
Kokapena
Estatu burujabe	Erresuma Batua
Herrialdea	Ingalaterra
Ingalaterrako eskualdea	Londresko eskualdea
Ingalaterrako konderri zeremoniala	Londres Handia
Londresen banaketa administratiboa	Westminster Hiria
Ur-masa	Tamesis
Koordenatuak	51°29′58″N 0°07′27″W
Historia eta erabilera
Sutea	1834ko urriaren 16a
Redevelopment	1840
Bonbardaketa	1941eko maiatzaren 10a
Inaugurazioa	1342
Erabilera	Parlamentua egoitza ofiziala
Erabiltzailea	Erresuma Batuko Legebiltzarra
Arkitektura
Arkitektoa	Charles Barry, Jr. (en) Augustus Pugin
Estiloa	English Gothic architecture (en) Perpendicular Gothic (en) arkitektura neogotikoa
Azalera	10 ha
Ondarea
Ondare Ingelesa	1226284
Webgune ofiziala

Westminster jauregia (ingelesez: Palace of Westminster) Erresuma Batuko Londres hiriburuan dagoen jauregia da. Bertan Erresuma Batuko Legebiltzarra (Lorden Ganbera eta Komunen Ganbera) kokatzen da. 1987an UNESCO erakundeak Gizateriaren Ondare izendatu zuen. Westminster Hirian dago, Tamesis ibaiaren iparraldeko ertzean eta beste zenbait gobernu eraikinetatik hurbil. Eraikin honetan dago Big Ben erloju ospetsua.

Eraikina

Westminster jauregia, Westminster abadia eta Santa Margarita eliza1 UNESCOren gizateriaren ondarea
Mota	Kulturala
Irizpideak	i, ii, iv
Erreferentzia	488
Kokalekua	Ingalaterra Erresuma Batua
Eskualdea2	Europa / Ipar Amerika
Izen ematea	1987 (XI. bilkura)
1 UNESCOk jarritako izen ofiziala (euskaratua) 2 UNESCOren sailkapena

Gaur egun gelditzen den egituraren zatirik handiena XIX. mendekoa da. 1834an izan zen sute baten ondorioz, jauregia ia oso-osorik berreraiki behar izan zuten. Jatorrizko eraikina XI. mende ingurukoa da, eta gelditzen den zatirik zaharrena Westminster Aretoa (Westminster Hall) da, 1097koa.

Oinplanoan espazioaren banaketa eraikin klasikoen moduan egin zela ikusi daiteke. Bi ardatz nagusi nabari dira, eta orokorrean simetria bat mantendu da. Simetriatik ateratzen diren elementu asko sutearen aurretik zegoen eraikinaren zati dira.

Oinplanoa

Alboko oinplanoan beheko solairua ageri da, solairu nagusia. Bertan daude parlamentuaren bi ganberek biltzeko erabiltzen dituzten guneak, baita zenbait atari eta sarrera ere. Iparraldetik hegoaldera Errege Galeria, Lorden Ganbera, Atari Nagusia eta Komunen Ganbera daude; erdian dago atari nagusia, planta oktogonalekoa. Goiko bi solairuetan, berriz, bulegoak eta bilera-aretoak daude. Hiru dorre ditu: bata, hegoaldean, Victoria Dorrea izenekoa; erdialdean, Erdiko Dorrea, erdiko atariaren gainean kokatua, hau ere forma oktogonalekoa; eta, azkenik, Erlojuaren Dorrea, Big Ben izenez ere ezaguna.

Eraikinaren egitura harrizkoa eta zurezkoa da. Hasieran erabili zen harria hondar koloreko Ingalaterrako kareharri bat izan zen. Baina oraindik guztiz eraikia ez zegoenean Londresko aire kutsadurak eraginda harria hondatzen hasi zen eta aldatu egin zuten harri mota.

XX. mendean berriz ere poluzioak eraginda fatxada hondatzen hasi zen, eta duela gutxi arte zaharberritze lanetan ibili dira harri hondatua ordezkatzen.

Westminster Aretoko sabaia hasiera batean zutabeduna zen, baina ondoren sabai kasetoiduna jarri zen, espazio zabal bat guztiz libre utzita.

Estiloa

Parlamentu berria eraikitzeko agindu zenean, Ingalaterrako arkitektoen artean "estilo-eztabaida" sortu zen. Batzuen arabera, parlamentua bezalako eraikin bat Pizkundeaz geroztik garatu zen estilo klasikoari jarraituz eraiki behar zen. Beste batzuen ustez, berriz, estilorik egokiena Erdi Aroko gotikoan oinarritutakoa zen, XIX. mendean zehar Europan hedatzen ari zen estilo neogotikoa.

Parlamentua Barry arkitektoak eraiki zuen; klasikoaren aldekoa zen, eta, horregatik, plantan eraikin klasikoen ezaugarriak nabari dira.

Apaindura, berriz, Pugin arkitektoaren esku gelditu zen. Hark estilo neogotikoa zuen, eta eraikina estilo horri jarraituz apaindu zuen, bertatik gertu dagoen Westminster abadiaren estiloan oinarrituta. Emaitza gotiko perpendikular estiloko eraikin bat izan zen, eta elementu bertikalaren garrantzia da haren ezaugarririk nabarmenena.

Iruditegia

• 
  Jauregiaren ikuspegia Tamesis ibaiaren ertzetik.
• 
  Aire ikuspegia.
• 
  Big Beneko erlojuak.
• 
  Elizabeth dorrea.
• 
  Viktoria dorrea.
• 
  Parliament Square.
• 
  Winston Churchillen estatua.
• 
  Lorden Ganberaren barnealdea.
• 
  Komunen Ganbera.
• 
  Westminster Hall.
• 
  St. Stephen's Hall.

Informazio praktikoa

• Metro geltokia: Westminster

Ikus gainera

• Lorden Ganbera
• Erresuma Batuko Komunen Ganbera
• Big Ben
• Westminster abadia
• Westminster zubia

Kanpo estekak

• Westminster jauregiaren webgune ofiziala (Ingelesez)
• Erresuma Batuko Legebiltzarreko Bisitarien Gida (Ingelesez)

• Datuak: Q62408
• Multimedia: Palace of Westminster / Q62408