Jean Babelon

Para outros artigos de persoas co mesmo apelido, véxase a páxina de homónimos Babelon

Jean Babelon

Biografía
Nacemento	(fr) Jean François Laurent Babelon 19 de xaneiro de 1889 6º distrito de París, Francia
Morte	20 de abril de 1978 (89 anos) 7º distrito de París, Francia
Presidente Société Française de Numismatique
1942 – 1944 ← Adolphe Dieudonné – Pierre le Gentilhomme →
Library curator (en) Gabinete de Medallas da Biblioteca Nacional de Francia
1937 – 1961 ← Adolphe Dieudonné – Georges Le Rider →
Datos persoais
Educación	École des chartes (pt)
Actividade
Ocupación	numismático, bibliotecario, historiador, historiador da arte
Obra
Arquivos en	Aquivos departamentais de Yvelines, documento → carta [ 166J, Ms 329-330]
Familia
Fillos	François Babelon, Jean-Pierre Babelon
Pai	Ernest Babelon
Premios
(1964)  Broquette-Gonin prize in literature (en) (1948)  Premio Montyon (1916)  Premio Montyon

Jean Babelon, nado en París o 19 de xaneiro de 1889 e finado na mesma cidade o 20 de abril de 1978, foi un bibliotecario, historiador e numismático francés.

Traxectoria

Jean herdou a súa paixón polos libros, pola historia e pola numismática do seu pai, Ernest Babelon (1854-1924).

Logo de cursar os seus estudos no prestixioso centro de ensino superior École Nationale des Chartes, especializado na formación en ciencias auxiliares da Historia (fundamentalmente a biblioteconomía e a arquivística), elaborou as súas teses cos títulos de Jacopo da Trezzo et la Construction de l'Escurial. Essai sur les arts à la cour de Philippe II. 1519-1589, como tese principal, e La moralité de Bien Advisé et Mal Advisé, précédée d'une étude sur les moralités en général, como tese secundaria, o que lle permitiu a obtención do título de Arquiveiro Paleógrafo en 1910.

Posteriormente entrou a traballar no Gabinete de Medallas da Biblioteca Nacional de Francia, naquela época dirixido polo seu pai. Nesa institución, quechegou tamén a dirixir entre os anos 1937 e 1961, desenvolveu toda a súa carreira profesional.

Jean Babelon é autor dunha produción científica baseada fundamentalmente no terreo da numismática, onde destacan o Catalogue de monnaies grecques de la collection de Luynes ("Catálogo das moedas gregas da colección de Luynes"), en catro volumes publicados entre 1924 e 1936, e o Catalogue de la Collection de monnaies et médailles de M. Carlos de Beistegui ("Catálogo da colección de moedas e medallas de M. Carlos de Beistegui"), editado en 1934. Tamén é salientable a súa obra acerca da arte e da literatura españolas.

Entre 1923 de 1931 dirixiu, xunto con Pierre d'Ezpezel, a revista trimestral de arqueoloxía e numismática Aréthuse, na que o escritor Georges Bataille, daquela bibliotecario do Gabinete de Medallas, publicou os seus primeiros artigos da numismática. Esta revista cesou a súa actividade en 1931 e retomouse novamente entre 1934 e 1935 co nome de Demareteion, tamén dirixida por Jean Babelon.

Jean Babelon obtivo ao longo da súa carreira tres distincións da Academia Francesa, da que formaba parte: o premio Montyon en 1916 e en 1948, e o premio Broquette-Gonin de literatura, en 1964, polo seu traballo titulado Les Monnaies racontent l'Histoire ("As moedas contan a Historia").

Principais obras

Á parte dos sueus numerosísimos artigos, fundamentalmente numismáticos, cómpre salientar as seguintes publicacións de Jean Babelon:

• 1924-1936: Catalogue de monnaies grecques de la collection de Luynes (4 volumes).
• 1927: La médaille et les médailleurs. Payot, París.
• 1934: Catalogue de la Collection de monnaies et médailles de M. Carlos de Beistegui Arquivado 12 de outubro de 2018 en Wayback Machine.. Les Beaux-Arts, París.
• 1942: Le portrait dans l'antiquité d'après les monnaies. Payot, París.
• 1944: La numismatique antique. Presses universitaires de France.
• 1946: Portraits en médaille. Alpina, París.
• 1951: Histoire de Paris d'après les médailles de la renaisance au XXe siècle (con Josèphe Jacquiot). París.
• 1963: Les monnaies racontent l'histoire.

Notas

Predecesor: Adolphe Dieudonné	Director do Gabinete de Medallas de París  1937-1961	Sucesor: Georges Le Rider
Predecesor: A. Dieudonné e Adrien Blanchet	Presidente da Sociedade Francesa de Numismática  1942-1944	Sucesor: Pierre le Gentilhomme