Wirk
Dit artikel is gesjreve (of begós) in 't AGL. Laes hie wie v'r mit de versjillende saorte Limburgs ómgaon.
Wirk (ouch waal: arbeid[1], arbeit[2] of travaj[3]) is bewós aktiveteit die luuj eksersere óm zichzelf, angere of de behoofde en wunsje van 'n wied gemeinsjap te sjtiepe. Es alternatief kin wirk weure gezeen wie de minsjelik aktiveteit die (same mit anger produktiesjaole) biedrage aan de marsjendies en deensde in 'n ikkenomie. Wirk is noedwendig veur 't minsjelik euverlaeve.
't Is al 'n kwestie of gerichde lichamelike aansjtrenging door dere (beveurbild e nès boewe of 'n ploog tserre mit instink) "wirk" kin weure geneump. De klassiek antropologie sjtèlt dat "wirk" is wat minsj versjilt van deer. 't Doel van wirk kin zin um zelf de middele te óntwikkele um zich 't euverlaeve te verasserere. 't Doel van wirk kin ouch zin óm wirk te ekersere veur 'nen anger, óm ala van häöm middele te kriege veur 't zich verasserere van euverlaeve. In de modern ikkenomie (kapitalisme) is dat middel dèks geldj.
Saer de prehistorie (sjtèlt Karl Bücher) kin 'n verbènjing weure geprizzemeert tösje wirk en ritme, ofwaal meziek (zuug 't wirkleed).
Volges huifige sjtudies hawwe jagers en zamelaers mie vriejen tied es modern wirkers dae höbbe.
Wirk, wèrk en werk
[bewirk | brón bewèrke]Contrair tot 't Algemein Gesjreve Limbörgs, gief 't in de meiste Limbörgse dialekte e klaor versjèl tösse de verb wèrke/wirke en 't substantief werk. Zoe sprik me op 't Mestreechs vaan "'t werk"[4] (mèt 'n "e") mer ouch vaan "iech wèrk" (mèt 'n "è")[5].
Rifferensie
[bewirk | brón bewèrke]- Brónne: Duutsje en Ingelsje Wikipedia's
- ↑ van 't Holles
- ↑ van 't Pruses
- ↑ van 't Frans "travail"
- ↑ "Werk", MestreechterTaol
- ↑ "Wèrke", MestreechterTaol