Boson
Bosone is in deeltjiefisika een van twee klasse elementêre deeltjies; die ander klas is fermione. Die term "boson" is geskep deur Paul Dirac as erkenning aan die werk van Satyendra Nath Bose,[1][2] wat saam met Albert Einstein die Bose–Einstein-statistiek oor die eienskappe van elementêre deeltjies ontwikkel het.[3]
Voorbeelde van bosone sluit in fundamentele deeltjies (soos die Higgsboson, die vier kragdraende bosone van die Standaardmodel en die nog teoretiese graviton van kwantumswaartekrag); saamgestelde deeltjies (mesone, stabiele kerns van ewe massagetalle, bv. deuterium, helium-4, lood-208); en kwasideeltjies (bv. Cooper-pare).
’n Belangrike eienskap van bosone is dat daar nie ’n beperking is aan die getal wat dieselfde kwantumtoestand kan beslaan nie. In teenstelling daarmee kan twee fermione nie dieselfde kwantumruimte beslaan nie. Terwyl fermione materie uitmaak, is bosone die kragdraers wat as "gom" dien en die materie bymekaarhou.[4]
Verwysings
[wysig | wysig bron]
Hierdie artikel is vertaal uit die Engelse Wikipedia
- ↑ Daigle, Katy (10 Julie 2012). "India: Enough about Higgs, let's discuss the boson". AP News (in Engels). Geargiveer vanaf die oorspronklike op 16 Maart 2019. Besoek op 10 Julie 2012.
- ↑ Bal, Hartosh Singh (19 September 2012). "The Bose in the Boson" (in Engels). New York Times. Geargiveer vanaf die oorspronklike op 29 Desember 2019. Besoek op 21 September 2012.
- ↑ "BBC News – Higgs boson: The poetry of subatomic particles". BBC Online (in Engels). 4 Julie 2012. Geargiveer vanaf die oorspronklike op 24 Oktober 2019. Besoek op 6 Julie 2012.
- ↑ Carroll, Sean. "Explain it in 60 seconds: Bosons". Symmetry Magazine (in Engels). Fermilab/SLAC. Geargiveer vanaf die oorspronklike op 1 April 2020. Besoek op 15 Februarie 2013.
