St. Lucia

	Saint Lucia
{{{ARTIKEL-FLAGGE}}}	{{{ARTIKEL-WAPPEN}}}
	Wahlspruch: The Land, the People, the Light
Amtsspraach	änglisch
Hauptstadt	Castries
Staatsoberhaupt	König Charles III.; verdräte dur de Generalgouverneur Cyril Errol Charles
Regierigschef	Philip Pierre
Flächi	619,15 km²
Iiwohnerzahl	172.884
Bevölkerigsdichti	270,8 Iiwohner pro km²
Bruttoinlandsprodukt gschetzt (2008)	1,801 Mrd. US$ (185.)
Bruttoinlandsprodukt pro Iiwohner	11.300 US$ (98.)
Human Development Index	0,821 (69.)
Währig	1 Ostkaribische Dollar = 100 Cents
Unabhängigkeit	22. Februar 1979
Nationalhimne	Sons and Daughters of St. Lucia
Nationalfiirtig	Unabhängigkeitstag am 22. Februar
Zitzone	UTC −4 Stunden
Kfz-Kennzeiche	WL
Internet-TLD	. lc
Vorwahl	+1 (758) lueg NANP

St. Lucia^[2] beziehigswiis au Saint Lucia^[3] (Landessproch: änglisch Saint Lucia [sntˈluːʃə]) isch en unabhängige Inselstaat im Beriich vo de Westindische Insle in dr Karibik und isch Mitgliid im Commonwealth of Nations.

Geografii

D Insle ghört zu de Insle über em Wind, wo zu de Chliinen Antille ghöre. Si lit nördlig vo St. Vincent und de Grenadine und 37 km südlig vo Martinique. 180 km im Oste befindet sich Barbados.

Hauptstadt und grössti Stadt vom Land isch Castries. Dr höchsti Punkt uf dr Insle isch dr Mount Gimie mit 950 Meter. D Küstelinie isch 158 Kilometer lang. Uf dr Insle git s, südlig vom Ort Soufrière, zwei inaktivi Vulkan, dr Gros Piton und dr Petit Piton (au Twin Pitons gnennt). S Gebiet um d Vulkan isch uf dr Liste vom UNESCO-Wältnaturerb.^[1] Die wichdigste Flüss uf dr Insle si dr Cul de Sac und dr Canelles. 27.9 % vo dr Landflechi isch vo Wälder bedeckt.

Bevölkerig

Dr Grossdeil vo dr hütige Inselbevölkerig stammt vo Schwarzafrikaner ab, wo während dr Kolonialzit as Sklave uf d Insle brocht worde si.

D Amtssprooch, Änglisch, wird am meiste gschwätzt. Drnäbe wird au Patois, e Dialäkt vo dr französische Sprooch, gredet. D Läbenserwartig isch 76,45 Jahre, s durchschnittlige Alter 29,8. 28% vo dr Bevölkerig läbe in Stedt, d Verstedterigsroote isch 1,4% pro Johr. 82,5% vo dr Bevölkerig si schwarzhütig.^[1] Öbbe 12% si gmischt und 3 % stamme vo Asiate, vor Allem Inder ab. Dr Räst si Wissi und anderi Bevölkerigsgruppe.