Psophia
 | ||||||||||||
|---|---|---|---|---|---|---|---|---|---|---|---|---|
 Psophia crepitans
| ||||||||||||
| Biologia klasado | ||||||||||||
| ||||||||||||
Specioj
| ||||||||||||
| ||||||||||||
Aliaj Vikimediaj projektoj
| ||||||||||||
Psophia viridis
Psophia leucoptera
Psophia estas genro de birdoj limigita al malsekaj arbaroj de Amazonio kaj de Gujana Ŝildo en Sudameriko. Ĝi estas la nura genro en la familio Psophiidae.
La birdoj de la genro estas ofte konata kiel trumpetistoj, pro la trumpeteca aŭ ridegeca minacalvoko de la maskloj.[1]
La tri specioj aspektas iom altaj, longkruraj kokoj laŭ grando kaj aspekto; ili estas 45 ĝis 52 cm longaj kaj pezas 1 ĝis 1.5 kg.[1] Ili estas fortikaj birdoj kun longaj, flekseblaj koloj kaj kruroj, subenkurbaj bekoj[2] kaj “ĝibeca” aspekto.[3] Iliaj kapoj estas malgrandaj, sed iliaj okuloj estas relative grandaj, kio faras ilin aspekti scivolemaj kaj "bon-naturaj". La plumaro estas milda, simila al felo aŭ veluro en la kapo kaj en la kolo. Ĝi estas ĉefe nigra, kun purpura, verda, aŭ bronzkolora irizeco, aparte en flugilkovriloj kaj malsupra kolo. En la plej bone konataj taksonoj, la duarangaj kaj triarangaj flugilplumoj estas blankaj, grizaj aŭ verdec-nigraj kaj harecaj, falante super la malsupra dorso, kiu estas de sama koloro. Tiuj koloroj donas al la tri ĝenerale akceptitaj specioj iliajn nomojn.[1]
Specioj
[redakti | redakti fonton]- Agamio[4] (Psophia crepitans), tambura agamio, grizflugila trumpetbirdo
- Verda psofio (Psophia viridis), verda agamio, verdflugila trumpetbirdo
- Blankflugila psofio (Psophia leucoptera), blankflugila agamio, blankflugila trumpetbirdo
Referencoj
[redakti | redakti fonton]- ↑ 1,0 1,1 1,2 Holyoak, David. (2003) “Trumpeters”, Perrins, Christopher: The Firefly Encyclopedia of Birds. Firefly Books. ISBN 1-55297-777-3.
- ↑ Archibald, George W.. (1991) Forshaw, Joseph: Encyclopaedia of Animals: Birds. London: Merehurst Press. ISBN 1-85391-186-0.
- ↑ Hilty, Steven L.. (1986) A Guide to the Birds of Colombia. Princeton University Press. ISBN 0-691-08371-1.
- ↑ agamio en vortaro.net
| ||||||||||||||||||