Ský

Ský er sýnilegur massi samþjappaðs vatns eða ís kristalla í andrúmsloftinu á Jörðinni eða annarri reikistjörnu. Þau endurvarpa öllum sýnilegum bylgjulengdum ljóss og eru því hvít, en geta virðst grá eða jafnvel svört ef þau eru það þykk að ljós nær ekki í gegnum þau. Vatnsdropar í skýjum eru að jafnaði 0,01 mm í þvermál og verða því sýnilegir þegar þeir safnast saman og mynda ský.

Ský á öðrum reikistjörnum en Jörðinni eru oft úr öðrum efnum en vatni (t.d. metani) en það fer þó eftir umhverfisaðstæðum.

Skýjamyndun

Ský myndast þegar vatnsgufa í andrúmsloftinu myndast þá litlir vatnsdropar og ískristallar. Þetta gerist einkum á tvennskonar hátt:

1. Loftið kólnar og mettast. Þetta gerist þegar loftið kemur í tæri við kalt yfirborð eða yfirborð sem hefur kólnað af geislum. Auk þess getur loft kólnað vegna þess að það stígur. Fyrir því eru þrjár ástæður:

Loftið þarf að rísa yfir hlý- eða köld skil
Þar sem köldu lofti blæs yfir fjöll neyðist rakt loft til að rísa
Vegna lóðstreymis sem leiðir til upphitunar yfirborðs jarðar (hlýnun yfir daginn)

2. Hitastig loftsins breytist ekki heldur tekur til sín meiri raka og mettast þannig.

Ský eru þung. Vatnið í venjulegu skýi getur vegað mörg milljón tonn en þar sem rúmmálið er líka mikið reynist nettó þéttleiki vatnsgufunnar það lítill að loftstreymi yfir og undir skýjunum getur haldið þeim uppi. Flest ský myndast þegar vatnsgufa þéttist í kringum þéttimiðju sem ýmist getur verið reykur, gas, aska eða salt. Í yfirmettuðum tilvikum geta vatnsdropar einnig virkað sem þéttimiðja. Flugslóðar eru dæmi um manngerð ský, sem myndast út útblæstri þotuhreyfla.

Gerðir skýja

Ský skiptast í háský, miðský, lágský og háreist ský.

Háský

Háský eru í 6-12 km hæð, til þeirra teljast:

Klósigar (Cirrus)
Blika (Cirrostratus)
Maríutása (Cirrocumulus)
Skýjahetta eða -kúfur (Pileus)
Flugslóði

Miðský

Miðský eru í 2-6 km hæð, til þeirra teljast:

Gráblika (Altostratus)
Netjuský (Altocumulus)
Regnþykkni (Nimbostratus)
Bylgjunetja (Altostratus undulatus)
Skýjaborgir (Altocumulus castellanus)
Linsuský eða vindskafin netjuský (Altocumulus lenticularis)

Lágský

Lágský eru í 0-2 km hæð, til þeirra teljast:

Þokuský (Stratus)
Bólstraský eða bólstrar (Cumulus)
Flákaský (Stratocumulus)

Háreist ský

Háreist ský eru í 0-12 km hæð, til þeirra teljast:

Skúraský (Cumulonimbus)
Skúraklakkar (Cumulunimbus calvus))
Skúraflókar (Cumulonimbus cappilatus)
Steðjaský (Cumulonimbus incus)
Gosský (Pyrocumulus)

Ský ofan veðrahvolfs

Önnur ský

Júgurský (Altocumulus Mammatus)
Hrafnar (Pannus)
Skýjaslæður (Virga)

Tengt efni

Heimildir

„Ský“. Sótt 26. júlí 2008.
„Fróðleikur um veður“. Sótt 24. ágúst 2008.

Tenglar

„Eru til margar gerðir skýja?“. Vísindavefurinn.

Þessi náttúruvísindagrein er stubbur. Þú getur hjálpað til með því að bæta við greinina.