Frederick Reines
| Frederick Reines | |||
 Frederick Reines | |||
| Fødd | 16. mars 1918 Paterson i New Jersey | ||
|---|---|---|---|
| Død | 26. august 1998 (80 år) Orange | ||
| Statsborgarskap | Amerikansk | ||
| Nasjonalitet | USA | ||
| Område | Fysikk | ||
| Yrke | Fysikar | ||
| Institusjonar | Case Western Reserve University | ||
| Alma mater | New York University Stevens Institute of Technology Union Hill High School | ||
| Kjend for | Nøytrinoar | ||
| Utmerkingar | Nobelprisen i fysikk (1995) | ||
| Medlem | Det russiske vitskapsakademiet National Academy of Sciences American Academy of Arts and Sciences American Association for the Advancement of Science American Physical Society | ||
Frederick Reines (16. mars 1918–26. august 1998) var ein amerikansk fysikar. Reines mottok Nobelprisen i fysikk i 1995 for påvisinga av nøytrinoar. Han delte prisen med landsmannen Martin Lewis Perl.
Reines tok ein Master of Science i fysikk i 1941 og tok seinare ein doktorgrad i fysikk ved New York University i 1944. Han byrja å jobbe ved Los Alamos Scientific Laboratory under leiing av Richard Feynman og deltok i Manhattanprosjektet for å produsere den første atombomba.
Hypotesen om eksistensen til nøytrinoet er frå 1930-talet. Nøytrino «oppstod» som ein hypotetisk partikkel i eit brev frå 1930 av Wolfgang Pauli (Nobelprisen i 1945). På den tida var det kjend at mange atomkjerner enda sine liv ved å sende ut eit elektron. Denne prosessen, som vert kalla betahenfall, gav forskarane mykje hovudbry, mellom anna ved at dei heilage lovene i fysikken – energiprinsippet – ikkje syntes å gjelde. For å gjenoppretta orden i lovboka til fysikken kom Pauli med det han kalla ei «desperat løysing» – kjernen sende ikkje ut elektronet aleine. Kjernen vart følgd av ein annan småpartikkel, som ikkje hadde elektrisk ladning og reagerte særs lite med sine omgjevnader. Den vesle partikkelen, som etter kvart fekk namnet nøytrino, tok ein del av energien med seg og forsvann sporlaust i det tomme inkje. Energibalansen vart som forventa, berre ein tok omsyn til den delen som nøytrinoet hadde tatt med seg.
Det drygde enno heilt til 1956 før Reines og hans kollega Clyde L. Cowan lukkast med å påvise eksistensen tli nøytrinoet.
Kjelder
[endre | endre wikiteksten]- Denne artikkelen bygger på «Frederick Reines» frå Wikipedia på bokmål, den 22. februar 2012.