Rifrassion

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Vàire rifrassion fàite da passagi antra aria e véder As dis Rifrassion na modìfica dla diression ëd n'onda, ch'a riva quand che l'onda a cambia andi. Sòn as nòta dzortut quand che l'onda a passa da 'nt un mojen ëd trasmission a n'àutr (pr'esempi, la lus ch'a passa da viagé da 'nt l'eva a viagié 'nt l'aria). Contut che për sòlit la gent a la s-ciàira la rifrassion mach coma na question ch'a toca la lus, sòn a riva con qualsëssìa onda, ch'a së s-ciàira ò pura nò. Pr'esempi la rifrassion a riva quand che 'n rumor a passa da 'nt un mojen a n'àutr. Na còpia dël manuscrit d'Ibn Sahl, andoa ch'as treuva la pì veja fòrmula dla rifrassion L'entità dla rifrassion a dipend dal rapòrt ${\frac {n_{1}}{n_{2}}}$ antra j'ìndes ëd rifrassion dij doi mojen e da l'àngol d'antruch, visadì l'angol che ël fass ëd lus ch'a riva a forma con la normal a la surfassa. As dis àngol ëd rifrassion l'àngol che ël fass ëd lus rifrat a forma con la normal a la surfassa. La relassion antra costi ent a l'é descrivùa da la lej dë Snell ëd la rifrassion. Chèich efet ëd la rifrassion ëd la lus Ij mirage a son l'arzultà dla rifrassion atmosférica. Cand che la lus a passa a travers un còrp dont le surfasse a son pian-e e paralele, ij raj a arzulto spostà ma nen devià. Cand che la lus a passa da l'aria a 'n prisma ëd véder, a l'é piegà vers la part pi spëssa dël prisma. La grandëssa dla deviassion a dipend da l'àngol dël prisma, l'àngol d'antruch e l'ìndes ëd rifrassion dël prisma.

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi