iPhone တွင် AssistiveTouch ကိုသုံးခြင်း
သင် iPhone အသုံးပြုသည့်အခါ ဖန်သားပြင်ကိုထိတွေ့ရာတွင် သို့မဟုတ် ခလုတ်များနှိပ်ရာတွင် ခက်ခဲမှုရှိပါက AssistiveTouch က သင့်ကို ကူညီပေးနိုင်သည်။ သင့်အတွက် ခက်ခဲသည့်လှုပ်ရှားမှုများ သို့မဟုတ် လက်ဟန်များလုပ်ဆောင်ရန် မည်သည့်တွဲဖက်ပစ္စည်းမျှမပါဘဲ AssistiveTouch ကိုသုံးနိုင်သည်။ လိုက်လျောညီထွေဖြစ်သည်တွဲဖက်ပစ္စည်းကိုလည်း(ပုံရိပ်၏ရပ်ညွှန်းကဲ့သို့သော) iPhone ကိုထိန်းချုပ်ရန် AssistiveTouch နှင့်အတူသုံးနိုင်သည်။
အောက်ပါတို့ကဲ့သို့လှုပ်ရှားမှုများလုပ်ဆောင်ရန် AssistiveTouch နှင့်အတူ သာမန်နှိပ်ခြင်း (သို့မဟုတ်သင်၏တွဲဖက်ပစ္စည်းနှင့်တူညီသည့်)ကိုသုံးနိုင်သည်၊
AssistiveTouch စာရင်းကိုဖွင့်ခြင်း
Home ဖန်သားပြင်သို့ သွားပါ
နှစ်ကြိမ်ဆက်နှိပ်ခြင်း
လက်ဟန်ပေါင်းစုံကိုလုပ်ဆောင်ခြင်း
အထက်အောက်ရွှေ့သည့်ဟန်ပန်များ လုပ်ဆောင်ခြင်း (iOS 13.3 သို့မဟုတ် နောက်ပိုင်း)
Siri ကိုဆင့်ခေါ်ခြင်း
Control Center၊ အကြောင်းကြားချက်များ၊ ပိတ်ထားသည့်ဖန်သားပြင် သို့မဟုတ် App Switcher သို့ဝင်ရှာခြင်း
iPhone တွင်အသံတိုး၊ကျယ်ညှိခြင်း
iPhone ကိုလှုပ်ခြင်း
ဖန်သားပြင်ပုံရိပ်တစ်ပုံ ရိုက်ကူးခြင်း
3D Touch ကိုသုံးခြင်း (ထောက်ပံ့ပေးသည့် iPhone အမျိုးအစားများတွင်)
Apple Pay ကိုအသုံးပြုခြင်း
Emergency SOS ကို သုံးခြင်း
ပြောဆိုသည့်ဖန်သားပြင်
မြားညွှန်းတံထိန်းကိရိယာချိန်ညှိမှုများကို ညှိခြင်း (iOS 13.3 သို့မဟုတ် နောက်ပိုင်း)
iPhone ကိုပိတ်၍ပြန်ဖွင့်ခြင်း
AssistiveTouch ကိုစီစဉ်ခြင်း
Siri ကိုမေးပါ ထိုကဲ့သို့တစ်ခုခုပြောပါ၊ “Turn on AssistiveTouch” သို့မဟုတ် “Turn off AssistiveTouch.” Siri အားတောင်းဆိုပုံကိုလေ့လာခြင်း။
သို့မဟုတ် အောက်ပါအတိုင်းလုပ်ဆောင်ပါ၊
Settings
> Accessibility > Touch > AssistiveTouch သို့သွားပါ။AssistiveTouch ကိုဖွင့်ပါ။
AssistiveTouch ကို စိတ်ကြိုက်ပြုလုပ်ရန်၊ အောက်ပါတို့မှနှစ်သက်ရာတစ်ခုကိုနှိပ်ပါ၊
ထိပ်ပိုင်းအဆင့်စာရင်းကိုအထူးပြုလုပ်ရန်၊ သင်္ကေတတစ်ခု၏လုပ်ဆောင်ပုံပြောင်းလိုလျှင် အဆိုပါသင်္ကေကို နှိပ်ပါ။ စာရင်းတွင် သင်္ကေတများ၏အရေအတွက်ကို ပြောင်းလိုလျှင်
သို့မဟုတ် 
ကို နှိပ်ပါ။ ဤစာရင်းသည် သင်္ကေတရှစ်ခုအထိ ထားရှိနိုင်သည်။တစ်ချက်နှိပ်ခြင်း၊ နှစ်ချက်နှိပ်ခြင်း၊ ကြာရှည်ဖိနှိပ်ခြင်း သို့မဟုတ် 3D Touch၊ စာရင်းခလုတ်နှင့်အပြန်အလှန်ပြုလုပ်သည့်အခါ ပွင့်နေသည့် အထူးပြုလုပ်ချက်များကိုသတ်မှတ်ပါ။ 3D Touch သည် ထောက်ပံ့ပေးသည့် iPhone အမျိုးအစားများ တွင်သာ ရနိုင်သည်။
လက်ဟန်အသစ်ကိုဖန်တီးခြင်း၊ သင်၏စိတ်ကြိုက်လက်ဟန်များကို ပေါင်းထည့်ပါ။
ဖုန်းမျက်နှာပြင်အလင်းပိတ်မှုဆိုင်ရာလုပ်ဆောင်ချက်၊ ဖုန်းကိုအသုံးမပြုသည့်အခါ မျက်နှာပြင်ရှိအကြောင်းအရာများ မြင်ရမှုကို ချိန်ညှိပါ။
အကြံပြုချက် AssistiveTouch ကို လျင်မြန်စွာ ဖွင့်ရန် သို့မဟုတ် ပိတ်ရန် ဘေးခလုတ်ကိုသုံးခါနှိပ်ပါ (Face ID ပါသည့် iPhone တွင်) သို့မဟုတ် Home ခလုတ်ကိုသုံးခါနှိပ်ပါ (အခြား iPhone အမျိုးအစားများတွင်)။
မြားညွှန်ကိရိယာတစ်ခု ထည့်သွင်းခြင်း
မောက်စ်ပြား၊ဂိမ်းခလုတ်နှင့် မောက်စ်ကိရိယာများကဲ့သို့ USB အကူအညီပြုထားသည့် အညွှန်းကိရိယာများကို Bluetooth နှင့် ချိတ်ဆက်နိုင်သည်။
Settings
> Accessibility > Touch > AssistiveTouch သို့သွားပါ။AssistiveTouch ကိုဖွင့်ပါ။
Pointer Devices အောက်တွင် အောက်ပါတစ်ခုခုကို နှိပ်ပါ၊
ကိရိယာများ- ကိရိယာများတွဲချိတ်ခြင်း သို့မဟုတ် ဖြုတ်ခြင်းနှင့် ခလုတ်များစိတ်ကြိုက်စီမံခြင်း။
မောက်စ်ခလုတ်များ၊ စာရိုက်ခလုတ်ခုံနံပါတ်ပြားကို အသုံးပြုပြီး AssistiveTouch ညွှန်းတံကို ထိန်းချုပ်နိုင်ခြင်း။
မြားညွှန်ကိရိယာပုံစံ၊ အရွယ်၊ အရောင် နှင့် အလိုအလျောက်ပုန်းကွယ်မှုချိန်ညှိချက်များကို ချိန်ညှိပါ။
Onscreen Keyboard ဖော်ပြခြင်း၊ ဖန်သားပြင်ပေါ်ရှိစာရိုက်ခလုတ်ခုံကို ပြသပါ။
အမြဲပြသရမည့်စာရင်း၊ မြားညွှန်ကိရိယာကို ချိတ်ဆက်ပြီးသည့်အခါ AssistiveTouch စာရင်းကိုပြသည်။
အရှိန်နှုန်းကိုခြေရာကောက်ရန်၊ နှုန်းကိုချိန်ညှိရန် ဆလိုက်ဘားကို ဆွဲယူပါ။
ဆွဲယူမှုကိုပုံသေထားရန်၊ ဆွဲယူခြင်းကို လုပ်ဆောင်နိုင်ရန် ဖွင့်ပါ။
ချုံ့ခြင်း၊ ချဲ့ခြင်းနှင့် အလျဉ်မပြတ်ရိုက်ကူးခြင်း Continuous ၊ Centered သို့မဟုတ် Edges ကိုရွေးပါ။
မြားညွှန်ကိရိယာထိန်းချုပ်ရန်၊ အညွှန်းမြားတံငြိမ်နေချိန်တွင် မြားညွှန်းထိန်းကိရိယာလုပ်ဆောင်မှုဆောင်ရွက်ရန် ဖွင့်ပါ။ မြားညွှန်းထိန်းကိရိယာလုပ်ဆောင်မှုအစပျိုးရန်လိုအပ်သည့်အချိန်အတိုးအလျှော့လုပ်ရန်
သို့မဟုတ် ကို နှိပ်ပါ။ယခင်ပုံစံအတိုင်းဖြစ်ရန်လုပ်ဆောင်ချက်၊ (iOS 13.3 သို့မဟုတ် နောက်ပိုင်း) လုပ်ဆောင်မှုတစ်ခုပြီးသည့်နောက် မြားညွှန်းထိန်းကိရိယာလုပ်ဆောင်မှုကို ရွေးချယ်ထားသည့် လုပ်ဆောင်မှုတစ်ခု- နှိပ်ပါ သို့မဟုတ် မြားညွှန်းတံထိန်းကိရိယာကိုခေတ္တရပ်ပါ- သို့ပြောင်းရန် ဖွင့်ထားပါ။
လှုပ်ရှားမှုကွာဟချက်ကိုချိန်ညှိရန်၊ အမျိုးအစားတစ်ခုအပေါ် အမူအရာဖြင့်ထိန်းချုပ်မှုလုပ်ဆောင်ထားချိန်တွင် သင်ရွှေ့လိုသည့် အကွာအဝေးကို ချိန်ညှိပါ။
ဖန်သားပြင်ထောင့်လေးထောင့်အား စိတ်ကြိုက်အစီအစဉ်အဖြစ်ပြောင်းလဲခြင်း၊ (iOS 13.3 သို့မဟုတ် နောက်ပိုင်း) မြားညွှန်းတံထိန်းကိရိယာလေး ဖန်သားပြင်ထောင့်တစ်ထောင့်တွင် ရှိနေသည့်အခါ- ဖန်သားပြင်ပုံရိပ်တစ်ပုံရိုက်ကူခြင်း၊ Control Center ဖွင့်ခြင်း၊ Siri ကိုဆင့်ခေါ်ခြင်း၊ သို့မဟုတ် အလွယ်သုံးပုံစံတစ်ခုအသုံးပြုကဲ့သို့သော- ရွေးချယ်ထားသည့်လုပ်ဆောင်ချက်တစ်ခုကို လုပ်ဆောင်ပါ။
AssistiveTouch စာရင်းခလုတ်ကိုရွှေ့ခြင်း
ဖန်သားပြင်ပေါ်တွင် နေရာအသစ်တစ်နေရာသို့ ၄င်းစာရင်းခလုတ်ကိုပွတ်ဆွဲပါ။
AssistiveTouch ကိုသုံးခြင်း
စာရင်းခလုတ်ကိုနှိပ်ပါ၊ ထို့နောက်လုပ်ဆောင်ချက် သို့မဟုတ် လက်ဟန်ကိုရွေးချယ်ပါ။
လက်ဟန်အစုံအတွက်အောက်ပါကိုလုပ်ဆောင်ပါ၊
လက်နှစ်ချောင်းဖြင့်ဖိပွတ်ရန်၊ Custom ကိုနှိပ်ပါ၊ ထို့နောက် Pinch ကိုနှိပ်ပါ။ ဖိပွတ်ခြင်းစက်ဝိုင်းများပေါ်လာသည့်အခါ၊ ဖိပွတ်ခြင်းစက်ဝိုင်းများကိုရွှေ့ရန်ဖန်သားပြင်ပေါ်ရှိမည်သည့်နေရာကိုမဆိုထိပါ၊ ထို့နောက်ဖိပွတ်ခြင်းလက်ဟန်ကိုလုပ်ဆောင်ရန်ဆွဲသွင်းပါ သို့မဟုတ် တွန်းပါ။ ပြီးဆုံးသည့်အခါ၊ ယင်းစာရင်းခလုတ်ကိုနှိပ်ပါ။
လက်ဟန်မျိုးစုံရွှေ့ခြင်း သို့မဟုတ် ပွတ်ဆွဲခြင်း၊ Device > More > Gestures ကိုနှိပ်ပါ၊ ထို့နောက်လက်ဟန်အတွက်လိုအပ်သည့်နံပါတ်ဂဏန်းများကိုနှိပ်ပါ။ ဖန်သားပြင်ပေါ်တွင်စက်ဝိုင်းများပေါ်လာသည့်အခါ၊ လက်ဟန်ဖြင့်လိုအပ်သည့်ဘက်တွင်ရွှေ့ပါ သို့မဟုတ် ပွတ်ဆွဲပါ။ ပြီးဆုံးသည့်အခါ၊ ယင်းစာရင်းခလုတ်ကိုနှိပ်ပါ။
ယခင်စာရင်းသို့ပြန်သွားရန် စာရင်း၏အလယ်ရှိမြားကိုနှိပ်ပါ။ လက်ဟန်ပြုလုပ်ခြင်းမရှိဘဲစာရင်းကိုထွက်ရန်၊ စာရင်းပြင်ပရှိနှစ်သက်ရာနေရာကိုနှိပ်ပါ။
စိတ်ကြိုက်လက်ဟန်များ ဖန်တီးခြင်း
သင့်စိတ်ကြိုက်လက်ဟန်များ(ထိ၍ရပ်ထားခြင်း သို့မဟုတ် လက်ချောင်းနှစ်ချောင်းလှည့်ခြင်း) ကို AssistiveTouch စာရင်းသို့ထည့်နိုင်သည်။ ဒီဂရီအမျိုးမျိုးလှည့်၍ များစွာသောလက်ဟန်များကိုပင်ဖန်တီးနိုင်သည်။
Settings
> Accessibility > Touch > AssistiveTouch > Create New Gesture သို့သွားပါ။ရုပ်ဖမ်းယူထားသည့်ဖန်သားပြင်ပေါ်တွင် သင့်လက်ဟန်ကို ပြုလုပ်ပါ။ ဥပမာ၊
ထိ၍ထိန်းထားသည့် လက်ဟန်၊ ရုပ်ဖမ်းယူမည့်လုပ်ငန်းစဉ်ပြဘားသည်လမ်းတစ်ဝက်ရောက်သည်အထိတစ်နေရာတွင်လက်ချောင်းကိုထိ၍ရပ်ထားပါ၊ထို့နောက်လက်ချောင်းကိုမလိုက်ပါ။ ရုပ်ဖမ်းယူနေစဉ်တွင်လက်ချောင်းကိုမလှုပ်မိရန်သတိထားပါ၊ သို့မဟုတ် လက်ဟန်ကိုပွတ်ဆွဲမှုတစ်ခုအဖြစ်ဖမ်းယူသွားလိမ့်မည်။
လက်ချောင်းနှစ်ချောင်းလှည့်ခြင်းလက်ဟန်၊ iPhone ဖန်သားပြင်ပေါ်တွင် လက်နှစ်ချောင်းကြားရှိ အမှတ်တစ်ခုကို လှည့်၍ ၎င်းလက်နှစ်ချောင်းကို လှည့်ပါ။ (လက်တစ်ချောင်းတည်း သို့မဟုတ် ဖန်သားပြင်ရေးကညစ်ဖြင့်လည်း ၎င်းကို ပြုလုပ်နိုင်သည်-အကွေ့အဝိုက်တစ်ခုချင်းစီ သီးခြားဖန်တီးပါ၊ တစ်ခုပြီးမှ တစ်ခုပုံစံ။)
နှိပ်ခြင်း သို့မဟုတ် ပွတ်ဆွဲခြင်းအစီအစဉ်များ မှတ်သားထားပါက ၎င်းတို့အားလုံးကိုတစ်ပြိုင်တည်းပြန်ဖွင့်၍ရသည်။ ဥပမာ ဖန်သားပြင်တွင် နေရာလေးနေရာတွင် အစီအစဉ်ကျပြီး သီးခြားဖြစ်သည့် လေးကြိမ်နှိပ်ခြင်းကို မှတ်ထားရန် လက်တစ်ချောင်း သို့မဟုတ် ကညစ်ကိုအသုံးပြုခြင်းသည် လက်လေးချောင်းတစ်ပြိုင်တည်းနှိပ်ခြင်းကဲ့သို့ ဖြစ်စေသည်။
သင့်လက်ဟန်သည် အနေအထားမမှန်ပါက Cancel ကို နှိပ်ပါ၊ ထို့နောက် နောက်တစ်ကြိမ်ထပ်ကြိုးစားပါ။
သင့်လက်ဟန်ကိုသင်ကျေနပ်သည့်အခါ၊ Save ကိုနှိပ်ပါ၊ ထို့နောက်လက်ဟန်ကိုအမည်ပေးပါ။
စိတ်ကြိုက်လုပ်ထားသည့် သင့်လက်ဟန်ကိုသုံးရန် AssistiveTouch စာရင်းခလုတ်ကိုနှိပ်ပါ၊ Custom ကိုနှိပ်ပါ၊ ထို့နောက်၎င်းလက်ဟန်ကိုရွေးပါ။ သင့်လက်ဟန်ကို ကိုယ်စားပြုသည့် အပြာရောင်စက်ဝိုင်းများပေါ်လာသည့်အခါ ၎င်းလက်ဟန်ကိုအသုံးပြုလိုသည့်နေရာသို့ အဆိုပါစက်ဝိုင်းများကို ဆွဲယူသွားပြီးနောက် လွှတ်လိုက်ပါ။