მარინა ცვეტაევა
| მარინა ცვეტაევა | |
 ცვეტაევა 1925 წანას | |
| დაბადებაშ თარიღი: |
8 გჷმათუთა, 1892 |
|---|---|
| დაბადებაშ აბანი: | |
| ღურაშ თარიღი: |
მარაშინათუთა 31, 1941 (48 წანერი) |
| ღურაშ აბანი: | |
| ერუანობა: | |
| საქვარუა: | |
| პერიოდი : |
1908-1941 |
| ჟანრი: |
პოეზია, პოეტური პროზა, მემუარეფი |
| ნინა: | |
|
| |
მარინა ცვეტაევა (რუს. Марина Ивановна Цветаева; დ. 8 გჷმათუთა [26 ეკენია], 1892, მოსკოვი, რუსეთიშ იმპერია — ღ. 31 მარაშინათუთა, 1941, ელაბუგა, რსფსრ, სსრრ) — რუსი პოეტი, ჭარუ დო მათანგალი, მერჩქინელი რე რუსეთიშ მაეჩა ოშწანურაშ ართ-ართ უკაბეტაშ პოეტო. ცვეტაევას ტრაგიკული რინა უღუდჷ. ბაღანაქ შქირენათ დუღურჷ. 1922 წანას ცვეტაევაქ რუსეთი ქიდიტჷ დო ემიგრაციაშა მიდართჷ. დაღარულო ცხოვრენდჷ პარიზის, ბერლინს დო პრაღას.
მარინა ცვეტაევაქ რუსეთიშა 1939 წანას დირთჷ. ცვეტაევაშ ალმასქუს, სერგეი ეფრონს სსრრ-შ კომუნისტურ თარობაქ შპიონაჟი ქეკაწამჷ. მალას ეფრონი ოჭოფეს დო გორხვეს. თაშნეშე, ოჭოფეს ცვეტაევაშ ცირასქუა არიადნა. ჸათე ტრაგედიეფიშ გეშა მარინა ცვეტაევაქ 1941 წანაშ 31 მარაშინათუთას დუდი დიჸვილჷ.
ცვეტაევა რე ავტორი შხვადოშხვა ლერსეფიშ, პოემეფიშ დო ნათანგეფიშ. თიში ნაჭარეფი ორხველუდჷ უმოსო რუსული სიმბოლიზმიშ გემაჸვენჯობას. ცვეტაევაქ ლიტერატურული კარიერა 1900-იან წანეფს დიჭყჷ. მაართა პოეტური კათელი "ონჯუაშ ალბომი" 1910 წანას გჷმაბჟინუ. 1914 წანას ცვეტაევაქ გეჩინებაფუ მათანგალი სოფია პარნოკი, ნამუწკჷმა ინტიმური ურთიართობა უღუდჷ. პარნოკიწკჷმა ურთიართობაშ ეპიზოდეფი ეჭარილი რე ცვეტაევაშ ნამთინე ლერსის.
მარინა ცვეტაევაშ ლიტერატურული ტალანტის აღიარენდეს დო აფასენდეს გიშარჩქინელი პოეტეფი: ვალერი ბრიუსოვი, ოსიპ მანდელშტამი, ბორის პასტერნაკი, რაინერ მარია რილკე, ანა ახმატოვა, იოსიფ ბროდსკი დო შხვეფი.
რესურსეფი ინტერნეტის
[რედაქტირაფა | წყუშ რედაქტირაფა]
- "Marina Tsvetaeva, Poet of the extreme" by Belinda Cooke from South magazine #31, April 2005. Republished online in the Poetry Library's Poetry Magazines site.
- A small site dedicated to Tsvetaeva
- Poetic translations into English
- Marina Tsvetaeva biography at Carcanet Press, English language publisher of Tsvetaeva's Bride of Ice and Marina Tsvetaeva: Selected Poems, translated by Elaine Feinstein.
- Heritage of Marina Tsvetayeva, a resource in English with a more extensive version in Russian.
- The Poems by Marina Tsvetaeva