大角

大角

大角在北斗之左。左右攝提夾住。

大角，取自敦煌莫高窟古卷星圖。大角一星喺圖中上方，空心，標示太角。

大角，星一粒，喺同名大角星官內。大角為東方蒼龍之角。歲差之故，唔係角宿之內，而喺亢宿。史記天官書講，杓攜龍角，龍角就大角。又有講，「大角者、天王帝廷。」天王係大火，大角就係佢嘅廷。

大角一星，亦叫大角星，光星，地球望上去，視星等，負百分之四。夜天恆星之中，排第三，僅次於天狼同老人星，色燈黃。距離地球三十六光年七。

西洋星座歸入牧夫座，為其α星。因而叫牧夫座α星 (α Boo)，別名守熊人，Arcturus，出自古希臘文Ἀρκτοῦρος。而佢所在牧夫座側邊，就有大熊座。