Pous Sergius III
| Pous Sergius III | |
|---|---|
| |
| Pontifikaat begin | 29 Januarie 904 |
| Pontifikaat eindig | 14 April 911 |
| Voorganger | Leo V |
| Opvolger | Anastasius III |
| Gebore | |
| Sterf | 14 April 911 Rome, Italië |
| Ander pouse genaamd Sergius | |
Sergius III was die 119de pous van die Rooms-Katolieke Kerk.
Biografie
[wysig | wysig bron]Pous Sergius III is gebore in Rome, Italië in 'n adellike familie, die seun van Benedictus. Pous Formosus benoem Sergius as biskop van Caere. Op 29 Januarie 904 volg hy Pous Leo V op en regeer tot sy dood op 14 April 911. Hy word opgevolg deur Pous Anastasius III. Die naam ‘Sergius’ beteken 'dienaar'.
Pontifikaat
[wysig | wysig bron]Pous Sergius III was twee keer pous. Vir die eerste periode vanaf 897 was hy 'n teenpous en vanaf 14 April 911 'n wettige pous. Aan die einde van die 9de en die begin van die 10de eeu is Rome gekenmerk deur 'n bitter stryd tussen adellike groepe. Die stryd val saam met die stryd om die koningskap van Italië en die titel van keiser van die Heilige Romeinse Ryk.
Sergius was een van die teenstanders van Pous Formosus. Formosus het Arnolf van Karintië gesteun. Formosus het Sergius benoem as biskop van Caere om hom uit Rome weg te kry. Na die dood van Pous Johannes IX in 900 is Sergius tot pous verkies, maar hy word uit Rome verdryf deur koning Lambert van Spoleto. Sergius is verban en alle dokumente wat op hom betrekking het, is verbrand. Nuwe dokumente is deur sy vyande opgestel.
Teenpous Christoforus neem die mag in Rome oor in Oktober 903. Christoforus se teenstanders vra Sergius om terug te kom en in Januarie 904 keer hy met die militêre hulp van Alberic I van Spoleto[1] terug na Rome en word amptelik as pous aanvaar. Sergius se mag het gesteun op die van die militêre leier Theofilactus, hertog van Tusculum, wat die pous se geldsake beheer het. Hy was die vader van Marozia.
Pous Sergius III se pontifikaat word gesien as die begin van die "pornokrasie". Tydens die periode het die minnaresse van die pous, Theodora, die vrou van Theofilactus, wat deur Liutprand van Cremona beskryf word as 'n "skaamtelose hoer" en haar dogter Marozia, die minnares van Sergius en die ma van Pous Johannes XI, het groot invloed gehad.[2] Marozia was ook die tante van Pous Johannes XIII en die ouma van Pous Benedictus VI. Sergius het die beslissings van Pous Stefanus VI opnuut bekragtig, insluitende die van die "kadawersinode". Die besluite is egter na sy dood onmiddellik weer omgekeer. Hy word ook verantwoordelik gehou vir die dood van Pous Leo V en Teenpous Christoforus.[3]
Tydens die bewind van Sergius was daar verdere verwydering tussen Rome en die patriarg van Konstantinopel Nicolaas I. Die patriarg wou nie toelaat dat die Oos-Romeinse keiser Leo VI 'n vierde keer trou nie, hoewel hy 'n wewenaar was. Sergius het die nodige toestemming gegee.
Sergius laat die Lateraanse paleis herbou wat vernietig is in 'n aardbewing in 896. Hy is ook die eerste pous wat afgebeeld is met 'n tiara (driekroon).
Bibliografie
[wysig | wysig bron]- Duff, Eamon (2001). Saints and Sinners: A History of the Popes, Yale University Press. ISBN 0-300-09165-6
- Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.
Verwysings
[wysig | wysig bron]- ↑ "Sergius III." Encyclopædia Britannica. 2008. Encyclopædia Britannica Online. 18 Mei 2008 <http://www.britannica.com/eb/article-9066839[dooie skakel]>
- ↑ Brook, Lindsay. "Popes and pornocrats Rome in the Early Middle Ages"
- ↑ Wilkes. 2001, October 31. "The Cadaver Synod: The Strangest Trial in History Geargiveer 10 Mei 2007 op Wayback Machine." Flagpole Magazine. p. 8.
Eksterne skakels
[wysig | wysig bron]
- CE Inskrywing in die Catholic Encyclopedia (Engels)
- CF Inskrywing in die Catholic Forum (Engels)
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- PTA Inskrywing in "Popes through the Ages" deur J. Brusher S.J. (Engels)
Nota
[wysig | wysig bron]Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.
Opvolging
[wysig | wysig bron]| Voorafgegaan deur Leo V |
Pous (Pontifex Maximus) 904 – 911 |
Opgevolg deur Anastasius III |
Normdata  |
|
|---|