Pous Sergius IV
| Pous Sergius IV | |
|---|---|
| |
| Geboortenaam | Pietro Martino da Albano |
| Pontifikaat begin | 31 Julie 1009 |
| Pontifikaat eindig | 12 Mei 1012 |
| Voorganger | Johannes XVIII |
| Opvolger | Benedictus VIII |
| Gebore | ± 970 Rome, Italië |
| Sterf | 12 Mei 1012 Rome, Italië |
| Ander pouse genaamd Sergius | |
Sergius IV was die 142ste pous van die Rooms-Katolieke Kerk.
Biografie
[wysig | wysig bron]Pous Sergius IV[1] is gebore as Pietro Martino da Albano met die bynaam Pietro Buccaporci (Petrus Varkbek)[2] ongeveer in 970 in Rome, Italië die seun van Petrus die skoenmaker en sy vrou Stephania. In 1004 word hy aangestel as biskop van Albino. Op 31 Julie 1009 volg hy Pous Johannes XVIII op en regeer tot sy dood op 12 Mei 1012. Hy word opgevolg deur Pous Benedictus VIII. Die naam ‘Sergius’ beteken 'dienaar'.
Pontifikaat
[wysig | wysig bron]Pous Sergius IV se pontifikaat is oorskadu deur die mag van Johannes III Crescentius. Die pous het gehelp om hongersnood in Rome te verlig en het party kloosters vrygestel van biskoplike beheer. Hy het 'n bul geskrywe (die egtheid van die bul word betwis) wat vra dat Islam uit die Heilige Land verdryf moet word nadat die Kerk van die Heilige Graf in 1009 deur kalief al-Hakim bin-Amr Allah verwoes is.
Binne 'n week na die dood van Sergius is ook Crescentius op 18 Mei 1012 oorlede, wat die vermoede laat ontstaan het dat die pous vermoor is.
Bibliografie
[wysig | wysig bron]- Duff, Eamon (2001). Saints and Sinners: A History of the Popes, Yale University Press. ISBN 0-300-09165-6
- Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.
Verwysings
[wysig | wysig bron]- ↑ "Sergius IV." Encyclopædia Britannica. 2008. Encyclopædia Britannica Online. 10 Junie 2008 <http://www.britannica.com/eb/article-9066840[dooie skakel]>
- ↑ Mann, Horace. "Pope Sergius IV." The Catholic Encyclopedia. Vol. 13. New York: Robert Appleton Company, 1912. 10 Junie. 2008 <http://www.newadvent.org/cathen/13729b.htm>.
Eksterne skakels
[wysig | wysig bron]
- CE Inskrywing in die Catholic Encyclopedia (Engels)
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- PTA Inskrywing in "Popes through the Ages" deur J. Brusher S.J. (Engels)
- GM Inskrywing in die Genealogie van die Middeleeue (Duits)
Nota
[wysig | wysig bron]Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.
Opvolging
[wysig | wysig bron]| Voorafgegaan deur Johannes I van Albano |
Biskop van Albano 1004 – 1009 |
Opgevolg deur Theobald II van Albano |
| Voorafgegaan deur Johannes XVIII |
Pous (Pontifex Maximus) 1009 – 1012 |
Opgevolg deur Benedictus VIII |
