UKRAINE: Siku 1,000 za vita; msaada wa UN bado ni thabiti

Katika makazi ya pamoja uko Kharkiv, Naibu Kamishna Mkuu wa wakimbizi 2. Kelly T. Clements (kulia) akizungumza na Svitlana, mstaafu ambaye nyumba yake ilibomolewa na kombora.

Kuanzia Februari 2023, maeneo ya raia kwenye miji ya Ukraine yamelengwa, ikiwemo mji mkuu Kyiv. Vifo vya raia na uharibifu wa miundombinu ya kiraia huripotiwa kila siku.

Shirika la mpango wa chakula la Umoja wa Mataifa wakiwasilisha msaada kwa wakimbizi wanokimbia machafuko ndani ya Ukraine.

Katika miezi 9 ya mwanzo ya mwaka 2024, watoa misaada ya kibinadamu wamesambaza msaada kwa watu milioni 7.2 nchini Ukraine.

Watu wengi nchini Ukraine wanategemea msaada wa chakula unaotolewa na mashirika UN na mengineyo ya kiutu.

Hii ni pamoja na mji wa Kherson ulio mstari wa mbele kwenye mapigano, ambao kila mara unakumbwa na makombora. Umoja wa Mataifa umeweza kufikia maeneo yanayodhibitiwa na Ukraine ndani ya nchi lakini kufikia kunakodhibitiwa na Urusi bado ni changamoto.

IMf/Brendan Hoffman

Mtoto mwenye umri wa miaka 4 hapa Izium nchini Ukraine akijaribu koti la baridi ambalo ni msaada kutoka UNICEF na wadau

Takribani asilimia 65 ya uwezo wa Ukraine kuzalishan nishati ya umeme imevurugwa. Majira ya baridi kali yakijongea, mashambulizi dhidi yanavuruga miundombinu ya umeme, maji na mfumo wa kutoa joto.

Mkurugenzi mkuu wa IAEA Rafael Mariano Grossi akizuru kinu cha nyuklia cha Zaporizhzhya nchini Ukraine

Zaporizhzhya, mtamob wa nyuklia umekuwa unadhibiwa na Urusi tangu Machi 2022. Wataalamu kutoka shirika la UN la nishati ya nyuklia IAEA, wanafuatialia usalama kwenye mtambo huo. Mapigano na upelekaji droni kwenye eneo hilo unatia shaka kubwa.

Meli ya Brave Commaner ilitia nanga bandari ya Hudaidah nchini Yemen ikiwa na ngano kutoka Ukraine iliyosagishwa nchini Uruturki.

Mapema tu vita ilipoanza, UN ilifanikisha makubaliano ya kuendeleza usafirishaji wa shehena kutoka bandari za Ukraine, ili kupunguza ongeze la bei ambalo liliathiri vibaya nchi maskini. Juhudi awali zilifanikiwa lakini sasa makubaliano yamesambaratika. Mashambulizi ya Urusi yamarejea na bei zinaongezeka.

WFP/Mohammed Awadh

Daktari akimtembelea mama ambaye amejifungua tu kwenye hospitali moja huko Kharkiv wakati mapigano yakiendelea.

Makadirio ya mashirika ya kibinadamu ni kwamba zaidi ya watoto 2,000 wameuawa au wamejeruhiwa katika vita inayoendelea. Shirika la UN la kuhudumia watoto, UNICEF linaendelea kutoa msaada wa kuokoa maisha ikiwemo kuwapatia watoto elimu, msaada wa kisaikolojia na kuepukana na mabomu ya kutegwa ardhini.

UNICEF/Kristina Pashkina

Wakimbizi wanaoingia Poland kutoka Ukraine wakiwa mpakani Medyka.

Takribani watu milioni 6.7 wamesaka hifadhi nje ya Ukraine. Shirika la Umoja wa Mataifa la Uhamiaji, IOM na lile la kuhudumia wakimbizi, UNHCR wana dhima kubwa ya kuwasaidia wanafika ugenini kwa usalama.

Baba Nina, akiwa katika kituo cha mpito cha Mezhova baada ya kukimbia mapigano mkoa wa Donetsk nchini Ukraine.

“Sipendi hilo neno, lakini tunalitumia sana na huo ndio mnepo wa raia wa Ukraine. Inatia moyo sana ni kwa vipi watu wanaendelea kuhimili, wakiwa na tabasamu kwenye nyuso zao kusaidia watu wao.” Matthias Schmale, Afisa Mwandamizi wa UN nchini Ukraine

UNHCR/Chadi Quanes

UKRAINE: Siku 1,000 za vita; msaada wa UN bado ni thabiti

UKRAINE: Siku 1,000 za vita; msaada wa UN bado ni thabiti

pFad - (p)hone/(F)rame/(a)nonymizer/(d)eclutterfier! Saves Data!