نیویارک میں واقع اقوام متحدہ کے ہیڈکوارٹر میں 79ویں جنرل اسمبلی کے آغاز پر سربراہان حکومت، سفارت کار، ماہرین، مشہور شخصیات اور حقوق کے کارکن اعلیٰ سطحی ہفتے کے اجلاسوں اور عمومی مباحثے میں شریک رہے۔  

اتوار کی صبح شروع ہونے والی مستقبل کی کانفرنس ایسا موقع تھا جو کبھی کبھار ہی آتا ہے اور یہ عالمی نظام کو تبدیل کر دے گا۔

دنیا بھر سے لوگ نیویارک آئے جہاں انہوں نے مستقبل کی کانفرنس اور دیگر اجلاسوں میں سطح سمندر میں اضافے، جراثیم کش ادویہ کے خلاف مزاحمت، جوہری ہتھیاروں کے خاتمے اور افغان خواتین کو درپیش مشکلات سمیت بہت سے مسائل پر بات چیت کی۔

دنیا کو درپیش بہت سے بحرانوں کے تناظر میں سلامتی کونسل کے اجلاسوں میں امن و سلامتی، یوکرین اور لبنان پر بات کی گئی۔

بہت بڑی تعداد میں صحافی بھی جنرل اسمبلی میں آئے اور سفیروں سے بات چیت کی توقع میں سلامتی کونسل کے چیمبر سے باہر ان کے منتظر رہے۔

جنرل اسمبلی کے ہال میں سالانہ مباحثہ بہت سے عالمی رہنماؤں کے لیے اس ہفتے کا اہم ترین حصہ تھا جب اقوم متحدہ کے تمام 193 رکن ممالک میں ہر ایک کو 15 منٹ تک بات کرنے کا موقع دیا گیا۔

اقوام متحدہ کے باوردی سکیورٹی عملے نے تمام شرکا بالخصوص عمومی مباحثے میں تقاریر کرنے والوں کا تحفظ یقینی بنایا۔

حقوق کے کارکن اور اداکار ایڈ نورٹن جیسے شرکا نے اپنی مقبولیت سے کام لیتے ہوئے دنیا کے لیے پائیدار ترقی کے اہداف (ایس ڈی جی) کی اہمیت کو واضح کیا۔

دنیا بھر سے آئے نوجوانوں کو بھی مستقبل کے بارے میں اپنے تصورات کے اظہار کا موقع ملا۔

عمومی مباحثۃ سوموار کو ختم ہوا اور نیویارک کے علاقے مڈٹاؤن میں رکاوٹوں اور ٹریفک پر پابندیوں کو اٹھا لیا گیا۔ اس کے ساتھ ہی جنرل اسمبلی کا آغاز ہو گیا جو اپنے ایجنڈے میں بنیادی اہمیت کے مسائل پر غور کرے گی۔