Henry Nelson Wright
| Biografía | |
|---|---|
| Nacemento | 29 de outubro de 1869 Manipur, India  |
| Morte | 13 de maio de 1941 (71 anos) The Larches, Warlingham.  Surrey. Inglaterra. |
| País de nacionalidade | Británica. |
| Q89547790 | Estudos de moeda da India. |
| Actividade | |
| Campo de traballo | Numismática. |
| Ocupación | numismático |
| Empregador | Indian Civil Service (en)  |
| Familia | |
| Cónxuxe | Edith Mary Stuckey (1892). Minnie Barnes (1919). |
| Premios | |
| (1932): Medalla da RNS. | |
Henry Nelson Wright, nado no estado indio de Uttan Pradesh o 29 de outubro de 1869 e finado en Warlingham, Inglaterra, o 13 de maio de 1941, foi un funcionario ao servizo do Raj Británico e un numismático especializado na moeda da India.
Traxectoria
[editar | editar a fonte]Henry Nelson Wright naceu na vila de Mainpuri, no Estado indio de Uttar Pradesh, na India Británica, o 29 de outubro de 1969.[1] Era fillo de Francis Nelson Wright (1840-1900) e de Amelia Hannah Barnes (1842-1888).[2]
Durante a súa carreira como funcionario na India conformou unha importante colección de moeda da India islámica que posteriormente foi adquirida polo Departamento de Moedas e Medallas do Museo Británico e polo Museo de Delhi. Do mesmo xeito, o Museo Británico adquiriu tamén, en 1912, a súa colección de moeda do Imperio Gupta.[3][4]
Entre as súas obras cómpre salientar dous dos volumes que compoñen o catálogo das moedas do Museo da India en Calcuta, publicado entre 1906 e 1828.[3][5]
Wright foi membro da Royal Numismátic Society, de Londres, desde 1903[6][7] e tamén se atopa entre o grupo dos seis fundadores da Sociedade Numismática da India en 1910.[8] Ambas as institucións honrárono coas súas distincións máis prestixiosas.[9]
Así mesmo, Wright foi elixido membro da Sociedade Asiática de Bengala o 7 de novembro de 1894.[10]
Pola súa banda, a Sociedade Numismática da India instituíu na súa honra a Medalla de Bronce Nelson Wright, outorgada aos seus membros en recoñecemento dos seus méritos académicos. [11]
Vida persoal
[editar | editar a fonte]Henry Nelson Wright casou o 24 de febreiro de 1892 con Edith Mary Stuckey (1867-1917) en Madrás, Bengala, con quen tivo dous fillos e dúas fillas. O 25 de setembro de 1919 casou en segundas nupcias con Minnie Barnes, con quen tivo un fillo.[1]
Logo da súa xubilación como funcionario na India, Wright fixou a súa residencia en The Larches, Warlingham, no condado inglés de Surrey.[7] Alí faleceu o 13 de maio de 1941, aos 71 anos.[1]
Recoñecementos
[editar | editar a fonte]- (1932): Medalla da Royal Numismatic Society, de Londres.[12]
- Medalla de Ouro da Sociedade Numismática da India.[13]
Publicacións
[editar | editar a fonte]Estes son os traballos monográficos de Henry Nelson Wright sobre a moeda da India:[14][15]
- (1907). Catalogue of the coins in the Indian Museum, Calcutta. Vol. II: The Sultáns of Dehlí. / Contemporary Dynasties in India. Clarendom Press, Oxford.
- (1908). Catalogue of the coins in the Indian Museum, Calcutta. Vol III: Mughal Emperors of India. Clarendom Press, Oxford.
- (1936). The coinage and metrology of the Sult̤āns of Dehlī. Government of India, Delhi.
Notas
[editar | editar a fonte]- ↑ 1,0 1,1 1,2 "The Descendants of William Wright [...]. Fourth Generation". En Airgale.com.au
- ↑ "The Descendants of William Wright [...]. Third Generation". En Airgale.com.au
- ↑ 3,0 3,1 NC (1941). Páxina 11.
- ↑ "H Nelson Wright". The British Museum.
- ↑ Véxase (1907) e (1908) en "Publicacións".
- ↑ Pagan, H. (1986). "Record of Members and Fellows". En R. A. G. Carson. A History of the Royal Numismatic Society. Royal Numismatic Society, Londres. Páxina 75. ISBN 0-901405-24-8
- ↑ 7,0 7,1 "List of Fellows, 1940". En The Numismatic Chronicle. 5ª serie. Vol. 20. Nº 78 (1940). Rotal Numismatic Society, Londres. Páxina 11.
- ↑ "About NSI / History". Numismatic Society of India. Banars Hindu University.
- ↑ NC (1941). Páxinas 11-12.
- ↑ Proceedings of the Asiatic Society of Bengal. January to December 1894. The Asiatic Society, Calcuta. Páxinas 109 e 117.
- ↑ "Awards & Medals". Numismatic Society of India. Banars Hindu University.
- ↑ "The Society’s Medal". Royal Numismatic Society.
- ↑ NC (1941). Páxina 12.
- ↑ "Wright, H. Nelson (Henry Nelson)". WorldCat Identities.
- ↑ "Wright, Henry Nelson Arquivado 25 de outubro de 2021 en Wayback Machine.". Digital Library Numis.
Véxase tamén
[editar | editar a fonte]Bibliografía
[editar | editar a fonte]- NC (1941). Obituario en "Proceedings of the Royal Numismatic Society". The Numismatic Chronicle. Royal Numismatic Society. 6ª serie. Vol. 1. Nº 1/2. Páxinas 11-12.
