Sydney P. Noe
| Biografía | |
|---|---|
| Nacemento | 4 de abril de 1885 Woodbridge, Estados Unidos de América (pt)   |
| Morte | 6 de abril de 1969 (84 anos) |
| País de nacionalidade | Estadounidense |
| Educación |  Universidade Rutgers. |
| Actividade | |
| Campo de traballo | Numismática |
| Ocupación | bibliotecario, conservador, numismático |
| Membro de | |
| Premios | |
| - 1937: Medalla Huntington (ANA). - 1949: Medalla da RNS. - 1965: Medalla de ouro (ANA). | |
 | |
Sydney Philip Noe, nado o 4 de abril de 1885 en Woodsbridge, Nova Jersey, e finado o 6 de abril de 1969, foi un bibliotecario e numismático estadounidense especializado na moeda da Antiga Grecia.
Traxectoria
[editar | editar a fonte]Noe naceu o 4 de abril de 1885 en Woodbridge Township, un municipio do condado de Middlesex en Nova Jersey. En 1913 graduouse cun mestrado en Enxeñaría na Universidade Rutgers. Durante a súa estadía na universidade compaxinou os seus estudos cun traballo a tempo parcial na biblioteca, na que se lle pediu que clasificase unhas moedas procedentes dunha doazón, e esa foi a orixe do seu interese pola numismática.[1][2]
Noe ingresou na American Numismatic Society (ANS), de Nova York, en 1915, onde traballou como bibliotecario ata 1938. Nesa institución ocupou o posto de conservador (1938-1947) e foi ascendido en 1947 a conservador, e nomeado en 1953, cando se xubilou, conservador xefe emérito. Na ANS foi tamén secretario (1917-1947) e editor (1921-1945), nunha época en que a Sociedade lanzou dúas importantes series editoriais: Numismatic Notes and Monographs e Numismatic Studies.[1][2][3]
Nas súas investigacións, Noe especializouse na moeda da Antiga Grecia, aínda que tamén amosou interese por outros aspectos da numismática, como as moedas de Massachusetts da época colonial, as fichas comerciais das facendas mexicanas ou achados monetarios nos Estados Unidos, como o do tesouro de Castine.[4]
En 1953 foi nomeado membro honorario da Comisión Internacional de Numismática.[5]
Sydney Philip Noe faleceu o 6 de abril de 1969 nun hospital de New Brunswick, en Nova Jersey.[2]
Recoñecementos
[editar | editar a fonte]- (1937): Medalla Huntington, da American Numismatic Society, de Nova York. [6]
- (1949): Medalla da Royal Numismatic Society, de Londres.[7]
- (1965): Medalla de ouro da American Numismatic Society (polos 50 anos de pertenza).[8]
Publicacións
[editar | editar a fonte]
Noe foi autor de máis de 40 publicacións, entre monografías e artigos, maioritariamente relativas á numismática grega. Esta é unha escolma das súas monografías máis salientables:[1][9][10]
- (1920). Coin Hoards. American Numismatic Society, Nova York.
- (1921). The medallic work of A. A. Weinman. American Numismatic Society, Nova York.
- (1925). A Bibliography of Greek Coin Hoards. American Numismatic Society, Nova York. [2ª edición en 1937]
- (1926). Mende (Kaliandra) Hoard. American Numismatic Society, Nova York.
- (1927). Coinage of Metapontum, Part 1. American Numismatic Society, Nova York.
- (1928). The Chase Architrave. The Chase National Bank of New York.
- (1935). Thurian di-staters.
- (1942). The Castine deposit: an American hoard.
- (1943). New England and willow tree coinages of Massachusetts.
- (1947). Oak Tree coinage of Massachusetts.
- (1949). Hacienda Tokens of Mexico.
- (1950). Alexander coinage of Sicyon. American Numismatic Society, Nova York.
- (1952). The Pine Tree Coinages of Massachusetts. American Numismatic Society, Nova York.
- (1956). Two hoards of Persian sigloi. American Numismatic Society, Nova York.
- (1958). The Coinage of Caulonia. American Numismatic Society, Nova York.
- (1961). Coinage of Metapontum. American Numismatic Society, Nova York.
- (1973). An inventory of Greek coin hoards (con M. Thompson, O. Mørkholm e C. M Kraay). International Numismatic Commission.
- (1974). The silver coinage of Massachusetts. Quarterman Pub. Lawrence, Massachusetts.
- (1977). Early Cistophoric Coinage. American Numismatic Society, Nova York.
Notas
[editar | editar a fonte]- ↑ 1,0 1,1 1,2 "Noe, Sydney P. (Sydney Philip), 1885-1969". American Numismatic Society.
- ↑ 2,0 2,1 2,2 Smith, P. (2020).
- ↑ "Profiles in Numismatics, Sydney P. Noe 1885-1969 Arquivado 01 de abril de 2021 en Wayback Machine.". En The Celator. Vol. 13. Nº 7. Xullo de 1999. Páxina 28.
- ↑ Véxase a sección "Publicacións".
- ↑ "Les membres honoraires de la CIN, vivants ou défunts Arquivado 13 de xullo de 2020 en Wayback Machine.". En Compte rendu 55. 2008. Comission Internationale de Numismatique. Páxina 114.
- ↑ "Recipients of the Huntington Medal Award". American Numismatic Society.
- ↑ "The Society’s Medal". Royal Numismatic Society.
- ↑ "Sydney P. Noe Medal (1965)". En Miller, S. H. (2015). Medallic Art of the American Numismatic Society, 1865–2014. American Numismatic Society. Páxina 132. ISBN ISBN 978-0-89722-335-5
- ↑ "Noe, Sydney Philip 1885-1969 Arquivado 28 de xullo de 2021 en Wayback Machine.". Digital Library Numis.
- ↑ "Noe, Sydney P. (Sydney Philip) 1885-1969". WorldCat Identities.
Véxase tamén
[editar | editar a fonte]Bibliografía
[editar | editar a fonte]- Smith, P. (2020). American Numismatic Biographies. Páxina 266.
