Peter Spufford
| Biografía | |
|---|---|
| Nacemento | 18 de agosto de 1934 |
| Morte | 18 de novembro de 2017 (83 anos) |
| País de nacionalidade |  Británica. |
| Educación |  Universidade de Cambridge. |
| Q89547790 | Estudos de numismática e historia económica medieval. |
| Actividade | |
| Campo de traballo | Historiografía e numismática |
| Ocupación | historiador, académico  |
| Empregador | Universidade de Cambridge |
| Membro de | |
| Familia | |
| Cónxuxe | Margaret Clark (Margaret Spufford). |
| Premios | |
| - 2005: Medalla da Royal Numismatic Society. - 2005: Medalla Gunnar Holst. | |
 | |
Peter Spufford, nado o 18 de agosto de 1934 e finado o 18 de novembro de 2017, foi un historiador e numismático británico especializado na economía medieval.[1]
Spufford foi profesor emérito de Historia Europea da Universidade de Cambridge.[1]
Traxectoria
[editar | editar a fonte]Vida académica
[editar | editar a fonte]Peter Spufford concluíu en 1956 os seus estudos de Historia na Universidade de Cambridge, onde en 1962 acadou o doutoramento baixo a dirección de Philip Grierson e Hans Van Werveke.[1][2] A súa tese foi publicada en Leiden en 1970 co título de Monetary Problems and Policies in the Burgundian Netherlands 1433-1496.[3][4]
En 1960 ingresou como profesor axudante na Universidade de Keele, institución na que exerceu a docencia durante nove anos e na que chegou a ser xefe en funcións do Departamento de Historia.[1][5]
En 1979 foi nomeado membro do Queens' College, da Universidade de Cambridge. No seo desa universidade ocupou diferentes postos na súa Facultade de Historia: foi profesor asociado entre 1979 e 1990, profesor titular de Historia Económica desde ese ano ata 2000 e catedrático de Historia Económica en 2000 e 2001, ano en que se retirou do ensino universitario e foi nomeado membro emérito do Queens' College.[1][6][7]
O máis sobranceiro do seu legado intelectual é unha tríade de libros que constitúen unha referencia no seu ámbito: Money and Its Use in Medieval Europe (1988), un estudo anovador do papel que xogaron as cuñaxes e o crédito no funcionamento da economía medieval;[8] Handbook of Medieval Exchange (1986), unha obra de referencia que recolle todos os datos daquela coñecidos sobre os tipos de cambio das moedas na Europa Occidental durante toda a Idade Media;[9] e Power and Profit: The Merchant in Medieval Europe (2003), un estudo ilustrado sobre as rutas comerciais medievais, a banca, o comercio de mercadorías e a vida dos comerciantes.[10]
Entre outras entidades, Spufford foi membro da Sociedade de Xenealoxistas (1955), da que ocupou a vicepresidencia entre 1997 e 2012. Ademais, foi o editor do xornal da Sociedade de 1961 a 1963.[11]
Durante o curso 1959-1960, presidiu a Sociedade Heráldica e Xenealóxica da Universidade de Cambridge, que el mesmo fundara en 1955, e foi o seu vicepresidente en anos posteriores.[12]
Vida persoal
[editar | editar a fonte]Spufford casou en 1962 coa profesora de Historia Margaret Clark (1935-2014).[13] Tiveron un fillo e unha filla, chamados Francis e Bridget, que morreron antes ca eles. O nome da súa filla permanece na memoria na denominación do Bridget's Hostel para estudantes con discapacidade, en Cambridge.[7]
Spufford morreu o 18 de novembro de 2017. O seu funeral tivo lugar o 24 de novembro na igrexa de Santa María e Santo André en, Whittlesford, Cambridgeshire.[14]
Recoñecementos
[editar | editar a fonte]Honras académicas
[editar | editar a fonte]- (1968): Membro da Royal Historical Society.
- (1969): Membro da Society of Genealogists.[11]
- (1990): Membro da Society of Antiquaries.[1][15]
- (1994): Membro da British Academy.[1][16]
Premios
[editar | editar a fonte]- (2005): Medalla da Royal Numismatic Society, de Londres.[17]
- (2005): Medalla Gunnar Holst, da Gunnar Holst Stiftelse för Numismatik, de Gotemburgo, Suecia.[18]
Publicacións
[editar | editar a fonte]Estas son as monografías publicadas por Peter Spufford ao longo da súa traxectoria académica:[19][20]
- (1967). Origins of the English Parliament. Longmans, Londres.
- (1970). Monetary Problems and Policies in the Burgundian Netherlands 1433-1496. Brill, Leiden.
- (1986). Handbook of Medieval Exchange. Royal Historical Society, Londres. ISBN 978-0861931057
- (1988). Money and Its Use in Medieval Europe. Cambridge University Press. ISBN 978-0521375900
- (1988). Later medieval mints: Organisation, administration and techniques (ed., con N. J. Mayhew). British Archaeological Reports, Oxford. ISBN 978-0860545033
- (1990). The Records of the Nation (ed. con G. H. Martin). Boydell & Brewer. ISBN 978-0851155388
- (1999). Index to the Probate Accounts of England and Wales, A-J. British Record Society, Londres. ISBN 978-0901505408
- (2003). Power and Profit: The Merchant in Medieval Europe. Thames & Hudson, ISBN 978-0500251188
- (2008). How rarely did medieval merchants use coin? Geldmuseum, Utrecht. ISBN 978-90-73882-21-8
Notas
[editar | editar a fonte]- ↑ 1,0 1,1 1,2 1,3 1,4 1,5 1,6 "Professor Peter Spufford". Directory of Fellows. Queens' College Cambridge.
- ↑ Blockmans, W. (2020). Páxinas 341-342.
- ↑ Blockmans, W. (2020). Páxina 343.
- ↑ Véxase (1970) en "Bibliografía".
- ↑ Blockmans, W. (2020). Páxina 346.
- ↑ Blockmans, W. (2020). Páxina 349.
- ↑ 7,0 7,1 "Spufford, Prof. Peter". En Who's Who 2017. Oxford University Press.
- ↑ Blockmans, W. (2020). Páxina 350.
- ↑ Blockmans, W. (2020). Páxina 349.
- ↑ Blockmans, W. (2020). Páxina 351.
- ↑ 11,0 11,1 "Obituary. Professor Peter Spufford, LittD, FBA, FSA, FSG". En Genealogists' Magazine. Vol. 32. Nº 9. Marzo de 2018.
- ↑ Blockmans, W. (2020). Páxinas 346-347.
- ↑ Blockmans, W. (2020). Páxina 342.
- ↑ "Professor Peter Spufford FBA (1934 - 2017)". Queens' College Cambridge.
- ↑ "List of Fellows". Society of Antiquaries of London.
- ↑ Blockmans, W. (2020).
- ↑ "The Society’s Medal". Royal Numismatic Society.
- ↑ "Carmen Arnold-Biucchi får Gunnar Holstmedaljen 2012". En Svensk Numismatisk Tidskrift. Sociedade Numismática Sueca. Setembro de 2012. Páxina 114.
- ↑ "Prof. Spufford: Publications". Queens' College Cambridge.
- ↑ "Peter Spufford". Academia.edu
Véxase tamén
[editar | editar a fonte]Bibliografía
[editar | editar a fonte]- Blockmans, W. (2020). "Peter Spufford". En Biographical Memoirs of Fellows of the British Academy. XIX. British Academy, Londres. Páxinas 339-355.
Ligazóns externas
[editar | editar a fonte]- "In Memoriam, Peter Spufford (1934-2017)". Cercle d’Études Numismatiques (CEN)
- Nados en 1934
- Finados en 2017
- Historiadores do Reino Unido
- Medievalistas
- Numismáticos do Reino Unido
- Galardoados coa medalla Gunnar Holst
- Alumnos da Universidade de Cambridge
- Profesores da Universidade de Cambridge
- Profesores da Universidade de Keele
- Membros da Academia Británica
- Membros da Sociedade de Anticuarios de Londres
- Galardoados coa medalla da Royal Numismatic Society