اقوام متحدہ کے سیکرٹری جنرل انتونیو گوتیرش نے کہا ہے کہ جنگوں، موسمیاتی آفات اور معاشی دباؤ کے باعث نقل مکانی کرنے والے لوگ مہاجرت کے راستوں پر المناک طور سے موت کا شکار ہو رہے ہیں جبکہ غلط اور گمراہ کن اطلاعات ان کی مشکلات میں مزید اضافہ کر رہی ہیں۔

شام کے لیے اقوام متحدہ کے تحقیقاتی طریق کار (کمیشن) کے سربراہ رابرٹ پٹی نے کہا ہے کہ شہریوں کے خلاف سابق حکومت کے جرائم پر احتساب یقینی بنانے کے لیے ثبوت محفوظ رکھنا ضروری ہے۔

دنیا میں نقل مکانی پر مجبور لوگوں کی تعداد 12 کروڑ 30 لاکھ تک پہنچ گئی ہے۔ پناہ گزینوں کے لیے اقوام متحدہ کے ادارے (یو این ایچ سی آر) نے بتایا ہے کہ تحفظ کی تلاش میں ہجرت کرنے والوں کی مدد کے لیے اسے آئندہ سال کے لیے 1.5 ارب ڈالر کے امدادی وسائل دستیاب ہو چکے ہیں۔

دنیا بھر میں 6 کروڑ سے زیادہ خواتین اور لڑکیاں صنفی بنیاد پر تشدد (جی بی وی) کے باعث بے ریاستی حیثیت میں زندگی گزار رہی ہیں یا انہیں نقل مکانی پر مجبور ہونا پڑا ہے جبکہ انہیں ضروری خدمات کی فراہمی کے لیے مالی وسائل کا شدید فقدان ہے۔

ستمبر 2023 میں پاکستانی حکومت کی جانب سے افغان مہاجرین کی واپسی کا حکم نامہ جاری کرنے کے بعد اب تک کم از کم ساڑھے سات لاکھ افغان مہاجرین کو ملک بدر کیا جا چکا ہے۔ افغانستان واپس بھیجے گئے مہاجرین کی بھاری اکثریت (88 فیصد) بلاکاغذات مہاجرین پر مبنی تھی۔

پناہ گزینوں کے لیے اقوام متحدہ کے ادارے (یو این ایچ سی آر) نے کہا ہے کہ یوکرین میں توانائی کے نظام پر روس کے حالیہ حملوں کے باعث ملک میں بجلی پیدا کرنے کی صلاحیت میں 65 فیصد تک کمی آ گئی ہے۔

پناہ گزینوں کے لیے اقوام متحدہ کے ادارے (یو این ایچ سی آر) نے بتایا ہے کہ جنگوں، تشدد اور مظالم سے جان بچا کر نقل مکانی کرنے والوں کے لیے موسمیاتی تبدیلی بڑھتے ہوئے خطرے کی صورت اختیار کر گئی ہے۔

پناہ گزینوں کے لیے اقوام متحدہ کے ہائی کمشنر فلیپو گرینڈی نے نقل مکانی پر مجبور لوگوں کے لیے عالمی برادری سے ہنگامی بنیادوں پر مدد کی فراہمی کا مطالبہ کیا ہے جن کی تعداد لبنان، سوڈان اور دیگر جگہوں پر جاری جنگوں کے باعث 12 کروڑ 30 لاکھ تک پہنچ گئی ہے۔

پناہ گزینوں کے لیے اقوام متحدہ کے ہائی کمشنر فلیپو گرینڈی نے لبنان میں جنگ بندی پر زور دیتے ہوئے خبردار کیا ہے کہ اگر اسرائیل اور حزب اللہ کی جنگ جاری رہی تو مستقبل قریب میں مزید لاکھوں لوگ بے گھر ہو سکتے ہیں۔

ایک راہبہ، انسانی حقوق کی کارکن، ایک سماجی منتظم، رضاکار امدادی کارکن اور بے ریاستی حیثیت کے خاتمے کے لیے کام کرنے والی ایک خاتون نے 'یو این ایچ سی آر' کا نینسن رفیوجی ایوارڈ جیت لیا ہے۔