اقوام متحدہ کے غیرجانبدار ماہرین نے کہا ہے کہ تمام انسانوں کے مشمولہ، پرامن اور مستحکم مستقبل کی بنیاد انسانی حقوق پر ہونا ضروری ہے اور اسی صورت آزادی، سلامتی اور پائیدار ترقی کو یقینی بنایا جا سکتا ہے۔

اقوام متحدہ کی سلامتی کونسل کے پانچ منتخب ارکان کی دو سالہ مدت کا آغاز ہو گیا ہے جن میں ڈنمارک، یونان، پاکستان، پانامہ اور صومالیہ شامل ہیں۔

اقوام متحدہ کے سیکرٹری جنرل انتونیو گوتیرش نے 2025 کو نئی شروعات کا سال قرار دیتے ہوئے رکن ممالک سے کہا ہے کہ وہ گرین ہاؤس گیسوں کے اخراج میں بڑے پیمانے پر کمی لا کر زمین اور انسانیت کو تباہی سے بچائیں۔

اقوام متحدہ کے سیکرٹری جنرل انتونیو گوتیرش نے سابق امریکی صدر جمی کارٹر کے انتقال پر گہرے رنج وغم کا اظہار کرتے ہوئے کہا ہے کہ امن ساز، انسانی حقوق کے چیمپیئن اور انسان دوست کی حیثیت سے ان کی وراثت کو دیر تک یاد رکھا جائے گا۔

اقوام متحدہ کے سکریٹری جنرل انتونیو گوتیرش  نے ہندوستان کے سابق وزیر اعظم ڈاکٹر منموہن سنگھ کے انتقال پر گہرے رنج و غم کا اظہار کیا ہے۔ ڈاکٹر سنگھ کا انتقال جمعرات 26 دسمبر کو 92 سال کی عمر میں ہوا۔

جنرل اسمبلی نے 2025 کے لیے اقوام متحدہ کے 3.72 ارب ڈالر مالیتی بجٹ کی منظوری دے دی ہے جس کے ساتھ خشکی میں گھرے ترقی پذیر ممالک (ایل ایل ڈی سی) کی ترقی کے لیے ایک نیا پروگرام بھی منظور کیا گیا ہے۔

مسلح گروہ ہیت تحریر الشام (ایچ ٹی ایس) شام کے سابق صدر بشار الاسد کی حکومت کے خاتمے کے بعد ملک میں سب سے بااثر فریق کے طور پر ابھرا ہے۔ اقوام متحدہ کی سلامتی کونسل اسے دہشت گرد تنظیم قرار دے چکی ہے۔

بشار الاسد کی حکومت کے خاتمے کے بعد شام غیر یقینی پر مبنی ایک نئے دور میں داخل ہو چکا ہے۔ اقوامِ متحدہ کا ایک اہم کردار یہ ہوگا کہ منظم انتقالِ اقتدار کے ذریعے مستحکم اداروں کی تشکیل یقینی بنائے اور 2011 میں شروع ہونے والی خانہ جنگی کے مختلف گروہوں اور دھڑوں کو قریب لانے کی کوششوں کو جاری رکھے۔

اقوام متحدہ کی جنرل اسمبلی نے غزہ میں جنگ بندی، یرغمالیوں کی رہائی اور فلسطینی پناہ گزینوں کے لیے امدادی ادارے (انروا) کو تحفظ دینے اور اسرائیل سے اس کے خلاف پابندی ختم کرنے کے مطالبے پر مبنی قراردادوں کی بھاری اکثریت سے منظوری دے دی ہے۔

اقوام متحدہ کے سیکرٹری جنرل انتونیو گوتیرش نے ہنگامی حالات کے لیے ادارے کے مرکزی فنڈ (سی ای آر ایف) کے لیے مالی وسائل کی فراہمی بڑھانے پر زور دیتے ہوئے کہا ہے کہ ان عطیات سے دنیا بھر میں زندگیوں کو تحفظ دینے میں مدد ملے گی۔