Shirika la Umoja wa Mataifa la kuhudumia watoto UNICEF linaisaidia serikali ya Burundi katika kuunganisha taarifa za watu katika mifumo inayosomana ya kiraia na ya huduma ya afya. 

Nchini Bangladesh, mradi wa kuimarisha stadi na kufungua fursa za kiuchumi, ISEC miongoni mwa wanawake na vijana, umewezesha wasichana kuvunja mwiko na kuingia kwenye tasnia ambazo zimezoeleka kuwa ni za wanaume, mathalani ufundi bomba. Mradi huo unaolenga wanufaika 24,000 wenye umri kati ya miaka 18 na 35 unatekelezwa na shirika la Umoja wa Mataifa la Kazi duniani, ILO kwa kushirikiana na serikali ya Bangladesh.

Mfuko wa Umoja wa Mataifa wa Maendeleo ya Kilimo, IFAD kwa kushirikiana na wadau na kupitia msaada wa Muungano wa Ulaya unasaidia raia wa Mali wanaoishi ughaibuni kuwekeza kwa ufanisi nyumbani Mali.

Mji wa Amazon wa Belém, Brazili, utakuwa kitovu cha juhudi za kimataifa za kukabiliana na janga la mabadiliko ya tabianchi mwezi Novemba 2025, wakati utakapoandaa moja ya mikutano muhimu ya Umoja wa Mataifa ya mabadiliko ya tabianchi hivi karibuni.

Mkurugenzi Mkuu wa shirika la Afya la Umoja wa Mataifa WHO Dkt.Tedros Adhanom Ghebreyesus ametoa wito kwa viongozi "kuleta amani inayohitajika sana duniani, afya na usalama kwa wote," akisisitiza kwamba "amani ni, na daima itakuwa, dawa bora kwa afya na ustawi wa watu wote, kila mahali."

Kati ya changamoto za maisha ukimbizini na vishawishi katika ujana, msichana Ashiimwe Baganiza, anahaha kufanya kila liwezekanalo kutimiza ndoto yake ya kuwa wakili.

Shirika la Umoja wa Mataifa la hali ya hew diniani WMO, limesema mwaka 2024 unatarajiwa kuvunja rekodi ya kuwa mwaka wa joto kali zaidi ukiwakilisha muongo wa joto ambalo halijawahi kushuhudiwa linalochochewa na shughuli za binadamu.

Ujumuishwaji wa lugha mbalimbali katika dunia iliyoshikamana katika nyanja mbalimbali ni moja ya malengo ya Umoja wa Mataifa kuanzia katika Makao Makuu ya Umoja wa Mataifa hadi kwenye nchi wanachama unalichagiza hilo.

Mradi wa pamoja wa shirika la Umoja wa Mataifa la chakula na kilimo FAO ujulikanao kama Nabta kwa lugha ya Kiarabu ukimaanisha "mche" ambao lengo lake ni kuwasaidia vijana wajasiriamali kubadili mawazo yao kuwa  biashara ya kilimo yenye mafanikio umeleta nuru kwa Alaa Khattab kijana aliyekuwa na ndoto ya kuwa mfanyabiashara wa kilimo nchini Syria. 

Hivi karibuni mkutano wa Umoja wa Mataifa wa kuzuia kuzuia kuenea kwa jangwa, ulikunja jamvi huko Riyadh, Saudi Arabia ambapo Mfuko wa Umoja wa Mataifa wa Maendeleo ya Kilimo, IFAD ulitumia fursa hiyo kuelezea harakati zake za kusaidia wakulima barani Afrika walioathiriwa vibaya na kuenea kwa jangwa. Miongoni mwa mataifa hayo ni Zimbabwe ambako IFAD imeshaanza kuchukua hatua na kuleta nuru kwa wakulima.