Kamishna Mkuu wa Umoja wa Mataifa wa Haki za Binadamu Volker Türk, amesema wiki ijayo anatuma Syria timu ndogo ya maafisa wa  haki za binadamu ili kusaidia watumishi wa Umoja wa Mataifa walioko nchini humo hivi sasa kuhusu masuala ya haki za binadamu.

"Wasyria wanastahili kupata kile wanachotarajia wakirejea nyumbani, kama vile usalama, misaada na utulivu,” amesema Amy Pope, Mkurugenzi Mkuu wa shirika la Umoja wa Mataifa la Uhamiaji, IOM akizungumza na waandishi wa habari mjini Geneva, Uswisi baada ya kumaliza ziara yake katika taifa hilo la Mashariki ya Kati.

Karla Quintana mwanaharakati wa haki za binadamu na mbobezi wa sheria kutoka Mexico ameteuliwa na Katibu Mkuu wa  Umoja wa Mataifa António Guterres hii leo kuongoza Tume Huru ya kuchunguza watu waliotoweshwa nchini Syria, Tume ambayo imeundwa na Baraza la Kuu la Umoja wa Mataifa mwezi Juni mwaka jana 2023.

Siku kumi na moja tangu kukoma kwa utawala wa kiimla uliodumu kwa miongo mitano nchini Syria, viongozi wa ngazi mbalimbali za Umoja wa Mataifa wamendelea kusisitiza hitaji la kutanguliza ulinzi wa manusura na uhifadhi wa ushahidi wa uhalifu.

Baraza la Usalama la Umoja wa Mataifa limetaka mchakato wa kisiasa Syria uwe jumuishi na uongozwe na wasyria wenyewe kwa msingi wa kanuni zilizoorodheshwa kwenye azimio namba 2254 la mwaka 2015, Umoja wa Mataifa ukitoa usaidizi.

Katika harakati za kurejesha huduma za afya nchini Syria baada ya miaka 14 ya vita vya wenyewe kwa wenyewe vilivyosambaratisha huduma hizo kwa wananchi, hii leo shirika la Umoja wa Mataifa la Mpango wa Maendeleo duniani, UNDP limefikisha nishati ya mafuta kwenye hospitali ya Zahi Azraq mjini Aleppo kaskazini mwa nchi.

Takriban watu milioni moja wa Gaza wanakabiliwa na hatari ya kuishi majira ya baridi bila makazi ya kutosha huku mashirika ya Umoja wa Mataifa yakihaha kutoa msaada wa kukabiliana na hali ya hewa ya baridi, wakati kukiwa na mashambulizi yanayoendelea ya Israel, maagizo ya mara kwa mara ya watu kuhama na vikwazo vya kuwasilisha misaada, yameonya leo mashirika ya kibinadamu ya Umoja wa Mataifa.

Siku 11 baada ya kuanguka kwa utawala wa Assad nchini Syria, wajumbe wa Baraza la Usalama la Umoja wa Mataifa wamejulishwa kuwa wasyria hivi sasa licha ya matumaini bado wamegubikwa na hofu.

Wakati mabadiliko ya utawala mjini Damascus yakifufua matumaini ya uwajibikaji kwa vita vya wenyewe kwa wenyewe nchini Syria, mkuu wa chombo cha uchunguzi cha Umoja wa Mataifa amesema yuko tayari kufanya kazi na mamlaka mpya ya Syria kuhifadhi na kuchambua uwezekano wa ushahidi kuhusiana na uhalifu wa kivita.

Kundi la kigaidi la Hayat Tahrir al-Sham (HTC), linalotambuliwa na Baraza la Usalama la Umoja wa Mataifa  kama kundi la kigaidi limeibuka kuwa jeshi kuu nchini Syria baada ya kuuangusha utawala wa Bashar Al-Assad.