Msaidizi wa Katibu Mkuu wa Umoja wa Mataifa wa masuala ya kisiasa Rosemary DiCarlo leo ameliambia Baraza la Usalama kwamba Jamhuri ya Kidemokrasia ya Watu wa Korea (DPRK) inajitajidi kufanya kila liwezekanalo kupanua wigo wa uwezo wake wa kijeshi wa urushaji wa makombora, mpango wa nyuklia na ushirikiano wa kijeshi na Urusi.

Janga la kibinadamu likizidi kushika kasi nchini Yemen, shirika la Umoja wa Mataifa la Uhamiaji, IOM linaongeza kasi ya mpango wake wa kurejesha wahamiaji nyumbani kwa hiari, VHR. Mradi huu hupatia wahamiaji waliokwama njia salama ya kurejea nyumbani kwao. Kupanuliwa kwa mradi huu kunafuatia idadi ya wahamiaji nchini Yemen kuongezeka na kufikia 6,300 mwezi Oktoba mwaka huu, kwa mujibu wa mfuko wa IOM wa  Ufuatiliaji wa wahamiaji.

Kufuatia ripoti mpya inayofichua ukiukwaji mkubwa wa haki za waandishi wa habari nchini Afghanistan, tangu watalibani wajitwalie madaraka nchini humo, Umoja wa Mataifa umetaka mamlaka hizo kuchukua hatua za kulinda uhuru wa vyombo vya habari.

Nchini Afghanistan, kilimo cha afyuni, zao litumikalo kutengeneza dawa za kulevya,  kwa mwaka huu wa 2024 kimeongezeka kwa asilimia 19, zao hilo likilimwa katika eneo la ukubwa wa ekari 12,800, imesema ripoti mpya ya Umoja wa Mataifa iliyotolewa leo.

Ukosefu mkubwa wa uhakika wa kupata chakula unatarajiwa kuongezeka kwa kiwango kikubwa katika nchi na maeneo  22, ripoti mpya ya Umoja wa Mataifa iliyotolewa leo na mashirika yake, lile la Mpango cha Chakula, WFP na la chakula na kilimo, FAO.

Kutana na  F. Lattlandiki ambaye anasema unaweza pia kumwita Didiki, yeye ni Meneja wa Kampuni ya Dairei ya kusindika zao la ndizi na ana umri wa miaka 26. Didiki ni mwanafunzi wa masomo ya biashara na anasema anapenda sana kufanya biashara. Didiki anafanya kazi katika kampuni ya familia yao iitwayo Dairei iliyoko wilaya ya Mizoram kaskazini-mashariki mwa India, barani Asia, eneo ambako zao la ndizi linalimwa zaidi.

Msisitizo wa kimataifa lazima uendelee kuelekezwa kwa Haiti, ambapo hali ya sintofahamu ya kisiasa inaendelea na kukithiri kwa ghasia za magenge na uhaba wa chakula kunaendelea kuiingiza nchi hiyo "katika mgogoro unaoendelea", afisa mkuu wa Shirika la Umoja wa Mataifa la Mpango wa Chakula Duniani (WFP) amesema.

Mshauri Mkuu wa serikali ya mpito nchini Bangladesh, Muhammad Yunus amehutubia Mjadala Mkuu wa Baraza Kuu la Umoja wa Mataifa, UNGA79 jijini New York, Marekani na kueleza mambo ya msingi wanayofanya hivi sasa ili kurejesha utawala wa haki na wa amani nchini humo baada ya maandamano  yaliyosababisha Waziri Mkuu kukimbia nchi.

Katibu Mkuu wa Umoja wa Mataifa Antonio Guterres amesema wanawake na  wasichana wa Afghanistan wanakabiliwa na mgogoromkubwa wa ubaguzi wa kijinsia na ukandamizaji na sheria mpya iliyopitishwa mwezi uliopita inahalalisha kimfumo kuwafuta wanawake na wasichna wa Afghanistan katika maisha ya umma.

Ushirikiano kati ya China na Afrika unaweza kuendeleza mapinduzi ya nishati jadidifu na kuwa kichocheo kwa mabadiliko muhimu katika mifumo ya chakula na uunganishaji wa kidijitali, Katibu Mkuu wa Umoja wa Mataifa, Antonio Guterres, amewaeleza washiriki wa mkutano wa ushirikiano baina ya China na Afrika leo Septemba 5 jijini Beijing, China.