Msaidizi wa Katibu Mkuu wa Umoja wa Mataifa wa masuala ya kisiasa Rosemary DiCarlo leo ameliambia Baraza la Usalama kwamba Jamhuri ya Kidemokrasia ya Watu wa Korea (DPRK) inajitajidi kufanya kila liwezekanalo kupanua wigo wa uwezo wake wa kijeshi wa urushaji wa makombora, mpango wa nyuklia na ushirikiano wa kijeshi na Urusi.

Tarehe 11 mwezi huu waDesemba, shirika la Umoja wa Mataifa la kuhudumia watoto, UNICEF lilitoa ripoti yake kuhusu usajili wa vizazi duniani ikionesha maendeleo makubwa katika idadi ya watoto wanaosajiliwa na kupatiwa vyeti vya kuzaliwa. Maeneo mengine kama nchi za Afrika Kusini mwa jangwa la Sahara ongezeko ni dogo ikilinganishwa na kwingineko. Ingawa hivyo licha ya changamoto zilizoko kwa nchi za Afrika zilizo Kusini mwa jangwa la Sahara katika kutoa huduma hiyo, mafanikio yanaanza kuonekana.

Mkutano wa Jukwaa la Kimataifa la Usimamizi wa Intaneti, IGF ukiingia siku ya pili hii leo huko Riyadh, nchini Saudi Arabia, washiriki wamejulishwa jinsi Rwanda inavyotumia Akili Mnemba au AI kuimarisha huduma za afya nchini humo.

Wahamiaji wa kimataifa wameendelea kuongezeka na kuwa na majukumu muhimu kwenye soko la ajira duniani kwani wamechangia asilimia 4.7 ya nguvu kazi yote duniani kwa mwaka 2022, limesema shirika la Umoja wa Mataifa la Kazi duniani katika ripoti mpya iliyotolewa leo Geneva, Uswisi iliyopatiwa jina Makadirio ya Wafanyakazi Wahamiaji duniani.

Mwaka 2025 ni lazima uwe mwaka wa kuhakikisha bara la Afrika linapata haki yake, amesema Katibu Mkuu wa Umoja wa Mataifa Antonio Guterres akizungumza na waandishi wa habari mjini Pretoria, nchini Afrika Kusini hii leo, kwenye ziara ambayo amesema ni ya kuonesha mshikamano na pia kusaka haki, wakati huu ambapo taifa hilo limechukua Urais wa kundi la nchi 20, G20 zenye uchumi mkubwa zaidi duniani.

Mkurugenzi Mkuu wa shirika la Umoja wa Mataifa  la Afya Duniani WHO, amesema amestushwa na kusikitishwa na kifo cha aliyetarajiwa kushika wadhifa wa Mkurugenzi wa WHO Kanda y Afrika Dkt. Faustine Engelbert Ndugulile kutoka nchini Tanzania.

Mmekusanyika ili kukamilisha mkataba wa kihistoria wa kukomesha uchafuzi unaotokana na plastiki - hatua muhimu ya kulinda sayari yetu, ndivyo Katibu Mkuu wa Umoja wa Mataifa António Guterres alivyoianza hotuba yake kwa njia ya video kwa wajumbe kutoka nchi 175 walikusanyika katika jiji la Busan nchini Korea Kusini, Jumatatu hii ya Novemba 25 kwa ajili ya mkutano wa tano wenye lengo la kupata mkataba wa kimataifa wa kuzuia uchafuzi unaotokana na plastiki.

Harakati za kukabiliana na kudhibiti habari potofu na za uongo kuhusu tabianchi zimepata hamasa mpya hii leo baada ya Brazil, Umoja wa Mataifa na shirika lake la Sayansi, Elimu na Utamaduni, kuzindua Mpango wa Kimataifa kuhusu Uadilifu wa Taarifa kuhusu Tabianchi.

Katibu Mkuu wa Umoja wa Mataifa Antonio Guterres amewasihi na kuwasisitiza viongozi wa nchi 20 tajiri duniani wanaokutana mjini Rio de Janeiro nchini Brazil kushika usukani wa kushughulikia changamoto za  kimataifa kuanzia kukabili changamoto ya mabadiliko ya tabianchi, amani na usalama na kusongesha malengo ya maendeleo endelevu.

Katibu Mkuu wa Umoja wa Mataifa Antinio Guterres ambaye yuko mjini Rio de Janeiro nchini Brazili kwa ajili ya mkutano wa mataifa 20 tajiri duniani au G20 amekutana na kuzungumza na Rais wa Brazili Luiz Inácio Lula da Silva.